تيمۋر ق ۇلىباەۆ: بوكس – ەل نامىسى مەن ەل مەرەيى

بۇگىندە بوكستىڭ باسى-قاسىندا جۇرگەن ادامدار حالقىمىزدىڭ وڭ جامباسىنا تيەتىن سپورتتىڭ وسى ءتۇرىن دامىتۋدا كوپ جۇمىستار اتقارىلىپ جاتقانىن جاقسى بىلەدى. اسىرەسە, بيىلعى جىلدى ەرەكشە ايتۋعا بولادى. بيىل ەلىمىزدە بوكستى دامىتۋ جولىندا كوپ جوبالار ىسكە استى. جاقىندا ءبىز قازاقستان بوكس فەدەراتسياسىنىڭ پرەزيدەنتى تيمۋر ق ۇلىباەۆپەن كەزدەسىپ, سوڭعى كەزدەرى قولعا الىنعان جۇمىستار تۋرالى ايتىپ بەرۋىن وتىنگەن ەدىك. – تيمۋر اسقار ۇلى, بوكستىڭ ءبىزدىڭ ەلگە وليمپيا ويىن­دارىن­دا جۇلدە اكەلەتىن سپورت تۇرلەرى­نىڭ ءبىرى ەكەنى بارشاعا بەلگىلى. ءبىزدىڭ ەلىمىزدە ءوزىڭىز بىلەسىز, بوكس­قا دەگەن جانكۇيەر­لەردىڭ كوڭىلى الابوتەن. سوندىق­تان اڭگىمەنى بوكستى دامىتۋدا قانداي جۇمىس­تاردىڭ ىستەلىنگەنىنەن, قانداي جو­بالاردىڭ قول­عا الىناتىنى­نان باستاعا­نى­ڭىز دۇرىس بولار ەدى. – ءبىزدىڭ ەلىمىزدە بوكس شىنى­مەن دە ەرەكشە ورىن الادى. كەي كەز­دە ءبىز بوكستى ۇلتتىق سپورت ءتۇرى­نە جات­قى­زىپ قوياتىنىمىز جا­سىرىن ەمەس. سون­­دىقتان بولار ءبىز­دىڭ جان­كۇيەر­لەر بوكستى وزىنە جاقىن تارتىپ, بوكس­­­شىلارعا قان­داي جارىس بول­ما­سىن جوعارى تالاپ قويادى. مەنىڭ ويىمشا, بۇل جاقسىلىق نىشانى. تالاپ دەگەنى­نىڭ ءوزى جاناشىرلىقتان شىعا­دى عوي. سىرت كوز سىنشى دەيدى. قازىر ءبىزدىڭ بوكستى دامىتۋدا ىستەپ جاتقان جۇمىستارىمىزدىڭ كوبى جان­كۇيەرلەردىڭ بوكسشىلارعا وسىن­شاما تالاپ قويۋىنىڭ ارقاسى دەپ تە ايتۋعا بولادى. بۇگىندە ەلىمىزدە بوكس مەكتەپتەرىن اشۋ, تورە­شىلەردى دا­يىن­داۋ, جارىستاردى حالىقارالىق تالاپتارعا ساي ءوت­كىزۋ, عىلىمي-مە­دي­تسينالىق جەتىستىكتەردى پايدالانۋ, بوكسشىلار مەن باپكەرلەردىڭ جالا­قى­سىن ءوسى­رۋ, ولارعا سىياقى بەرۋ, دارىگەرلەر مەن تورەشىلەردىڭ جاع­دا­يىن شەشۋ سياقتى جۇمىستار ات­قا­رىلۋدا. وسىنىڭ ناتيجەسىندە بيىل ءبىزدىڭ ەل بوكستا ءبىرتالاي جەتىستىككە قول جەتكىزدى. وعان جاقىندا ازەر­باي­­جاننىڭ باكۋ قالاسىندا ەرەسەكتەر اراسىندا وتكەن الەم چەمپيو­نا­تىنا قاتىسقان ۇلتتىق قۇراما­مىزدىڭ جارىسقا دايىندىعىن, سوندا كورسەتكەن ونەرىن, تۇڭعىش رەت بۇكىلالەمدىك