ءسۇت پەن مايىڭ, قايماق, شايىڭ...

جۋىردا استاندا قازاقستان ءسۇت وداعى «ءسۇت ونىمدەرىنىڭ سا­پاسى» اتتى بايقاۋ كورمەسىن ءوت­كىزدى. وعان ەلىمىزدىڭ وسى سالا­داعى ءونىم وندىرەتىن ونعا تارتا كاسىپورىندارى قاتىسىپ, ءوز تاۋارلارىن تۇتىنۋشىلارىنا تا­عى ءبىر كورسەتتى. اتالمىش شارا رەسپۋبليكا­مىزداعى ءسۇت ونىمدەرىنەن ءوندى­رىلەتىن ءتۇرلى تاعام تۇرلەرىن جاڭا ساپادا جاساپ, تۇتىنۋشى­لار تاراپىنان تەك جاقسى دەگەن باعالار الۋ ماقساتىندا وراي­لاس­تىرىلسا, سالاداعى تۇيتكىل­دى ماسەلەلەر دە جيىن بارى­سىندا ماماندار مەن عالىمدار تا­راپىنان ايتىلماي قالمادى. – ازىق-ت ۇلىك تاعامدارىنا تۇتىنۋشىلىر تالابى جىل ءوت­كەن سايىن ارتىپ كەلەدى. ءسۇت ءونىم­دەرىن وندىرۋشىلەر سەنىمگە يە بولۋ جانە ونى تۇراقتى تۇردە ۇستاپ تۇرۋ ءۇشىن بۇگىنگى وزىق مەنەدجمەنت جۇيەسىن, سون­داي-اق ساپانى باقىلاۋ شارالا­رىن ءون­دى­رىس­كە ەنگىزە وتىرىپ, تۇراقتى تۇردە ءونىمنىڭ قاۋىپ­سىزدىگى مەن ساپاسى توڭىرەگىندەگى ماسەلە­لەردى جۇيەلى شەشۋى كەرەك. كەيبىر قايتا وڭدەۋشىلەر حالىق­ارالىق وزىق تاجىريبەلەر نەگىزىندەگى يننوۆاتسيالىق تەحنو­لو­گيا­­لاردى وندىرىسكە ەنگىزە وتى­رىپ, تەحنيكالىق قايتا قۇرۋ شا­رالا­رىن جۇزەگە اسىرۋلارى قا­جەت. سونىمەن قاتار, شيكىزات­تىڭ ساپا­لىق كورسەتكىشتەرى دە ما­ڭىزدى. وسىعان بايلانىستى سا­پالى وتان­دىق شيكىزاتتاردى قاجەتتى كو­لەمدە جەتكىزۋ ماسە­لەلە­رىن شەشۋ ءۇشىن جەكە مەن­شىك مال شارۋاشى­لىعى بازاسىن دامىتۋعا دا بارىنشا كوڭىل ءبول­گەن ابزال, – دەدى جيىندا ءسۇت وداعىنىڭ اتقارۋشى ديرەكتورى ۆلاديمير كوجەۆنيكوۆ. ال, ەلوردا­داعى «ءادى­لەت» تۇتىنۋ­شى­لار قۇ­قىن قورعاۋ قوعام­دىق بىرلەستىگىنىڭ ديرەكتورى قابىكەن زاكاريانوۆ ساۋىلاتىن سيىرلاردىڭ دەنساۋ­لىعى مەن جەم-ءشوپ بازا­سىن قا­لىپتاستىرۋ جايىندا بىرقاتار ۇسىنىستارىن ءبىلدىردى. عالىمدار اتىنان ءسوز سالعان پروفەسسور ماريام الي­ماردا­نوۆانىڭ سالاعا قاتىستى پىكىرلەرى دە كوپشىلىك كوڭى­لىنەن شىقتى. مالدىڭ گەنەتيكالىق الەۋەتى تومەندىگى وسى باسقوسۋدا تاعى دا ايتىلدى. «بۇل تۇرعىدا ءسۇت ودا­عىنىڭ ماماندارى مال شارۋا­شىلىعىن جەتىلدىرۋ جونىندەگى شارالار شارۋاشىلىقتاردى ىرىلەندىرۋ جانە مالدىڭ ونىمدىلىگىن ارتتىرۋ جۇمىستارىمەن بىرگە جۇرگىزىلۋگە ءتيىس. بۇگىندە ءبىر­قاتار مەملەكەتتىك مەكەمەلەردىڭ كومە­گىمەن زاماناۋي مال شارۋا­شى­لىعى كەشەندەرىنىڭ قۇرى­لىسىن سالۋ جونىندەگى ارنايى باعدار­لاما جۇزەگە اسىرىلۋدا. بۇل كەشەندەر جوعارى ءونىم بەرەتىن مال باسىمەن تولىقتىرىلىپ, حالىق­ارالىق دەڭگەيدە جاراقتان­دىرىلۋى كەرەك», – دەيدى اتالعان وداقتىڭ اتقارۋشى ديرەكتورى ۆ.كوجەۆنيكوۆ. بايقاۋعا وتاندىق عالىمدار­دىڭ ارنايى كەلۋى سالاداعى كەمشىن تۇستار مەن جەتىستىكتەردى سا­رالاۋعا جانە ورتاق تاجىريبەلەر الماسۋعا نەگىز بولدى. كاسىپ­ورىن­دارعا وندىرىستە ءتا­جىري­بە جۇزىندە قولدانۋ ءۇشىن جاڭا يننوۆاتسيالىق جوبالار قا­جەت دەسەك, ونىڭ ءبىز­دىڭ ەلىمىزگە وتاندىق رىنوك­تاعى باسىمدىقتى ساقتاپ قالۋ­مەن بىرگە, ءاسى­رەسە, ۇلت­تىق قازاقستاندىق ءونىمنىڭ ەكس­پورتتىق ۇلەسىن ارتتى­رۋدا دا ماڭىزى ۇلكەن. وسى رەتتە بۇگىندەرى ءدۇ­كەندەر­دەن سا­تىپ الاتىن ءسۇتتىڭ 80 پايىزى ەلىمىزدە وندىرىلەدى. بۇل ءبىزدىڭ ءونىم­دەرىمىزدىڭ تۇ­راقتى تۇردە ساپاسىن جاقسار­تىپ, تەك قانا ءوزىمىزدىڭ رىنوكتا عانا ەمەس, باسقا جەرلەردە دە سۇ­رانىسقا يە بولا­تىندىعىنىڭ تاماشا كورسەتكىشى ەكەندىگىن العا تارتادى ماماندار. جيىن قورىتىندىسىندا ۇزدىك دەگەن تاۋار وندىرۋشىلەر ارنايى سەرتيفيكاتتارمەن ماراپاتتالدى. ءابدىراحمان قىدىربەك, سۋرەتتەردى تۇسىرگەن  ورىنباي بالمۇرات.