ەڭبەك ۇجىمدارىمەن بولعان كەزدەسۋلەردە ۆيتسە-مينيستر بەرىك ارىن ەلدەگى ءدىني احۋالدى جاقسارتۋ بويىنشا قابىلداناتىن شارالار تۋرالى, دەسترۋكتيۆتى اعىمداردىڭ ىقپالىنا جانە قىزمەتىنە قارسى تۇرۋ جايىندا اڭگىمەلەدى. ۆيتسە-ءمينيستردىڭ اقپاراتىنا سايكەس, قازىرگى كۇنى مينيسترلىك ازىرلەپ جاتقان ء«دىني قىزمەت جانە ءدىني بىرلەستىكتەر ماسەلەلەرى تۋرالى» زاڭ جوباسى ۇكىمەتتىڭ قاراۋىنا ەنگىزىلگەن.
«زاڭناماعا ەنگىزىلەتىن تۇزەتۋلەر ەلدەگى ءدىني احۋالدىڭ تۇراقتىلىعىن قامتاماسىز ەتۋگە, دەسترۋكتيۆتى ءدىني اعىمداردىڭ يدەيالارىن تاراتۋدى بولدىرماۋعا باعىتتالعان. سونىمەن بىرگە حالىقتىڭ ۇسىنىستارى دا نازاردان تىس قالماۋى قاجەت, تۇرعىندار ءوز تاراپىنان تەرىس ءدىني اعىمداردىڭ الدىن الۋ جۇمىستارىندا بەلسەندىلىك تانىتۋى كەرەك», دەدى ول.
سەناتور سەرگەي ەرشوۆ جەزقازعاندىق جەرلەستەرىن اتالعان ماسەلەگە قارسى كۇرەستە قوعامدا بەلسەندى بولىپ, بارلىق كۇش-جىگەرلەرىن بىرىكتىرۋگە شاقىردى. حالىق قالاۋلىسى جاس ۇرپاقتىڭ تەرىس ءدىني اعىمدارعا بەت بۇرماي, ودان بويلارىن اۋلاق ۇستاۋلارى كەرەكتىگىن ايتتى.
ايتا كەتەيىك, قاراعاندى وبلىسىندا بەيبىتشىلىك پەن كەلىسىمدى نىعايتۋعا ءوز ۇلەسىن قوسىپ وتىرعان 314 ءدىني بىرلەستىك جۇمىس ىستەيدى. دەگەنمەن وڭىردە دەسترۋكتيۆتى ءدىني يدەولوگيانىڭ تارالۋىنا جانە ونىڭ تەرىس اسەر ەتۋىنە ىقتيمال ماسەلەلەر ءالى دە بار.
«ەگەمەن-اقپارات»
