قازاقستان رەسپۋبليكاسى تۋريزم جانە سپورت مينيسترلىگى №02-02-18/179

2011 جىلعى 13 قىركۇيەك,   استانا قالاسى قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگى 2011 جىلعى 16 قىركۇيەك                    №298                            استانا قالاسى بىرلەسكەن بۇيرىق قازاقستان رەسپۋبليكاسىنىڭ تۋريستىك قىزمەت تۋرالى  زاڭناماسىنىڭ ورىندالۋى ءۇشىن  جەكە كاسىپكەرلىك سالاسىنداعى  تاۋەكەلدەر دارەجەسىن باعالاۋ  ولشەمدەرىن بەكىتۋ تۋرالى «قازاقستان رەسپۋبليكاسىنداعى تۋريستىك قىزمەت تۋرالى» قازاقستان رەسپۋبليكاسىنىڭ 2001 جىلعى 13 ماۋسىمداعى زاڭىنىڭ 11-بابىنىڭ 20) تارماقشاسىنا جانە «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» قازاقستان رەسپۋبليكاسىنىڭ 2011 جىلعى 6 قاڭتارداعى زاڭىنىڭ 13-بابىنىڭ 4-تارماعىنا سايكەس بۇيىرامىز: 1. قوسا بەرىلىپ وتىرعان قازاقستان رەسپۋبليكاسىنىڭ تۋريستىك قىزمەت تۋرالى زاڭناماسىنىڭ ورىندالۋى ءۇشىن جەكە كاسىپكەرلىك سالاسىنداعى تاۋەكەلدەر دارەجەسىن باعالاۋ ولشەمدەرى بەكىتىلسىن. 2. «تۋريستىك قىزمەت (تۋروپەراتور, تۋراگەنت) جانە ويىن بيزنەسى سالاسىنداعى قاۋىپ-قاتەرلەر دارەجەسىن باعالاۋ كريتەريلەرىن بەكىتۋ تۋرالى» قازاقستان رەسپۋبليكاسى تۋريزم جانە سپورت ءمينيسترىنىڭ مىندەتىن اتقارۋشىنىڭ 2010 جىلعى 16 اقپانداعى № 01-01-07/26 جانە قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ ءمينيسترىنىڭ 2010 جىلعى 18 اقپانداعى № 70 بىرلەسكەن بۇيرىعىنىڭ (نورماتيۆتىك قۇقىقتىق اكتىلەردىڭ مەملەكەتتىك تىركەۋ تىزىلىمىندە № 6117 بولىپ تىركەلگەن جانە «كازاحستانسكايا پراۆدا» گازەتىنىڭ 2010 جىلعى 20 ساۋىردەگى № 97-98, «ەگەمەن قازاقستان» گازەتىنىڭ 2010 جىلعى 21 ساۋىردەگى № 147-149 ساندارىندا جاريالانعان) كۇشى جويىلدى دەپ تانىلسىن. 3. قازاقستان رەسپۋبليكاسى تۋريزم جانە سپورت مينيسترلىگىنىڭ تۋريزم يندۋسترياسى كوميتەتى (ق.ع. كاكەن): 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن; 2) وسى بۇيرىق مەملەكەتتىك تىركەۋدەن وتكەننەن كەيىن ونىڭ رەسمي جاريالانۋىن قامتاماسىز ەتسىن; 3) وسى بۇيرىقتىڭ قازاقستان رەسپۋبليكاسى تۋريزم جانە سپورت مينيسترلىگىنىڭ ينتەرنەت-رەسۋرسىندا جاريالانۋىن قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ تۋريزم جانە سپورت مينيسترلىگى تۋريزم يندۋسترياسى كوميتەتىنىڭ ءتورايىمى ق.ع. كاكەنگە جۇكتەلسىن. 