ىنتىماقتاستىقتى دامىتۋ جايى تالقىلاندى

مەملەكەت باسشىسى نۇرسۇلتان نازارباەۆ جۇمىس ساپارىمەن بىرىككەن اراب امىرلىكتەرىنە كەلدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. قازاقستان پرەزيدەنتى پرەمەر-ءمينيستردىڭ ورىنباسارى – ءباا-ءنىڭ پرەزيدەنت ىستەرى بويىنشا ءمينيسترى شەيح مانسۇر بەن زايد ءال ناحايانمەن كەزدەستى. كەزدەسۋ بارىسىندا ەكى ەل اراسىنداعى ساياسي, ساۋدا-ەكونوميكالىق جانە ين­ۆەس­تي­تسيا­لىق سالالارداعى ىنتىماقتاس­تىق­تى ودان ءارى دامىتۋ جانە نىعايتۋ ءما­سەلەلەرى تالقىلاندى. اتاپ ايتقاندا, الداعى ۋا­قىت­تا ابۋ-دابي قالاسىندا قازاقستان-امىرلىكتەر ۇكىمەتارالىق كو­ميسسياسىنىڭ 5-وتىرىسىن وتكىزۋ ماسە­لەسى, سونداي-اق قا­زاقستاننىڭ تاياۋ شىعىس جانە وڭتۇستىك-شىعىس ازيا ەلدەرىمەن ينۆەستيتسيالىق ىنتىماقتاس­تى­عىن دامىتۋعا ارنالىپ, بيىلعى جىلدىڭ قازان ايىندا ابۋ-دابي قالاسىندا وتكەن بيزنەس-فورۋمنىڭ قورى­تىندىسى تال­قى­لاندى. مەملەكەت باسشىسى فورۋم اياسىنداعى قازاقستاندىق جانە اراب كومپانيالارى اراسىندا قول جەتكىزىلگەن ۋاعدالاستىقتار ناقتى جوبا رەتىندە ىسكە اسىرىلاتىنىنا سەنىم ءبىلدىردى.