الىپ ۇشاق اقتاۋعا قوندى

كونتسەسسيالىق نەگىزدە ۇشىپ-قونۋ الاڭىن قايتا سالۋدىڭ ءناتي­جەسىندە اقتاۋ حالىقارالىق اۋەجايى الەمدەگى ەڭ الىپ ۇشاقتاردى قابىلداۋعا قول جەتكىزدى. 1988 جىلى وربيتالىق كوسموستىق كەمەلەردى تاسىمالداۋ ماقساتىندا ۋكراينادا قۇراستىرىلعان ان-225 ماركالى «MRIيا» الىپ اۋە كەمەسى اقتاۋ اۋەجايىنا قوندى. ون جىلدان بەرى كوممەرتسيالىق نەگىزدە ۇشۋداعى ۇشاق تۇركيادان تەڭىز ارقىلى اكەلىنگەن. قاراعاندى تەمىر-بەتون زاۋىتىنا قاجەتتى جابدىقتاردى قاراعاندىعا اپارۋ ءۇشىن جالعا الىنىپتى. بىرنەشە رەت الەمدىك رەكورد جاساپ «گيننەستىڭ» رەكوردتار كىتابىنا ەنگەن ۇشاقتىڭ تازا سالماعى 250 توننا, ۇزىندىعى 84 مەتر, بيىكتىگى 12,2 مەتر, قانات­تارىنىڭ ۇزىندىعى 88,4 مەترگە  جەتەدى ەكەن. الىپ ان-225 اۋە كەمەسىن ەلىمىزدە الماتى, استانا, اتىراۋ جانە قاراعاندى اۋەجاي­لارى عانا قابىلداپ, ۇشىرا الادى. الىپ ۇشاق تيەلگەن جۇكتى اقتاۋدان-قاراعاندىعا 2,5 ساعاتتا ويداعىداي جەتكىزدى, – دەيدى اقتاۋ حالىق­ارالىق اۋەجايىنىڭ ديرەكتورى جولامان بوشالاق, ەرعازى جولداسوۆ. ماڭعىستاۋ وبلىسى.