توتەنشە جاعدايلار دەپارتامەنتىنىڭ ايتۋىنشا, تۇنگى ساعات 02.00 شاماسىندا باستالعان ءورت كەزىندە قۇتقارۋشىلار ۇيدەن 54 ادامدى دالاعا الىپ شىققان. جوعارعى قاباتتاعى ون ادامدى ءورت ءسوندىرۋ ماشيناسىنىڭ ارنايى ساتىسىن قويىپ, قۇتقارعان. ءورت شىققان ءبىر بولمەلى پاتەردەن ايەلدىڭ دەنەسى تابىلعان. ونىڭ جارتى دەنەسى كۇيىپ كەتكەن. كورشىلەردىڭ ايتۋىنشا, ايەل پسيحيكالىق اۋرۋدان زارداپ شەككەن, سونىمەن قاتار ءبىر ءوزى تۇرعان. ءورتتى سوندىرۋگە 24 ءورت ءسوندىرۋشى مەن 9 ارنايى تەحنيكا پايدالانىلدى. سوعان قوسا ءورت سوندىرۋگە سولتۇستىك ايماقتىق اەروموبيلدىك جەدەل-قۇتقارۋ وتيادىنىڭ جەكە قۇرامى مەن تەحنيكالارى دا قاتىستى.
جۋرناليستەرگە كورشىلەرىنىڭ ايتۋىنشا, ورتتە جانىپ كەتكەن ايەل بەيالەۋمەتتىك ءومىر سۇرگەن. ول ۇيگە وت جاعىپ, تاماق پىسىرگەن, وسىدان جارتى جىل بۇرىن دا وسى پاتەردەن ءورتتىڭ شىعۋىنا سەبەپكەر بولىپتى. بىراق ول ءورت سوندىرۋشىلەردىڭ پروفيلاكتيكالىق جۇرگىزگەن جۇمىستارىنا ءمان بەرمەگەن.
ءنازيرا جارىمبەت,
«ەگەمەن قازاقستان»
قوستاناي
