ولار وزدەرىنىڭ ونىمدەرىنىڭ ساپاسىن ارتتىرۋ ماقساتىندا قازاقستاندىق كاسىپكەرلەر مەن جوعارىدا كورسەتىلگەن داقىلداردى وسىرەتىندەر تۇقىمدارىن جيناۋ بويىنشا ءارتۇرلى, ونىڭ ىشىندە شەتەلدىك تۇقىم شارۋاشىلىقتارىنا جانە عىلىمي-زەرتتەۋ ينستيتۋتتارىنا جۇگىنە وتىرىپ تۇراقتى جۇمىستار جۇرگىزۋدە ەكەن.
الايدا بۇگىنگى تاڭدا قازاقستان رەسپۋبليكاسىنىڭ «وسىمدىكتەردىڭ جاڭا سورتتارىن قورعاۋ جونىندەگى حالىقارالىق كونۆەنتسياعا» (پاريج, 1961 ج.) قوسىلماعاندىعىن جانە «وسىمدىكتەردىڭ جاڭا سورتتارىن قورعاۋ جونىندەگى حالىقارالىق وداقتىڭ» مۇشەسى ء(ارى قاراي – ۇيىم) بولماعاندىعىن نەگىزگە الا وتىرىپ, شەتەلدىك تۇقىم شارۋاشىلىقتارى مەن عىلىمي-زەرتتەۋ ينستيتۋتتارىنىڭ بۇلارعا تۇقىم جەتكىزۋدەن باس تارتۋىنا بايلانىستى, وسىناۋ وتاندىق كومپانيالاردا كۇردەلى ماسەلە تۋىنداپ وتىر.
اتالعان ۇيىم – وسىمدىك تۇقىمدارىن اسىلداندىرۋشىلارعا زياتكەرلىك قۇقىعىن بەرە وتىرىپ, وسىمدىكتەردىڭ جاڭا سورتتارىن شىعارۋمەن اينالىساتىنداردىڭ جەتىستىكتەرىمەن تەك وزدەرىنىڭ مۇشەلەرىن عانا قامتاماسىز ەتۋ ماقساتىندا قۇرىلعان.
وسىمدىكتەردىڭ جاڭا سورتتارىن قورعاۋ قۇقىعىنىڭ جوقتىعىنا بايلانىستى شەتەلدىك سۇرىپتاۋشىلار وسىمدىكتەردىڭ جاڭا سورتتارىن قورعاۋ جونىندەگى حالىقارالىق كونۆەنتسياعا قوسىلماعان مەملەكەت رەزيدەنتتەرىمەن سەرىكتەستىك قاتىناستار قۇرۋعا نيەتتەرى بولماي وتىر. سوندىقتان وسى جاعداي قازاقستانعا الەمدەگى سۇرىپتاۋ جەتىستىكتەرى مەن تەحنولوگيالارىنىڭ كەلۋىنە كەدەرگى بولىپ, وتاندىق اگرارلىق سەكتورىنىڭ دامۋىنا كەرى اسەرىن تيگىزۋدە.
وسىعان بايلانىستى ءبىز پرەمەر-مينيستر باقىتجان ساعىنتاەۆقا دەپۋتاتتىق ساۋال جولداپ, «وسىمدىكتەردىڭ جاڭا سورتتارىن قورعاۋ جونىندەگى حالىقارالىق وداق» پەن «وسىمدىكتەردىڭ جاڭا سورتتارىن قورعاۋ جونىندەگى حالىقارالىق كونۆەنتسياعا» قوسىلۋ جۇمىستارىن شەشۋدى مۇمكىندىگىنشە تەزىرەك جۇرگىزۋدى سۇرادىق. اسىل تۇقىمدى وسكىندەر وتاندىق كاسىپكەرلەرىمىزگە تەزىرەك جەتسە, ولاردىڭ ەڭبەك ونىمدىلىگى دە ارتىپ, ونىمدەرىنىڭ ساپاسى دا, سالماعى دا ارتا تۇسكەن بولار ەدى.
سەرىك جاقسىبەكوۆ,
سەنات دەپۋتاتى