سەريا بويىنشا بوكس­شىمىز قانات ءابۋتالىپوۆتىڭ التىن جۇلدەنى جەڭىپ الىپ, وليمپياداعا ءبى­رىنشى بولىپ جولداما العانىن, وسى جازدا استانادا جاسوسپىرىمدەر اراسىندا وتكەن الەم بىرىنشىلىگىنىڭ ۇيىمدا­س­تى­رىلۋ دەڭگەيىن, ەلىمىزدە العاش رەت بۇكىلالەمدىك بوكس اكادە­ميا­­سى­نىڭ سالىناتىنىن, ايبا ات­قارۋ­شى كوميتەتىنىڭ ماجىلىسىندە 2013 جىلى استانادا كەزەكتى الەم چەم­پيوناتىن وتكىزۋ تۋرالى شەشىم­نىڭ قابىلدانعانىن جاتقىزۋعا بو­لا­دى. ايتا بەرسەك, جۇمىستار وتە كوپ. ءبىزدىڭ ەندىگى ماقساتىمىز – وليم­پيا ويىندارىندا ۇلتتىق قۇ­را­مانىڭ لايىقتى ونەر كور­سەتۋى, سوعان جاقسى دايىندالۋى. قازىر ءبىزدىڭ ەلىمىزدە وليمپيا­دا­نىڭ التى جولداماسى بار. الدا تاعى استانادا وتەتىن لي­تسەن­زيا­لىق تۋرنير بولادى. وسى سىن­­دا وليمپياداعا ءتورت جولد­ام­ا­نى جە­ڭىپ الۋدى ماقسات ەتىپ وتىرمىز. – ءوزىڭىز ايتىپ وتكەندەي, ەلىمىزدە جاسوسپىرىمدەر اراسىندا الەم چەمپيوناتى ءوتتى, ەكى جىل­دان كەيىن ەرەسەكتەر اراسىندا الەم بىرىنشىلىگى وتەدى. حالىقارا­لىق اۋەسقوي بوكس قاۋىمداس­تى­عىنىڭ ءبىزدىڭ ەلدە وسىنداي جا­رىس­تاردى وتكىزۋگە كوڭىل ءبولىپ جات­قانىن نەمەن باي­لانىستىراسىز؟ – مۇنىڭ ءبارى الدىمەن قازاق­ستان بوكسىندا جۇيەلى تۇردە جاسا­لىپ جاتقان وزگەرىستەرمەن باي­لا­نىستى. ءبىزدىڭ ەلدىڭ بوكس مەكتەبى بۇكىل الەمگە بەلگىلى. سوندىقتان ءبىز­دىڭ باستى مىندەتىمىز – بوكستى دا­مى­تۋعا تىڭ سەرپىن قوسۋ. بۇگىندە بۇكىل الەمدە بوكس جاقسى دامىپ كەلەدى. بۇرىن terra incognita بول­عان ەلدەر­دىڭ ءوزى قازىر رينگتە جاڭا قىرىنان كورىنىپ جاتىر. ماسەلەن, سوڭعى كەزدەرى قىتاي مەن ءۇندى­ستان بوكسىنىڭ جاقسى دامىپ كەلە جاتقانىن ايتۋعا بولادى. فۋتبول ەلى سانالاتىن برازيليادا دا جاع­داي وسىنداي. ول جەردە دە بوكستى دامىتۋعا بارلىق جاع­داي جاسالىپ وتىر. ايتپاقشى, بيىل استانا مەن باكۋ تورىندە ءجاسوسپى­رىم­دەر مەن ەرەسەكتەر اراسىندا ءوت­كەن الەم چەمپيوناتتارى قاتىسۋشى ەلدەر مەن جۇلدەگەرلەر سانى بو­يىن­شا رەكورد جاساعان جارىستار بولىپ, بوكس شەجىرەسىنە تايعا تاڭبا باس­قان­داي ەتىپ جازىلدى. بۇل بوكس­تىڭ بۇكىل الەمگە كەڭىنەن تارا­لىپ, ءبا­سە­كەلەستىكتىڭ جىلدان-جىل­عا كۇ­شە­يىپ كەلە جاتقانىن كور­سەتەدى. سون­دىق­تان بىزگە جولدىڭ جيەگىندە تۇرماي, ءارى قاراي ادىمداپ ءجۇرۋ ءۇشىن بوكس­تى دامىتۋعا بار كۇش-جىگەرى­مىزدى سالا بەرۋىمىز كەرەك. تاعى ايتاتىن نارسە, جوعارى جەتىستىكتەگى سپورت ەكونوميكا سەكتورى سياق­تى جۇيەلى تۇردە جۇمىس ىستەپ, كوپ ەڭبەكتەنۋدى, ينۆەستيتسيا سالۋدى تا­لاپ ەتەدى. وسى­نىڭ ءبارى بولعان­دا بوكستى دا دا­مىتۋعا بولادى. ءبىز­دىڭ بوكس فەدەرا­تسياسىنىڭ قا­زىرگى مىندەتى – جۇيەلى, جوسپارلى تۇردە بۇگىنگى كۇننىڭ ماسە­لەسىن شەشە وتىرىپ, بولاشاققا ينۆەستيتسيا سالۋعا جۇمىس ىستەۋ. قازىر فە­دەراتسيانىڭ ءوزىنىڭ تولىق ءجۇ­يە­سى قۇرىلىپ, جۇمىسى رەتتەلدى. – بۇل قانداي جۇمىستار؟ – ءبىزدىڭ ۇزاق مەرزىمدى باعدار­لامالارىمىز بار. سونىڭ ءبىرى – ايبا-نىڭ بوكس اكادەمياسىن سالۋ. ونىڭ جوباسى استانادا وتكەن حالىقارالىق اۋەسقوي بوكس قاۋىم­داستىعى اتقارۋشى كوميتەتىنىڭ ءما­جىلىسىندە قابىلداندى. قىركۇيەك ايىندا اكادەميانىڭ قۇرىلىسى باستالدى. بۇل ەندى الەمدە تەڭدەسى جوق سپورت كەشەنى بولادى. وندا سپورتشىلار, باپكەرلەر, تورە­شى­لەر مەن باسقا دا ماماندار دايىن­دا­لادى. اتالعان جوبانىڭ ماڭىزى زور. وسى جوبا بارىمىزگە كەرەك. الدىمەن ول وتاندىق بوكسقا اۋاداي قاجەت دەپ ويلايمىن. وسى كۇندەرى فەدەراتسيا تاعى ءبىر ۇلكەن جۇمىستى قولعا الىپ وتىر. ول – بۇقارالىق سپورتتى دا­مى­تۋ. بۇ­قارالىق سپورتتىڭ ءبارى­مىز­گە كەرەك ەكەنى بەسەنەدەن بەلگىلى. سپورت – بۇلا كۇشتەردى ءوسىرۋدىڭ قۇرالى عانا ەمەس, ول ادامنىڭ بويىندا جەڭىسكە دەگەن جىگەرىن, العا ۇمتىلۋ, ماقسات قويۋ سياقتى مىنەزدەرىن دە قالىپ­تاس­تىرادى. قا­زىر ءبىزدىڭ جاستاردىڭ ءبا­سە­كەگە قا­بى­لەتتى بولۋى ءۇشىن وسىن­داي قا­سيەتتەر كەرەك. سول سەبەپتى ەل پرە­زيدەنتى نۇرسۇلتان نازارباەۆ بۇقارالىق سپورتتى دامى­تۋ­عا باسا نا­زار اۋدارىپ كەلەدى. مەم­لەكەت باس­شىسى قازاقستان حال­قى­نا جول­داۋىندا دەنى ساۋ ۇلتتى قالىپ­تاس­تى­رىپ, ونىڭ باسەكەگە قا­بى­لەتتى بولۋى ءۇشىن ەلدىڭ ىشكى سايا­ساتتاعى ستراتە­گيالىق باسىم باعىت­تارى­نىڭ ءبىرى – بۇقارالىق سپورتتى دا­مىتۋ, ونى­مەن اينالىساتىن حا­لى­قتىڭ سانىن 30 پايىزعا جەتكىزۋ كەرەك ەكەنىن اتاپ وتكەن بولاتىن. وسىعان بايلانىستى ءبىز جاستار­دىڭ سپورتپەن اينالى­سۋىنا بار­لىق جاع­داي­دى جاساپ كەلەمىز. ەلدە بالالار ءۇشىن تەگىن بوكس ءۇيىر­مە­لەرى جۇمىس ىستەۋدە. بوكس جا­رىس­تارىنا كىرۋ دە تەگىن. ءسىز ءوزىڭىز «قازاقستان» سپورت سا­رايىن­دا الەم چەمپيوناتى ءوتىپ جات­قان كەزدە قان­شاما بالانىڭ جا­رىستى تا­ماشا­لاۋعا كەلگەنىن كور­دىڭىز عوي. مىنە, وسىنداي جارىس­تار­دى كور­گەن بالا بوكسقا قىزىعىپ, ەرتەڭ ۇيىرمەگە بارۋى ابدەن مۇمكىن. ءاري­نە, ەرتەڭ ولاردىڭ ءبارى ۇلكەن سپورتقا بارادى دەپ ايتا الماي­مىن. بىراق ۇلكەن سپورتپەن اينا­لىس­پاسا دا بالانىڭ ۇيىرمەگە بار­عانىنىڭ ءوزى سپورت ءۇشىن ۇلكەن جەتىستىك دەپ ويلايمىن. مەنىڭ ويىم­شا, سپورتتى دامىتۋ – مەدال جەڭىپ العان جاع­داي­مەن ءول­شەن­بەۋ كەرەك. ول حالىق­تىڭ جاپپاي سپورتپەن اينا­لىسۋى­مەن قۇندى. – سوڭعى كەزدە ەلىمىز ايبا-نىڭ جۇمىسىنا بەلسەنە ارالاسىپ كەلەدى. ءبىز بۇدان نە ۇتامىز؟ – ءبىزدىڭ فەدەراتسيانىڭ باسىم باعىتتارىنىڭ ءبىرى – ايبا-مەن تىعىز قارىم-قاتىناستى نىعايتۋ. ءبىز ءاردايىم وقيعا ورتاسىندا بو­لىپ, بوكستىڭ الەمدە قالاي دا­مىپ, قانداي جولمەن كەلە جات­قا­نىن ءبىلىپ وتىرۋىمىز كەرەك. قازىر بوكستى ۇلتتىق فەدەراتسيا اياسىن­دا عانا دامىتۋ مۇمكىن ەمەس. مۇ­نى ءبىز عانا ەمەس, ايبا جەتەكشىلىگى جاقسى ءتۇسىنىپ وتىر. ولار ءبۇ­گىن­دە ءار ەلدىڭ فەدەراتسيا­لارىمەن جۇمىس ىستەۋگە مۇددەلى. سون­دىق­تان ايبا جەر-جۇزىندە ءوزىنىڭ بەدەلىن كوتەرىپ, بوكستى دامىتۋ ءۇشىن جاق­سى يدەيالار ۇسىنۋدا. بىل­تىر ءبۇ­كىل­الەمدىك بوكس سەريا­سى­نىڭ ال­عاش­قى ماۋسىمى جان­كۇيەر­لەر تا­را­پىنان قولداۋعا يە بولعانىن بىلەمىز. بيىل ونىڭ ەكىنشى ماۋسىمى باستالادى. ايبا بۇدان باسقا تاعى ءبىر قىزىقتى جوبا ۇسىنىپ وتىر. ول – «ايبا-نىڭ كاسىپقوي بوكس» جوباسى دەپ اتالادى. بۇل جوبا – «بوكس 16» دەگەن باعدار­لا­مانىڭ ءبىر بولىگى. ونىڭ اعىل­شىن­شا اتى – ارۆ جوباسى. – جاڭا جوبانىڭ ءمانى مەن ماڭىزى قانداي؟ وعان قازاق­ستان قاتىسا الا ما؟ – ارۆ جوباسى لوندون وليم­پيا­داسىنان كەيىن ىسكە اسادى. مۇن­دا الەمدىك رەيتينگتەگى ەڭ ءۇز­دىك بوكس­شىلار 2016 جىلعى وليم­پيا­داعا قاتىسۋعا جولداما الادى. بۇل جوبا – اۋەسقوي بوكستا ۇلكەن جەتىستىككە جەتكەن بوكسشىلار كەيىن كا­سىپ­قوي بوكسقا كەتپەۋى ءۇشىن جاسا­لىپ وتىرعان جوبا. ايتپەسە, ءوز­دەرى­ڭىز وليمپيادا جۇلدەگەرى اتانعان سپورتشى كوپ رەتتە قال­تا­سىن ويلاپ كاسىپقوي بوكسقا كەتىپ قالاتىنىن بىلەسىزدەر عوي. ارۆ جوباسى وسى ءۇر­دىستى توقتاتۋعا ار­نال­عان. بىلايشا ايتقاندا, ۇلتتىق فەدەراتسيالاردىڭ وليمپياداعا دايىنداعان بوكسشى­لارى ءۇشىن جۇمساعان كۇشى مەن قارجىسىن زايا كەتىرمەۋگە ارنالعان دەۋگە بولادى. جالپى, بۇل جوبانىڭ جاقسى تۇس­تارى كوپ. ماسەلەن, ونىڭ ۇلتتىق فەدەراتسيالارعا سپورتشى­لار­دى دايار­لاۋعا ماتەريالدىق جا­عى­نان قولداۋ كورسەتۋ, بوكسشى قول­عا­بىن شەگەگە ىلگەننەن كەيىن ونى الەۋ­مەت­تىك جاعىنان قورعاۋعا جاع­داي جاساۋ سياقتى ەرەجەلەرى بار. قازاقستان بوكس فەدەراتسياسى اتالعان جوبانى ىسكە اسىرۋعا بەلسەنە ارالاسىپ جاتىر. ەندى ءبىزدىڭ كۇنتىزبەلىك جارىستارىمىزدا كا­سىپ­قوي بوكستان وتەتىن تۋرنيرلەر ءوزىنىڭ ورنىن تابادى. – ايبا-نىڭ 2013 جىلى استانادا الەم چەمپيوناتىن ءوت­كى­زۋ تۋرالى قابىلداعان شەشىمىن ءبىزدىڭ ەلدىڭ الەمدىك بوكستاعى جەتىستىگى دەپ ايتۋعا بولا ما؟ – ارينە. بۇل ءبىزدىڭ كوپتەن بەرگى ارمانىمىز, ماقساتىمىز ەدى. سول كەزدە ءبىزدىڭ جانكۇيەرلەردىڭ ارما­نى, تىلەگى جەر-ءجۇزىنىڭ ەڭ مىق­تى دەگەن بوكسشىلارىنىڭ اي­قاس­تارىن ءوز ەلىمىزدە تاماشالاۋ بولعانى راس ەمەس پە. ەندى سوعان جەتتىك. ەندى ال­تى جاستاعى بالا مەن الپىس جاس­تا­عى اتاسىمەن بىرگە ەكى جىلدان كەيىن الەم­نىڭ نەبىر گۇرزى جۇدىرىقتى ءجى­گىت­تەرىنىڭ جەك­پە-جەكتەرىن ءوز كوز­دەرى­مەن كو­رىپ, تاماشالاي الاتىن بو­لادى. وسى جەردە مىنا نارسەنى ايتا كەتكەن ءجون شىعار. استانادا الەم چەمپيوناتىن وتكىزۋ مۇمكىن­دى­گى بىزگە بىردەن كەلگەن جوق. بىزگە ال­دى­مەن وسى جىلدىڭ جازىندا جاس­وسپىرىمدەر اراسىندا الەم چەم­پيو­ناتىن وتكىزىپ, تورتكۇل دۇنيە­نىڭ ءتورت بۇرىشىنداعى سىنشى­لار­عا ەم­تيحان تاپسىرىپ, ولاردىڭ سى­نى­نان سۇرىنبەي ءوتۋ كەرەك بول­دى. ءبىز سودان سۇرىنبەي وتتىك تە. استاناداعى بوزبالالاردىڭ الەم­دىك باسەكەسى بارلىق جاعىنان جو­عا­رى دەڭگەيدە ءوتتى. ايبا پرەزيدەنتى چينگ-كۋو ۆۋ مەن الەم چەم­پيوناتىنا قاتىس­قان ەلدەردىڭ بوكس فەدەراتسيالارى باسشىلارى استاناداعى الەم چەم­پيوناتىنىڭ ۇيىمداستىرىلۋ دەڭ­گە­يىن باس بار­ماق­تارىمەن باعالادى. بۇدان ار­تىق باعا كەرەك پە؟ ەندى ءبىز 2013 جىلى ەلىمىزدە ەرەسەكتەر ارا­سىن­­دا وتەتىن الەمدىك باسەكەنى دە لا­يىقتى دەڭگەيدە وتكىزۋدى ماقسات ەتىپ وتىرمىز. – تيمۋر اسقار ۇلى, باكۋدە ءوت­كەن الەم چەمپيوناتىنان قان­داي قورىتىندى شىعاردىڭىزدار؟ – جالپى, ءبىزدىڭ سپورتشىلارعا قاناعاتتانارلىق باعا بەرۋ كەرەك دەپ ويلايمىن. بۇل چەمپيوناتتىڭ ءبىر جاقسى جەرى, بوكسشىلاردىڭ دەڭ­گەيىن, كەمشىلىكتەرىن كورسەتىپ بەر­دى. ارينە, بەس ساۋساق بىردەي ەمەس قوي. ءار ەلدىڭ ءوزىنىڭ جاقسى جاقتارى مەن كەمشىن تۇستارى بو­لا­دى. وسى چەمپيونات بىزگە ۇلت­تىق قۇ­رامامىزدىڭ جاتتىعۋ جۇ­مى­سىن قايتا قاراۋدى, بوكس­شى­لاردى دا­يىن­­داۋدىڭ جوسپارىن ءوز­گەرتۋدى, باسقا دا پروبلەمالارمەن جۇمىس ىستەۋدى كورسەتتى. قازىر باپكەرلەر قۇ­را­مىن دايىنداۋ مەن قوسالقى قۇ­رام­دى جاساقتاۋ ءۇشىن شارالار قا­بىل­داندى. مەن بىزدە تالانتتى جاس­تار­دىڭ كوپ ەكەنىن تالاي رەت ايتىپ كەلەمىن. بىزگە جاس­تارعا جاعداي جاساپ, جەڭىسكە جەتۋگە ۇيرەتۋ كەرەك. سەرىك ءسا­پيەۆ پەن ادىلبەك نيازىم­بەتوۆ­كە قۇرمەت تۇعىرىنىڭ ەڭ بيىك ساتى­سى­نا كوتەرىلۋگە ءبىر تابان جەتپەي قالدى. سپورت دەگەنىمىز مىنە, وسى. جەڭىس پەن جەڭىلىس ارقاشان بىرگە جۇرەدى. ەندى فەدەراتسيانىڭ, باپكەرلەر, كەشەندى عىلىمي توپتى مۇشەلەرى مەن سپورتشىلاردىڭ مىندەتى – وليمپيا ويىندارىنىڭ دا­يىندىق باعدارلاماسىنىڭ نەگىزىنە كىرەتىن تەرەڭ تالدامالار, ساراپتامالار جاساپ, وتكەن جارىس­تاردان قورىتىندى شىعارۋ. – قازاقستان بوكس فەدەرا­تسيا­سى­نىڭ قانداي جوسپارى بار؟ – بىرىنشىدەن, وليمپيا ويىن­دارىنا دايىندالۋ. ەكىنشىدەن, قو­سالقى قۇرامدى دايىنداۋ ماسەل­ە­سىنە باسا نازا اۋدارىلادى. ءۇشىن­شىدەن, باپكەرلەر قۇرامىن دايىن­داۋ جۇيەسىنە رەفورما جاسايتىن بولامىز. – ايەلدەر بوكسى تۋرالى نە ايتار ەدىڭىز؟ – ايەلدەر بوكسىنا دا ەرەكشە كوڭىل بولەتىن بولامىز. ويتكەنى, ول ەندى وليمپيالىق سپورت تۇرىنە ەنەدى عوي. بيىل استانادا ايەلدەر ارا­سىندا وتكەن حالىقارالىق تۋرنيردە ءبىزدىڭ قىزدار اتاقتى قار­سى­لاس­تارى­مەن باسەكەلەسە الاتىنىن كور­سەت­تى. ەندى ولار كەلەسى جىلى قى­تاي­دا وتەتىن الەم چەمپيونا­تىن­دا وليمپياداعا جولداما الا­دى دەپ سەنەمىز. –  قازاقستان بوكس فەدەرا­تسيا­­سىنىڭ كۋبوگى دا جانكۇيەرلەر تاعاتسىزدانا كۇتەتىن جارىسقا اينالىپ وتىر. وسى جارىس تۋرالى دا ايتىپ بەرسەڭىز. – بۇل ءتۋرنيردىڭ ماقساتى – بوكس­­تىڭ وڭىرلەردەگى دامۋ دەڭ­گەيىن كورسەتۋ. بيىل اتالعان جا­رىس­تىڭ ەرەجەسىنە وبلىستىق جانە قالالىق فەدەراتسيالار تاراپىنان بىرنەشە ۇسىنىستار تۇسكەننەن كەيىن وزگەرىس­تەر ەنگىزىلدى. وسى ءوز­گەرىستەر جا­رىس­تىڭ تازالىعىن كور­سەتەدى دەپ ويلايمىن. بىل­تىرعى كۋبوك تۋرالى ءارتۇرلى پىكىرلەر ايتىلدى. ەندى بيىل قاي كو­ماندانىڭ كۋبوكتىڭ يەگەرى اتاناتىنىن كورەمىز. – تيمۋر اسقار ۇلى, جاڭا ءسىز قوسالقى قۇرامدى دايىنداۋ ءما­سەلەسىن ايتىپ ەدىڭىز. ءبىزدىڭ ۇلت­تىق قۇرامانىڭ قوسالقى قۇرا­مى­نىڭ كورەيادا وتكەن ازيا بوكس كونفەدەراتسياسىنىڭ چەم­پيونا­تىن­داعى ونەرىنە قانداي باعا بەرەسىز؟ – ءبىزدىڭ جىگىتتەردىڭ جاقسى ءنا­تي­­جە كورسەتكەنى قۋانتادى, ارينە. ءبى­راق سوعان قاراپ قول قۋسىرىپ وتىرا بەرۋگە بولمايدى. كەڭەس وداعى كەزىندە قانداي باسەكە­لەس­تىكتىڭ بول­عا­نىن ەسكە تۇسىرەيىكشى. ءبىز قازىر وسىن­داي دەڭگەيگە جەتۋىمىز كەرەك. ەگەر ۇلتتىق قۇرامانىڭ ءبىرىنشى, ەكىن­شى, ءۇشىنشى, ءتورتىنشى ءنومىرلى بوكسشىلارى دەڭگەيلەرى­نىڭ ءبىر-ءبىرى­نە جاقىن بولۋعا جۇ­مىس ىستەۋىمىز كەرەك. سوندا عانا ءبىزدىڭ كوماندا ەڭ مىقتى دەگەن قارسىلاستارىمەن تەڭ دەڭگەيدە باسەكەلەسەتىن بولادى. بوكس – ەل نامىسى مەن ەل مەرەيى. ونى ءبىز ءۇشىن ءدال قازىرگى كەزدەگى №1 سپورت ءتۇرى دەسە دە بولادى. ويتكەنى, ەلى­مىز­دىڭ ءانۇرانى الدىمەن ناق سپورتتىڭ وسى ءتۇرى ارقىلى وليمپيا ويىن­دارى مەن باسقا دا كوپ­تەگەن ءىرى حا­لىقارالىق جارىستار­دا شىرقالادى. سوندىقتان قا­زاقستان بوكس فەدە­را­تسياسى ەلىمىزدە بوكستى دامىتۋ ءۇشىن جاڭا جوبالاردى ىسكە قوسىپ, قولدان كەلگەن مۇمكىندىكتىڭ ءبارىن جاسايدى. – اڭگىمەڭىزگە راحمەت! اڭگىمەلەسكەن  داستان كەنجالين.