• 04 قاراشا, 2011

كومەگى كوپ كورمە

267 رەت

كورسەتىلدى

1 مين

وقۋ ءۇشىن

Egemen Qazaqstan

2-4 قاراشادا ەلوردادا تۇرعىن ءۇي-كوممۋنالدىق شارۋاشىلىعىن جاڭعىرتۋ مەن «اقبۇلاق» باعدارلامالارىنىڭ نەگىزگى مىندەتتەرىن ىسكە اسىرۋعا ارنالعان «تكش-ەكسپو-2011» حالىقارالىق فورۋمى بولىپ ءوتتى. ونىڭ اشىلۋ سالتاناتىنا پرەمەر-ءمينيستردىڭ ءبىرىنشى ورىنباسارى ومىرزاق شوكەەۆ, قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگىنىڭ توراعاسى سەرىك نوكين, سونىمەن قاتار پارلامەنت سەناتى مەن ءماجىلىسىنىڭ دەپۋتاتتارى قاتىستى. اتالعان ماندەگى باسقوسۋ وسىمەن ەكىنشى رەت وتكىزىلىپ وتىر. ونىڭ جۇمىسىنا 360-تان استام زاڭدى تۇلعانىڭ 500-گە تارتا وكىلى كەلىپ, كورمەگە قاتىسۋشىلار سانى وتكەن جىلمەن سالىستىرعاندا ەكى ەسەگە ۇلعايعان. حالىقارالىق جيىن اياسىندا 86 ەكسپونات قاتىساتىن «تكش-ەكسپو-2011» V حالىقارالىق كورمەسى ءوتىپ, تۇرعىن ءۇي قاتىناستارىندا جانە كوممۋنالدىق شارۋاشىلىقتا جاڭا تاسىلدەردى قولدانۋ ارقىلى تۇرعىن ءۇي-كوممۋنالدىق سالانى جاڭعىرتۋ تاقىرىبىندا پىكىرالماسۋلار بولدى. سونداي-اق تۇرعىن ءۇي-كوممۋنالدىق شارۋاشىلىقتىڭ تيىمدىلىگىن ارتتىرۋعا جانە ەنەرگيا رەسۋرستارىن ۇنەمدەۋگە ارنالعان يننوۆاتسيالىق تەحنولوگيالاردى قولدانۋ مەن جاڭارتىلاتىن ەنەرگيا كوزدەرىن قولدانۋ, تۇرعىن ءۇي-كوممۋنالدىق شارۋاشىلىعى ءۇشىن كادرلار دايارلاۋ توڭىرەگىندە قوزعالعان اڭگىمەلەر دە وزەكتىلىگىمەن ەرەكشەلەندى. «ەگەمەن-اقپارات».