قازاقستان رەسپۋبليكاسى تۋريزم جانە سپورت مينيسترلىگىنىڭ بۇيرىعى №02-02-18/183

2011 جىلعى 19 قىركۇيەك,   استانا قالاسى سپورت تۇرلەرىنەن قازاقستان رەسپۋبليكاسى قۇراما كوماندالارىنىڭ سپورتشىلارىن دايارلاۋ بويىنشا كەشەندى عىلىمي توپتىڭ قىزمەتىن ۇيىمداستىرۋ ەرەجەسىن بەكىتۋ تۋرالى «دەنە شىنىقتىرۋ جانە سپورت تۋرالى» قازاقستان رەسپۋبليكاسىنىڭ زاڭىنىڭ 8-1 بابىنىڭ 14) تارماقشاسىنا, 23-بابىنىڭ 21) تارماقشاسىنا سايكەس بۇيىرامىن: 1. قوسا بەرىلىپ وتىرعان سپورت تۇرلەرىنەن قازاقستان رەسپۋبليكاسى قۇراما كوماندالارىنىڭ سپورتشىلارىن دايارلاۋ بويىنشا كەشەندى عىلىمي توپتىڭ قىزمەتىن ۇيىمداستىرۋ ەرەجەسى بەكىتىلسىن. 2. سپورت كوميتەتى وسى بۇيرىقتى زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىنە مەملەكەتتىك تىركەۋگە ۇسىنسىن جانە مەملەكەتتىك تىركەلگەننەن كەيىن ونى بۇقارالىق اقپارات قۇرالدارىندا رەسمي جاريالاۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى تۋريزم جانە سپورت ۆيتسە-ءمينيسترى م.ە. وماروۆقا جۇكتەلسىن. 4. وسى بۇيرىق العاشقى رەسمي جاريالانعان كۇننەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. مينيستر ت.ەرمەگياەۆ. قازاقستان رەسپۋبليكاسى  تۋريزم جانە سپورت ءمينيسترىنىڭ 2011 جىلعى 19 قىركۇيەك  №02-02-18/183 بۇيرىعىمەن  بەكىتىلگەن سپورت تۇرلەرىنەن قازاقستان رەسپۋبليكاسى قۇراما كوماندالارىنىڭ سپورتشىلارىن دايارلاۋ جونىندەگى كەشەندى عىلىمي توپتاردىڭ قىزمەتىن ۇيىمداستىرۋ ەرەجەسى 1. جالپى ەرەجەلەر 1. كەشەندى عىلىمي توپتاردىڭ قىزمەتىن ۇيىمداستىرۋ ەرەجەسى (بۇدان ءارى – ەرەجە) «دەنە شىنىقتىرۋ جانە سپورت تۋرالى» قازاقستان رەسپۋبليكاسىنىڭ زاڭىنا سايكەس ازىرلەندى جانە سپورت تۇرلەرىنەن قازاقستان رەسپۋبليكاسى قۇراما كوماندالارىنىڭ سپورتشىلارىن دايارلاۋ جونىندەگى كەشەندى عىلىمي توپتىڭ قىزمەتىن ۇيىمداستىرۋ ءتارتىبىن ايقىندايدى. 2. كەشەندى عىلىمي توپ – عىلىمي-ادىستەمەلىك جانە مەديتسينالىق-بيولوگيالىق زەرتتەۋلەر جۇرگىزۋ, سپورتشىنىڭ فۋنكتسيونالدىق جاي–كۇيىن جانە دايارلىعىنىڭ تەحنيكالىق دەڭگەيىن ايقىنداۋ ءۇشىن قۇرىلاتىن بىلىكتى ماماندار توبى (بۇدان ءارى – كعت). 