بۇكىلحالىقتىق داۋىس بەرۋ قورتىندىسىمەن ەرلان كۇمىسقاليەۆ «قازاقستاننىڭ 100 جاڭا ەسىمى» جوباسىنا قاتىسۋعا ۇسىنىلعان ەدى. اتىراۋ وبلىسىنان جوباعا 7 ۇمىتكەر ىرىكتەلدى, ونىڭ قاتارىندا «اتىراۋ. شاعىن ەل» قوعامدىق بىرلەستىگىنىڭ جەتەكشىسى دە بار. ۇيىم قىزمەتى ج ۇلىن جانە باس ميى زاقىمدانعان بالالاردى ەمدەۋ مەن ساۋىقتىرۋعا نەگىزدەلگەن.
«اتىراۋ. شاعىن ەل» قوعامدىق بىرلەستىگىنىڭ قۇرىلعانىنا بيىل 5 جىل بولدى. وسى ۋاقىت ارالىعىندا كانيستەراپيا ءادىسى ارقىلى ءار ءتۇرلى سىرقاتقا شالدىققان 300-دەن استام بالا ەم-دومنان ءوتتى. ەرلان كۇمىسقاليەۆ ەندى جىلقىلاردىڭ كومەگىمەن يپپوتەراپيا ارقىلى بالالاردى ەمدەۋدى نيەتتەنىپ وتىر. يپپوتەراپيا ورتالىعى اتىراۋدا كاسىپكەرلەر مەن ىنتالى ازاماتتاردىڭ قولداۋىمەن سالىنادى.
- ەكى جىل بۇرىن ءبىزدىڭ ەكى ترەنەرىمىز گرۋزيادا بىلىكتىلىكتەرىن ارتتىرىپ, يپپوتەراپەۆت-ينسترۋكتوردىڭ حالىقارالىق سەرتيفيكاتىن الدى. سودان كەيىن جىلقىلارمەن ەمدەۋ ورىنىن اشۋدى جوسپارلادىق. جەرگىلىكتى بيلىك 5 گا جەر تەلىمىن بەردى, ەندى كاسىپكەرلەر مەن قايىرىمدى جانداردىڭ كومەگىمەن يپپوتەراپيا ورتالىعىنىڭ قۇرىلىسى باستالدى, - دەيدى ەرلان كۇمىسقاليەۆ.
ورتالىق قۇرىلىسى اتىراۋ قالاسىنىڭ ماڭىنداعى اقجار اۋىلىندا بوي كوتەردى. كەلەر جىلدىڭ كوكتەمىندە اياقتالادى دەگەن جوسپار بار. ەرلان كۇمىسقاليەۆتىڭ ايتۋىنشا, ەرىكتىلەر مەن دەمەۋشىلەر قۇرىلىسقا قاجەتتى جاعدايدىڭ ءبارىن جاساپ وتىر.
