ۇكىمەت «ەگەمەن قازاقستاننىڭ» اپتالىق قوسىمشاسى
بيىلعى جىلدىڭ باسىندا «قامقور مەنەدجمەنت» جشس باسشىلىعى «اگروماشحولدينگ» جشق-مەن بىرلەسە وتىرىپ, قازاقستانداعى «ەنيسەي-قامقور» كومباينىن قۇراستىرۋ بولىمشەسىنىڭ اشىلۋ ءراسىمىن وتكىزگەن بولاتىن. وتاندىق اگروونەركاسىپ كەشەنى سالاسىنداعى اسا ماڭىزدى يننوۆاتسيالىق جاڭالىقتاردىڭ ءبىرى رەتىندە قابىلدانعان وسىناۋ ءساتتى قادام ءوزىنىڭ يگى جالعاسىن تاۋىپ, ۇستىمىزدەگى جىلدىڭ ءساۋىر ايىندا جامبىل وبلىسى مەن شۋ اۋدانى اكىمدىكتەرىنىڭ قولداۋىمەن رەسپۋبليكامىزدىڭ اۋماعىندا قۇراستىرىلعان «ەنيسەي-قامقور-1200» كومباينىنىڭ رەسمي تۇساۋكەسەرى ۇيىمداستىرىلدى.
2011 جىلدىڭ ساۋىرىنەن قىركۇيەك ايىنا دەيىن «ەنيسەي-قامقور-1200» استىق جيناۋشى كومبايننىڭ 49 داناسى جاسالىنىپ, ونىڭ 40-ى بيىلعى وراق ناۋقانىندا پايدالانىلدى. وسىلايشا بۇل كومبايندار قازاقستان رەسپۋبليكاسىندا قولدانىلىپ جۇرگەن ستاندارتتاۋ جۇيەسىنە سايكەس سەرتيفيكاتتاۋ سىناعىنان ءساتتى ءوتتى. بۇدان باسقا اتالعان كومباينعا ست-كZ فورماتىنان ءوتۋ سەرتيفيكاتى دا بەرىلدى.
2012 جىلى ءارتۇرلى موديفيكاتسيالارمەن جاراقتاندىرىلعان كومباينداردىڭ بىرنەشە ءتۇرلەرىنىڭ 200 داناسىن قۇراستىرىپ, پايدالانۋعا بەرۋ كوزدەلىنۋدە. مۇنىڭ ءوزى جەرگىلىكتى جەرلەردە جۇمىس ورىندارىن كوبەيتۋمەن قاتار, قازاقستاننىڭ الەۋمەتتىك-ەكونوميكالىق دامۋىنا دا ەداۋىر ۇلەس بولىپ تابىلارى ءسوزسىز. ويتكەنى, كومباينداردى ءوز ەلىمىزدىڭ اۋماعىندا قۇراستىرۋ اۋىلشارۋاشىلىق تەحنيكالارىنىڭ وزىندىك قۇنىن ءبىرشاما تومەندەتەتىنى بەلگىلى.