3. كعت ءوز قىزمەتىن سپورت تۇرلەرىنەن قازاقستان رەسپۋبليكاسى قۇراما كوماندالارىنىڭ سپورتشىلارىن دايارلاۋدى جۇزەگە اسىراتىن ۇيىمدارمەن جاسالعان شارتتىڭ نەگىزىندە جۇزەگە اسىرادى. 4. كعت جۇمىسى قازاقستان رەسپۋبليكاسى قۇراما كوماندالارى دايارلىعىنىڭ قۇرامداس بولىگى بولىپ تابىلادى. 5. كعت جۇمىسىنىڭ ناتيجەسىندە الىنعان بارلىق اقپارات قۇپيا بولىپ تابىلادى جانە تەك قۇزىرەتىندە وسى ماسەلەلەر بار ادامدار مەن ۇيىمدارعا عانا ۇسىنىلادى. 6. قعت قىزمەتىنىڭ ماقساتى سپورتشىلاردى دايارلاۋ جونىندەگى ادىستەمەلەردىڭ, تەحنولوگيالاردىڭ جانە ۇسىنۋلاردىڭ جاڭاسىن ازىرلەۋ جانە قولدانىستاعىلارىن جەتىلدىرۋ جانە ولاردى قۇراما كوماندالاردى دايارلاۋ پراكتيكاسىنا ەنگىزۋ ارقىلى سپورت تۇرلەرىنەن قازاقستان رەسپۋبليكاسى قۇراما كوماندالارىنىڭ سپورتشىلارىن دايارلاۋ تيىمدىلىگىن ارتتىرۋ بولىپ تابىلادى. 7. قعت مىناداي ماقساتتاردى ىسكە اسىرادى: 1) سپورتشىلاردى دايارلاۋدى جوسپارلاۋ جانە باعدارلامالاۋ پروتسەستەرىن عىلىمي-ادىستەمەلىك جانە مەديتسينالىق-بيولوگيالىق قامتاماسىز ەتۋ قاجەتتىلىگىن نەگىزدەۋ; 2) سپورتشىلاردى دايارلاۋدىڭ تىركەلەتىن پارامەترلەرىن تالداۋدى جانە سپورتشىلاردى دايارلاۋدىڭ باعدارلامالارىن تۇزەتۋ قاجەتتىلىگىن قامتاماسىز ەتۋ; 3) سپورتشىلاردى دايارلاۋدىڭ جاتتىعۋ پروتسەسىنىڭ جىلدىق جانە ءتورت جىلدىق تسيكلىن ۇيىمداستىرۋ باعدارلامالارىن ازىرلەۋگە قاتىسۋ; 4) سپورتشىلار ورگانيزمىنىڭ فۋنكتسيونالدىق جاي-كۇيىن, بەيىمدەلۋ مۇمكىندىكتەرىن, فيزيكالىق جۇمىسقا قابىلەتتىكتەرىن باقىلاۋدى قامتاماسىز ەتۋ; 5) تەرەڭدەتىلگەن كەشەندى تەكسەرۋلەردى (تكت), تەرەڭدەتىلگەن مەديتسينالىق تەكسەرۋلەردى (تمت), كەزەڭدىك كەشەندى تەكسەرۋلەردى (ككت), اعىمداعى تەكسەرۋلەردى (ات), شۇعىل باقىلاۋدى (شب) ۇيىمداستىرۋ جانە وتكىزۋ. 2. كعت قىزمەتىن ۇيىمداستىرۋ 8. كعت-نىڭ قۇرامى, قازاقستان رەسپۋبليكاسى تۋريزم جانە سپورت مينيسترلىگى سپورت كوميتەتىنىڭ (بۇدان ءارى – كوميتەت) ۆەدومستۆولىق باعىنىستى ۇيىمدارىمەن جۇمىس ىستەيتىن كعت-نىڭ جۇمىس جوسپارى كوميتەتپەن كەلىسىلگەننەن كەيىن كورسەتىلگەن ۇيىمداردىڭ بۇيرىقتارىمەن بەكىتىلەدى. 