القالى جيىندا قازاقستاندىق عالىمدار مەن جوعارى وقۋ ورىندارىنىڭ پروفەسسور-وقىتۋشىلارى مەملەكەت باسشىسى كوتەرگەن باستامالار نەگىزىندە قازاقستاندى جاڭعىرتۋدىڭ ماسەلەلەرىن عىلىمي نەگىزدەرگە سۇيەنە وتىرىپ تالقىعا سالدى. سونىمەن قاتار, كونفەرەنتسياعا قاتىسۋشىلار باعدارلامالىق ماقالانىڭ يدەيالارىن جۇزەگە اسىرۋ مەن ءبىلىم بەرۋ قىزمەتىنىڭ ساپاسىن ارتتىرۋ جولدارى جانە «ماڭگىلىك ەلگە» اينالۋ يدەياسىنىڭ شەشۋشى باعىتتارى دا اڭگىمە وزەگىنە اينالدى.
– بۇعان دەيىن تاۋەلسىز قازاقستاننىڭ ءتول تاريحىندا ۇلتتىق سانانى جاڭعىرتۋ سياقتى اسا اۋقىمدى ءارى تەرەڭ مىندەت تۇرماعان ەدى. «رۋحاني جاڭعىرۋ» – مەملەكەتتىك بارلىق سالالارىنىڭ ساپالىق تۇرعىدان جاڭارۋىنا نەگىزگى ىرگەتاس بولاتىن يدەيالىق تۇعىرناما. حالىقتىڭ تاريحى, ءتىلى, مادەنيەتى, سالت-ءداستۇرى – رۋحاني قۇندىلىقتارىمىزدىڭ قاينار باستاۋى. اتا-بابالارىمىزدىڭ ۇلتتىق كودىن بىزگە جەتكىزەتىن – قازاقتىڭ مادەني الەمى. ول – بۇرىنعى وتكەن عالىمداردىڭ جۇمىستارى, ەپيكالىق مۇرالار, مۋزىكا, ارحيتەكتۋرالىق ەسكەرتكىشتەر. قازىرگى كۇندە وسى قۇندىلىقتاردىڭ بارلىعى قايتا جاڭعىرتىلىپ, ساقتالۋدا, – دەدى جيىنعا قاتىسۋشىلار.
كونفەرەنتسيا جۇمىسى «قازاقستان رەسپۋبليكاسىنىڭ قازىرگى عىلىم مەن ءبىلىمنىڭ وزەكتى ماسەلەلەرى», «مەكتەپكە دەيىنگى, باستاۋىش جانە جالپى ورتا ءبىلىم بەرۋدىڭ وزەكتى ماسەلەلەرى», «وقۋ ۇردىسىندەگى جاڭا يننوۆاتسيالىق تەحنولوگيالار جانە ءۇش ءتىلدى ءبىلىم بەرۋدى جۇزەگە اسىرۋ» جانە «روبوتوتەحنيكا سالاسىنداعى قۇزىرەتتىلىكتەر» باعىتتارى بويىنشا جۇرگىزىلدى.
كەڭەس جۇمىسى بارىسىندا عالىمدار مەن ساراپشىلار اراسىندا «رۋحاني جاڭعىرۋ» باعدارلاماسىنىڭ شەشۋشى باعىتتارىن ىسكە اسىرۋ بارىسىن تالقىلاۋ بويىنشا كەلەلى سۇحبات ءوربىدى. قاتىسۋشىلار قوعامدىق سانانى جاڭعىرتۋ شەڭبەرىندە جۇرگىزىلىپ جاتقان كەشەندى جۇمىستى كەڭىنەن ناسيحاتتاپ, ناقتى قورىتىندى شىعارۋدا وسى تاقىلەتتەس جيىنداردىڭ ماڭىزى زور ەكەنىن اتاپ ءوتتى. كونفەرەنتسيادا ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ دوتسەنتى ءسانىم قوجاەۆا «قازاقستاندا عىلىم مەن بىلىمدەگى ينتەگراتسياسىنىڭ دامۋ بارىسى», اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پروفەسسورى قۇندىز اگانينا ء«بىلىم بەرۋ جۇيەسىندە مەنەدجەرلەردى دايىنداۋ», قوجا احمەت ياسساۋي اتىنداعى حقتۋ-دىڭ دوتسەنتى تۇرسىناي قويشيەۆا «بولاشاق وقىتۋشىلاردىڭ تانىمدىق ءىس-ارەكەتتەرىن باعدارلى جوبالاۋ نەگىزىندە قالىپتاستىرۋ» تاقىرىپتارىندا پايىمدى پىكىرلەرىمەن ءبولىستى.
سونداي-اق, شارا اياسىندا قىزدار ۋنيۆەرسيتەتىنىڭ پروفەسسور-وقىتۋشىلارى مەن ستۋدەنتتەرىنىڭ عىلىمي جەتىستىكتەرىنىڭ كورمەسى ۇيىمداستىرىلدى.
