قۇقىق قورعاۋ ورگاندارىنىڭ حابارلاۋىنشا, ميتينگكە ەڭ كەمى ءجۇز ادام جينالعان. قالا بيلىگى ميتينگكە شىققاندارعا اپپاراتۋرا مەن تريبۋنا قويۋعا تىيىم سالعان. اكتسيا زاڭسىز وتكىزىلىپ جاتقاندىقتان, ولارعا ستاديونعا بارۋ دا ۇسىنىلعان. بىراق جينالعاندار ورىن اۋىستىرۋدان باس تارتىپ, مەملەكەت پرەزيدەنتىنىڭ كەشىرىم سۇراۋىن تالاپ ەتۋدە.
ەستەرىڭىزگە سالا كەتسەك, بۇعان دەيىن 29 قازان كۇنى دە ميتينگ وتكەن بولاتىن. قاتىسۋشىلار پرەزيدەنتتىڭ تالاس وبلىسى تۇرعىندارىنان كەشىرىم سۇراۋىن تالاپ ەتۋدە. ولاردىڭ ايتۋىنشا, مەملەكەت باسشىسى 18 قازان كۇنى بىشكەكتە ستۋدەنتتەرگە ءبىلىم گرانتتارىن تابىستاۋ كەشىندە 16 قازان كۇنى تالاستا وتكەن ميتينگتى قاتتى سىنعا العان. ول كۇنى ميتينگكە پرەزيدەنتتىك سايلاۋدىڭ ناتيجەسىمەن كەلىسپەگەن حالىق جينالعان بولاتىن.