9. سپورت تۇرلەرىنەن فەدەراتسيالار سپورتتى دامىتۋ ماسەلەلەرىن ۇيلەستىرۋ ماقساتىندا كعت قۇرامىنا سپورت تۇرلەرى بويىنشا فەدەراتسيالاردىڭ جانە قازاقستان رەسپۋبليكاسى ۇلتتىق وليمپيادا كوميتەتتەرىنىڭ ماماندارى تارتىلادى. 10. كعت-نىڭ بارلىق ماماندارى عىلىمي-ادىستەمەلىك جانە مەديتسينالىق-بيولوگيالىق قامتاماسىز ەتۋ بويىنشا جوسپارلانعان ءىس-شارالاردىڭ ۋاقىتىلى جانە ساپالى ورىندالۋىن, تەكسەرۋ ناتيجەسىندە الىنعان دەرەكتەردىڭ دۇرىستىعىنا قامتاماسىز ەتەدى. 11. وقۋ-جاتتىعۋ جۇمىسىن وتكىزۋ كەزىندە كعت-نىڭ ماماندارى: 1) سپورت تۇرلەرىنەن مەملەكەتتىك جانە باس جاتتىقتىرۋشىلارمەن ءوز جۇمىستارىنىڭ باعدارلاماسىن جانە ورىندالۋ رەگلامەنتىن كەلىسەدى; 2) باس جاتتىقتىرۋشىعا سپورتشىلاردىڭ تەكسەرىلۋگە كەلمەگەن جاعدايلارى تۋرالى حابارلايدى; 3) تەكسەرىس ناتيجەلەرىن, سپورتشىلاردى دايارلاۋدى وڭتايلاندىرۋ بويىنشا قورىتىندىلار مەن ۇسىنىستاردى قۇراما كوماندالاردىڭ جاتتىقتىرۋشىلار قۇرامىنا ۋاقىتىلى ۇسىنادى. 12. كعت ماماندارىنا وقۋ-جاتتىعۋ جيىندارىن وتكىزۋ كەزىندە كعت-نىڭ جوسپارلانعان ءىس-شارالارىن ساپالى وتكىزۋ ءۇشىن ءتيىستى وندىرىستىك جاعدايلار جاسالادى. 13. كعت باسشىسى تەرەڭدەتىلگەن كەشەندى تەكسەرىس تكت اياقتالعاننان كەيىن 10 كۇن ىشىندە جانە كەزەڭدىك كەشەندى تەكسەرىستەن كەيىن ككت 5 كۇن ىشىندە كوميتەتكە جانە قۇراما كوماندانىڭ باس جاتتىقتىرۋشىسىنا ەسەپ بەرەدى. ەسەپ تەكسەرۋ ناتيجەلەرىن سپورتشىلار دەنساۋلىعىنىڭ جاي-كۇيى تۋرالى جەكە قورىتىندىلاردى سپورتشىلار دايىندىعىن ودان ءارى جەتىلدىرۋ تۋرالى عىلىمي-ادىستەمەلىك جانە مەديتسينالىق-بيولوگيالىق سيپاتپاعى ۇسىنىمداردى قامتۋى ءتيىس. 14. كعت قۇرامىنا مىناداي ماماندار مەن ۇيىمدار جۇمىلدىرىلادى: 1) سپورت تۇرلەرىنەن بىرلەسكەن سالالىق بەيىندەگى ماماندار (دەنە شىنىقتىرۋ جانە سپورت جونىندەگى عىلىمي ينستيتۋتتار مەن جوعارى وقۋ ورىندارىنىڭ عىلىمي-تەحنيكالىق الەۋەتى بار باسقا ۇيىمداردىڭ بازاسىنداعى ۋاقىتشا عىلىمي ۇجىمدار); 2) دارىگەرلەر, ماسساج جاسايتىن ماماندار جانە سپورت تۇرلەرىنەن قازاقستان رەسپۋبليكاسى قۇراما كوماندالارىنىڭ جاتتىقتىرۋشىلارى; 3) مەديتسينالىق تەكسەرۋلەردى, ەمدەۋ-الدىن