جاقىندا عانا استانا قالاسىنداعى «كورمە» ورتالىعىندا اشىلعان «قازاگرو-2011» جانە «قازفەرما-2011» حالىقارالىق اۋىل شارۋاشىلىعى جانە ازىق-ت ۇلىك ونەركاسىبى كورمەسىنىڭ اياسىندا «اگروماش-قامقور-4121» كومباينىنىڭ جاڭا ۇلگىسى كەلۋشىلەرگە تانىستىرىلعانى جۇرتشىلىققا بەلگىلى. 4-سىنىپتى ءوزدىگىنەن جۇرەتىن بۇل استىق ورۋشى كومباين ءداندى داقىلداردى تىكەلەي جانە ءبولىپ ورۋعا ارنالعان. جاڭا ۇلگىدەگى اۋىلشارۋاشىلىق تەحنيكاسى ەگىنى بىتىك وسكەن القاپتاردا دا, سونداي-اق ىلعالدى جەرلەردە دە ءدان ورۋدا تاپتىرمايتىن قۇرال. جاڭا كومباين «تراكتورلار زاۋىتى» كونتسەرنى توبىنا كىرەتىن كراسنويار كومباين زاۋىتى كونسترۋكتورلارىنىڭ كوپ جىلدار بويعى ىزدەنىستەرىنىڭ ناتيجەسى بولىپ تابىلادى. بيىل بۇل كومبايندار اقمولا جانە سولتۇستىك قازاقستان وبلىستارىنداعى استىق جيناۋ ناۋقانىندا ديقانداردىڭ ورىندى ريزاشىلىعىنا يە بولدى. كورمەگە كەلگەن شارۋاشىلىق باسشىلارى بۇل تۋرالى جارىسا پىكىر ءبىلدىرىپ, جاڭا كومباينداردىڭ وزىق جەتىستىكتەرىن تامسانا اڭگىمەلەگەندەرى بۇعان ناقتى دالەل.
كورمە اياسىندا ۇيىمداستىرىلعان جاڭا كومبايننىڭ تانىستىرىلىمىندا پرەمەر-مينيستردىڭ ءبىرىنشى ورىنباسارى ءو.ءشوكەەۆ, اۋىل شارۋاشىلىعى ءمينيسترى ا.مامىتبەكوۆ, اۋىل شارۋاشىلىعى ۆيتسە-ءمينيسترى م.تولەباەۆتار جاڭا تەحنيكا تۋرالى ءوز پىكىرلەرىن ايتىپ, كومبايندى قۇراستىرۋ جۇمىستارىنا «اق جول» تىلەدى. ولار ءوز سوزىندە مۇنىڭ ءوزى مەملەكەت باسشىسى ن.ءا. نازارباەۆتىڭ وتاندىق اۋىلشارۋاشىلىق ماشينالارىن قۇراستىرۋدى دامىتۋ تۋرالى تاپسىرمالارىن ءىس جۇزىنە اسىرۋدىڭ تىكەلەي كورىنىسى ەكەنىن اتاپ ءوتتى. سونداي-اق, «اگروماش-قامقور-4121» كومباينىنىڭ تەحنيكالىق ەرەكشەلىكتەرىمەن جاقىنىراق تانىسقان قۇرامىندا پرەمەر-ءمينيستردىڭ ءبىرىنشى ورىنباسارى مەن اۋىل شارۋاشىلىعى ءمينيسترى بار ۇكىمەت دەلەگاتسياسى جاڭا تەحنيكانى قۇراستىرۋدىڭ كەلەشەكتەگى دامۋى مەن ولاردى اۋىلشارۋاشىلىق تاۋار وندىرۋشىلەرىنىڭ پايدالانۋ مۇمكىندىكتەرى تۋرالى كەڭىنەن وي ءبولىستى. پرەمەر-ءمينيستردىڭ ءبىرىنشى ورىنباسارى ءو.شوكەەۆ وتاندىق اۋىلشارۋاشىلىق تەحنيكالارى ءوندىرىسىن دامىتۋ مەن وندىرىسكە جاڭا تەحنولوگيالىق شەشىمدەر ەنگىزۋدىڭ ماڭىزدىلىعىن ەرەكشە اتاپ ءوتتى.
حالىقارالىق كورمەگە كەلۋشىلەر مەن قاتىسۋشىلار جاڭا كومبايندى اسا قىزىعۋشىلىقپەن تاماشالاپ, وڭدى پىكىرلەرىن بىلدىرۋدە.
قازاقستاننىڭ استىقتى القاپتارىندا «ەنيسەي-قامقور-1200» كومبايندارى دالا كەمەسىنە اينالىپ, ەل ريزىعىن توكپەي-شاشپاي جيناۋعا جاپپاي اتسالىساتىن كۇن دە الىس ەمەس.
قورعانبەك امانجول.