5. وسى بۇيرىق العاش رەت رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ     قازاقستان رەسپۋبليكاسىنىڭ تۋريزم جانە سپورت ءمينيسترىنىڭ     ەكونوميكالىق دامۋ جانە ساۋدا مىندەتىن اتقارۋشى     مينيسترىنىڭ مىندەتىن اتقارۋشى _______________ ءا. پىرمەتوۆ    _______________ م. قۇسايىنوۆ قازاقستان رەسپۋبليكاسى تۋريزم جانە سپورت ءمينيسترىنىڭ مىندەتىن اتقارۋشىنىڭ 2011 جىلعى 13  قىركۇيەك № 02-02-18/179, قازاقستان رەسپۋبليكاسى ەكونوميكالىق دامۋ جانە ساۋدا ءمينيسترىنىڭ مىندەتىن اتقارۋشىنىڭ 2011 جىلعى 16  قىركۇيەك № 298  بىرلەسكەن بۇيرىعىمەن بەكىتىلگەن تۋريستىك قىزمەت تۋرالى زاڭنامانىڭ ورىندالۋى ءۇشىن جەكە كاسىپكەرلىك سالاسىنداعى تاۋەكەلدەر دارەجەسىن باعالاۋ ولشەمدەرى 1. وسى ولشەمدەر «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» جانە «قازاقستان رەسپۋبليكاسىنداعى تۋريستىك قىزمەت تۋرالى» قازاقستان رەسپۋبليكاسىنىڭ زاڭدارىنا سايكەس تۋريستىك قىزمەت (تۋروپەراتورلىق, تۋراگەنتتىك قىزمەت) سۋبەكتىلەرىن تاۋەكەل دارەجەلەرىنە جاتقىزۋ ماقساتىندا تاۋەكەل كورسەتكىشتەرىن ايقىنداۋ ءۇشىن ازىرلەندى. 2. وسى ولشەمدەردە مىناداي ۇعىمدار پايدالانىلعان: 1) باقىلاۋ سۋبەكتىسى – تۋريستىك وپەراتورلار (تۋروپەراتورلار), تۋريستىك اگەنتتەر (تۋراگەنتتەر); 2) تاۋەكەل - تەكسەرىلەتىن سۋبەكتىنىڭ قىزمەتى ناتيجەسىندە, ادامنىڭ ومىرىنە نەمەسە دەنساۋلى­عىنا, قورشاعان ورتاعا, جەكە جانە زاڭدى تۇلعا­لار­دىڭ زاڭدى مۇددەلەرىنە, مەملەكەتتىڭ م ۇلىكتىك مۇددەلەرىنە سال­دا­رىنىڭ اۋىرلىق دارەجەسى ەسكەرىلەتىن زيان كەلتىرۋ ىقتيمالدىعى. 3. تاۋەكەل دارەجەسىنە بايلانىستى باقىلاۋ سۋبەكتىلەرى جوعارى, ورتاشا نە بولماشى تاۋەكەل دارەجەسى بار توپتارعا جاتقىزىلادى. 4. تاۋەكەل دارەجەسىن باعالاۋ ولشەمدەرى وبەكتيۆتى جانە سۋبەكتيۆتى ولشەمدەرگە بولىنەدى: 1) وبەكتيۆتى ولشەمدەر – باقىلاۋ سۋبەكتىلەرىنىڭ قىزمەتىن جۇزەگە اسىرعان كەزدە بولۋى مۇمكىن تاۋەكەلدىڭ ماڭىزدىلىعىنا نەگىزدەلگەن; 2) سۋبەكتيۆتى ولشەمدەر تۋريستىك قىزمەت (تۋروپەراتور, تۋراگەنت) سۋبەكتىلەرى جول بەرگەن بەلگىلەنگەن زاڭناما تالاپتاردى بۇزۋشىلىقتارعا بايلانىستى انىقتالادى. 5. تاۋەكەل دارەجەسى بويىنشا باقىلاۋ سۋبەكتىلەرىن العاشقى رەتتىك ءبولۋ تاۋەكەل دارەجەسىن باعالاۋدىڭ وبەكتيۆتى ولشەمدەرى نەگىزىندە جۇزەگە اسىرىلادى. تۋريستىك قىزمەت سۋبەكتىلەرى وبەكتيۆتى ولشەمدەر بويىنشا مىناداي تاۋەكەل دارەجەلەرىنە بولىنەدى: - ورتاشا تاۋەكەل دارەجەسى – تۋريستىك قىزمەتتى 5 جىلدان از جۇزەگە اسىراتىن تۋروپەراتورلاردىڭ قىزمەتى; - بولماشى تاۋەكەل دارەجەسى – تۋريستىك قىزمەتتى 5 جىلدان ارتىق جۇزەگە اسىراتىن تۋروپەراتورلاردىڭ قىزمەتى. 