الۋ جانە قالپىنا كەلتىرۋ ءىس-شارالارىن وتكىزۋ, ترەناجەرلىك-ولشەۋ ستەندتەرىندەگى سپورتشىلاردىڭ دايارلىق دەڭگەيىن تەستىلەۋدى جۇزەگە اسىرۋ, باقىلاۋدىڭ بيوحيميالىق, بيومەحانيكالىق جانە باسقا دا تۇرلەرىن وتكىزۋ ءۇشىن كەلىسىم-شارت بويىنشا جۇمىلدىرىلعان ۇيىمداردىڭ, مەكەمەلەر مەن كاسىپورىنداردىڭ ماماندارى. 3. عىلىمي-ادىستەمەلىك قامتاماسىز ەتۋ بويىنشا كعت جۇمىسىن ۇيىمداستىرۋ 15. سپورتشىلاردىڭ دايارلىعىن عىلىمي-ادىستەمەلىك قامتاماسىز ەتۋ مىنالاردى قامتيدى: 1) سپورت تۇرلەرىنەن قازاقستان رەسپۋبليكاسى ۇلتتىق قۇراما كوماندالارىنىڭ مۇشەلەرىن جانە مىقتى شەتەلدىك سپورتشىلار ىشىنەن نەگىزگى باسەكەلەستەرى قاتىسقان سوڭعى جارىستاردىڭ (بەلگىلى مەرزىمدە – ءبىر جىل نەمەسە ءتورت جىلدىق تسيكل) قورىتىندىلارى بويىنشا دايىنداۋ ۇدەرىستەرىن تالداۋ; 2) سپورت تۇرىندەگى سپورتتىق جەتىستىكتەردىڭ دەڭگەيىن بولجاۋعا قاتىسۋ جانە قازاقستان رەسپۋبليكاسى ۇلتتىق قۇراما كوماندالارىنىڭ سپورتشىلارى ءۇشىن ماۋسىمىنىڭ نەگىزگى سورەلەرىندەگى سپورتتىق ناتيجەنىڭ دەڭگەيى بويىنشا جوسپارلى كورسەتكىشتەردى جانە بارلىق دايارلىق كەزەڭدەرىندەگى وسى دەڭگەيلەرگە سايكەس دايارلىق سيپاتتامالارىن (نورماتيۆتىك كورسەتكىشتەردى) انىقتاۋعا قاتىسۋ; 3) سپورتشىلاردىڭ دايارلاۋدى جوسپارلاۋعا قاتىسۋ; 4) سپورتتىق عىلىم دەرەكتەرىن تالداۋ جانە الدىڭعى قاتارداعى سپورتتىق تاجىريبەنى تاراتۋ, سپورتتىق دايارلىقتىڭ جاڭا قۇرالدارىن ادىستەرى مەن قۇرالدارىن انىقتاۋ; 5) سپورتتىق دايارلىق قۇرالدارىنىڭ جانە جاڭاسىن ەكسپەريمەنتالدى انىقتاۋ جانە ولاردىڭ قولدانىستاعى ادىستەرى مەن تەحنولوگيالارىن جەتىلدىرۋ; 6) ۇلتتىق قۇراما كوماندالاردىڭ تاجىريبەسىندە جاڭا قۇرالداردى, ادىستەر مەن تەحنولوگيالاردى تەڭەستىرىلگەن قولدانۋ بويىنشا ۇسىنىمداردى ازىرلەۋ. 4. مەديتسينالىق-بيولوگيالىق قامتاماسىز ەتۋ بويىنشا كعت جۇمىسىن ۇيىمداستىرۋ 16. سپورتشىلاردىڭ دايارلىعىن مەديتسينالىق-بيولوگيالىق قامتاماسىز ەتۋ مىنالاردى قامتيدى: 1) قۇراما كوماندالاردىڭ سپورتشىلارىن دايارلاۋ كەزىندە فۋنكتسيونالدىق تاماقتانۋدى ۇيىمداستىرۋ جانە باقىلاۋ; 2) دايىندالۋ كەزەڭدەرىندە جانە جارىس ۋاقىتىندا قازاقستان رەسپۋبليكاسى قۇراما كوماندالارى سپورتشىلارىنىڭ بيولوگيالىق بەلسەندى قوسپالاردى (بۇدان ءارى – ببق) پايدالانۋىنىڭ جەكە باعدارلامالارىن ازىرلەۋ; 3) جاتتىعۋ پروتسەستەرىن تۇزەتۋ بويىنشا قعت نۇسقاۋلارىن ورىنداۋدى ۇيلەستىرۋ. 