مۇراگەر حانزادامەن كەزدەستى

كەشە مەملەكەت باسشىسى نۇرسۇلتان نازارباەۆ بىرىككەن اراب امىرلىكتەرىنە جۇمىس ساپارى اياسىندا ءباا قارۋلى كۇشتەرى جوعارعى باس قولباسشىسىنىڭ ورىنباسارى, ابۋ دابي امىرلىگىنىڭ مۇراگەر حانزاداسى شەيح مۇحاممەد بەن زايد ءال ناحايانمەن كەزدەستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. تاراپتار ەكىجاقتى ءوزارا ءىس-قي­مىل­دىڭ جاي-كۇيى مەن پەرسپەكتيۆاسىن تال­قىلادى. قازاقستان پرەزيدەنتى قازىرگى ۋاقىتتا «ابۋ دابي پلازا» كوپ سالالى كەشەنىنىڭ جوباسى ءىس جۇزىندە قۇرىلىس جۇمىستارى ساتىسىنا كوشكەنىن اتاپ ءوتتى. تاراپتار پوستكەڭەستىك كەڭىستىكتەگى جالعىز يسلام بانكى – «ءال-حيليال» بان­كى­نىڭ تابىستى قىزمەتىن ەرەكشە اتاپ ءوتتى. مۇراگەر حانزادا ەكىجاقتى ىنتى­ماق­تاستىقتىڭ قارقىنىنا قاناعاتتانۋشىلىق ءبىلدىردى جانە ءباا قازاقستانمەن مۇناي-گاز جانە مۇناي-حيميا سالالارىندا جەمىستى ىن­تى­ماقتاستىقتى دامىتۋعا دايىن ەكەنىن اتاپ ءوتتى. امىرلىك تارابى قازاقستان­نىڭ اۋىل شا­رۋاشىلىعى سالاسىنا ەرەكشە قىزىعۋشىلىق تانىتۋدا. بيىلعى جىلى قازاقستاندىق اس­تىقتىڭ مول جينالعانىن ەسكەرە وتىرىپ, امىرلىك تارابى قازاق­ستان­دىق بيداي ەكسپور­تى ماسەلەسىن قاراس­تىرۋعا دايىن. تاراپتار سونداي-اق, قازاقستان ۇكىمەتى مەن ءباا ۇكىمەتى اراسىندا ينۆەستيتسيانى ىنتالاندىرۋ جانە ءوزارا قورعاۋ تۋرالى كەلىسىم جوباسىنا قول قويۋعا دايىندىققا قاتىستى پروگرەسكە قول جەتكىزىلگەنىنە قاناعاتتانۋشىلىق ءبىلدىردى. سۋرەتتەردى تۇسىرگەندەر س.بوندارەنكو, ب.وتارباەۆ.