بۇل ورتالىقتىڭ باستى ماقساتى ەلىمىزدىڭ باتىس وڭىرىندە تۇراتىن تۇرعىندارعا ساپالى مەديتسينالىق قىزمەت كورسەتۋ بولىپ وتىر. وسى ايىرىقشا قۇرىلىمدا قاراشانىڭ ءبىرىنشى جۇلدىزىنان باستاپ اشىق ەسىك كۇندەرى وتكىزىلىپ كەلەدى. ىزگىلىك پەن قايىرىمدىلىققا تولى شارا الدىمىزداعى 1 جەلتوقسان تۇڭعىش پرەزيدەنت كۇنىنە دەيىن سوزىلماق.
- بۇل باستاما تۇرعىندار دەنساۋلىعىن نىعايتۋدى كوزدەيدى. وسى ماقساتتا ولارعا بىلىكتى پروفەسسورلار مەن تاجىريبەسى مول جوعارى ساناتتى دارىگەرلەر تەگىن پايدالى كەڭەستەر بەرەدى. وسى مۇمكىندىكتى قۇر جىبەرگىسى كەلمەيتىندەر ەمدەۋ مەكەمەلەرى مەن دارىگەرلەردىڭ جولداماسىنسىز اۋرۋحاناعا كەلىپ, قارالۋىنا بولادى. ءبىز ءبىر ايعا سوزىلاتىن اشىق ەسىك كۇنىن تۇڭعىش پرەزيدەنت كۇنى قۇرمەتىنە ارناپ وتىرمىز دەدى باس دارىگەرى رۋستەم يساەۆ.
بۇعان قوسارىمىز مەديتسينالىق كلاستەردىڭ باستى بازاسى ىسپەتتەس ورتالىق اۋرۋحاناسى قۇرامىنا م.وسپانوۆ اتىنداعى اقتوبە مەملەكەتتىك مەديتسينا ۋنيۆەرسيتەتى دە كىرەتىنى. ونىڭ التى كافەدراسىندا مەديتسينا عىلىمدارىنىڭ دوكتورلارى مەن كانديداتتارى جانە بىلىكتى پروفەسسورلار جۇمىس ىستەيدى. ءبولىم مەڭگەرۋشىلەرىنىڭ ءبارى جوعارى ساناتتى دارىگەرلەر. ءبىر سۇيسىنەرلىگى اشىق ەسىك كۇندەرىندە تۇرعىندار وسى مامانداردىڭ كومەكتەرىن ەش كەدەرگىسىز الىپ ءجۇر.
تەمىر قۇسايىن,
«ەگەمەن قازاقستان»