17. سپورتشىلار مەن كوماندالاردى دايارلاۋ ءۇردىسىن كەشەندى ۇيلەستىرۋ مىناداي ءىس-شارالاردان تۇرادى: 1) ستاتسيونارلىق جاعدايدا وتكىزىلەتىن تكت; 2) اقپارات الۋ ءۇشىن ستاتسيونارلىق جاعدايدا نەمەسە وقۋ-جاتتىعۋ جيىندارى جاعدايىندا وتكىزىلەتىن ككت; 3) سپورتشىلار مەن كوماندالاردىڭ جەكەلەگەن جاقتارىنىڭ دايارلىق دەڭگەيى جانە دايارلىقتىڭ بەرىلگەن كەزەڭىندە جوسپارلانعان كولەمنىڭ جۇزەگە اسىرىلۋ دەڭگەيى تۋرالى اقپارات دايىنداۋ. 18. ات وقۋ-جاتتىعۋ جيىندارىندا جاعدايىندا جەدەل جانە ساندىق ساپالى اقپاراتتى الۋ ءۇشىن وتكىزىلەدى: 1) ورىندالاتىن جانە جوسپارلانعان جاتتىقتىرۋ جاتتىعۋلارى تارتىپتەرىنىڭ سايكەستىگى تۋرالى; 2) ورىندالاتىن جانە جوسپارلانعان جاتتىقتىرۋ جاتتىعۋلارىنىڭ بيومەحانيكالىق سيپاتتامالارى بويىنشا سايكەستىگى تۋرالى; 3) جاتتىقتىرۋ جاتتىعۋلارى مەن ساباقتارىنىڭ تاكتيكالىق جانە پسيحولوگيالىق مىندەتتەرىن ىسكە اسىرۋ دەڭگەيى تۋرالى; 4) سپورتشىنىڭ اعىمداعى فۋنكتسيونالدىق جاي-كۇيى دەڭگەيىن جاتتىقتىرۋ مىندەت جۇكتەمەسى شاماسىنىڭ دەڭگەيىنە بارابارلىعىن باعالاۋ بويىنشا; 5) سپورتشىنىڭ اعزاسىنىڭ جاتتىقتىرۋ جۇكتەمەسىنە جاۋاپ رەتىندە (تەز ارادا)بەيىمدەلۋىنىڭ سيپاتى مەن شاماسى تۋرالى (جاتتىقتىرۋ جاتتىعۋىنا, جاتتىقتىرۋ ساباعىنا, جاتتىقتىرۋ كۇنىنە, جاتتىقتىرۋدىڭ شاعىن تسيكلىنە ارنالعان مولشەر-اسەر); 6) قالپىنا كەلتىرۋ ءىس-شارالارىنىڭ تيىمدىلىك دەڭگەيى تۋرالى; 7) سپورتشىلار مەن كوماندالاردىڭ جارىستارعا قاتىسقان جاعدايدا جانە سپورت ناتيجەگە قول جەتكىزۋگە جاۋاپتى سپورتشىلار مەن كوماندالار دايارلىعىنىڭ جەكەلەگەن جاقتارىنىڭ دەڭگەيى تۋرالى اقپارات الۋدى قامتاماسىز ەتەتىن جارىس قىزمەتىن تەكسەرۋ ناتيجەلەرى تۋرالى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 17 قازاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7258 بولىپ ەنگىزىلدى.