6. باقىلاۋ سۋبەكتىلەرىن تاۋەكەل توپتارىنا كەلەسى ءبولۋ ءتيىستى بالل بەرىلەتىن سۋبەكتيۆتى ولشەمدەردى ەسكەرە وتىرىپ جۇزەگە اسىرىلادى: تۋروپەراتوردىڭ جانە تۋراگەنتتىڭ ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋ شارتىنىڭ بولماۋى – 3 بالل; تۋريستىك قىزمەتتى جۇزەگە اسىراتىن تۇلعالاردىڭ تۋريستەرگە ساياحاتتىڭ ەرەكشەلىكتەرى, ساياحات جاساعان كەزدە ولار كەزدەسۋى مۇمكىن قاۋىپ-قاتەرلەر تۋرالى تۋريستىك قىزمەت كورسەتۋ ەرەجەسىندە كورسەتىلگەن مالىمەتتەردى ۇسىنباۋى, ۋاقىتىندا نەمەسە تولىق ۇسىنباۋى, نە تۋريستەردىڭ قاۋىپسىزدىگىن قامتاماسىز ەتۋگە باعىتتالعان الدىن الۋ شارالارىن جۇزەگە اسىرماۋى – 3 بالل; تۋريستىك قىزمەتتى جۇزەگە اسىراتىن تۇلعالاردىڭ مۇددەلى مەملەكەتتىك ورگاندارعا جانە ءتۋريستىڭ جانۇياسىنا ساياحات جاساۋ بارىسىندا تۋريستەرمەن بولعان توتەنشە وقيعالار تۋرالى اقپارات بەرمەۋى نەمەسە اقپاراتتى ۋاقتىلى ۇسىنباۋى – 3 بالل; تۋريستىك قىزمەتتى جۇزەگە اسىراتىن تۇلعالاردىڭ تۋريستىك قىزمەت كورسەتۋگە ارنالعان جازباشا شارتتى جاساسپاي تۋريستىك قىزمەت كورسەتۋى – 2 بالل; تۋريستىك ءبىلىمى بار قىزمەتكەردىڭ, سونىڭ ىشىندە گيدتەردىڭ (گيد-اۋدارماشىنىڭ), ساياحات جەتەكشىسىنىڭ, تۋريزم نۇسقاۋشىسىنىڭ قىزمەتىن كورسەتۋگە ليتسەنزياسى بار تۋريزم نۇسقاۋشىلارىنىڭ بولماۋى – 2 بالل; مەنشىكتى نەمەسە جالعا الىنعان ماتەريالدىق بازاسىنىڭ جانە (نەمەسە) تۋريستىك ونىمگە كىرەتىن جەكەلەگەن قىزمەتتەردى ۇسىناتىن تۇلعالارمەن شارتتاردىڭ بولماۋى – 2 بالل; مەنشىكتى كەڭسەسىنىڭ نەمەسە كەڭسە ءۇشىن جالعا الىنعان ءۇي-جايىنىڭ بولماۋى – 2 بالل; تۋريستەرگە قىزمەت كورسەتۋ باعدارلاماسىنىڭ بولماۋى -1 بالل. 7. العان باللدارىنىڭ جالپى قوسىندىسىنا بايلانىستى: جوعارى تاۋەكەل دارەجەسىنە 6 جانە ودان جوعارى بالل العان باقىلاۋ سۋبەكتىلەرى جاتقىزىلادى; ورتاشا تاۋەكەل دارەجەسىنە - 4 باللدان 6 باللعا دەيىن; بولماشى تاۋەكەل دارەجەسىنە - 4 باللعا دەيىن. 8. تاۋەكەل دارەجەسى ءبىر دەڭگەيدەگى باقىلاۋ سۋبەكتىلەرىن تەكسەرۋلەردى باسىمدىقتى جوسپارلاۋ ءۇشىن ەڭ كوپ بالل جيىنى نەگىز بولىپ تابىلادى. 9. تەكسەرۋلەردى جوسپارلاۋ سوڭعى تەكسەرۋ كۇنىن ەسكەرە وتىرىپ جۇرگىزىلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 30 قىركۇيەكتە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 7218 بولىپ ەنگىزىلدى.