ءۇش زاڭ دا قابىلداندى

كەشە بولعان پارلامەنت سەناتىنىڭ كەزەكتى جالپى وتىرىسىندا ءۇش زاڭ جوباسى قارالدى. پالاتا قاراۋىنا ۇسىنىلعان العاشقى جوبا قازاقستان رەسپۋبليكاسى مەن قىرعىز رەسپۋبليكاسى اراسىنداعى وتەۋسىز اسكەري-تەحنيكالىق كومەك كورسەتۋ تۋرالى ۇكىمەتارالىق كەلىسىمدى راتيفيكاتسيالاۋ تۋرالى زاڭ جوباسى بولدى. بۇل قۇجاتتى راتيفيكاتسيا­لا­عان دەپۋتاتتار قازاقستان رەس­پۋب­ليكاسى مەن بىرىككەن اراب ءامىر­لىكتەرى اراسىنداعى قىلمىستىق ىستەر بويىنشا ءوزارا قۇقىقتىق كومەك كورسەتۋ تۋرالى كەلىسىمدى قابىلدادى. بۇل كەلىسىمگە 2009 جىلعى ناۋرىز ايىندا ابۋ دابيدە ء(باا) قول قويىلعان بولاتىن. زاڭ جوباسى قازاقستان رەسپۋب­لي­كا­سى مەن بىرىككەن اراب امىرلىك­تە­رىنىڭ قۇزىرەتتى ورگاندارى ارا­سىنداعى اقپارات الماسۋ جانە قىلمىستاردى تەرگەۋدە قۇقىقتىق كومەك كورسەتۋ جونىندەگى زاڭدىق نەگىزدەردى ورنىقتىرۋعا باعىت­تا­لىپ وتىر. كەلىسىم ەرەجەلەرىنە سايكەس ەندى قاتىسۋشى تاراپتار قىلمىستىق ىستەر بويىنشا ءىس ءجۇر­گىزۋ وندىرىسىندە ءبىر-بىرىنە كو­مەك كورسەتە الادى. وتىرىستا سونداي-اق «قازاق­ستان رەسپۋبليكاسىنىڭ كەيبىر زاڭ­نا­مالىق اكتىلەرىنە ۋاكىلەتتى ور­گان­داردىڭ مەملەكەتتىك جانە بيۋد­جەتتىك جوسپارلاۋ جونىندەگى قۇ­زى­رەتىنىڭ اراجىگىن اجىراتۋ جانە بيۋد­جەت پروتسەسىن جەتىلدىرۋ ماسەلە­لە­رى بويىنشا وزگەرىستەر مەن تولىق­تى­رۋلار ەنگىزۋ تۋرا­لى» زاڭ جو­با­سى دا قابىلداندى. بۇل بيۋدجەتتىك پروتسەستەردى جەتىلدىرۋگە بايلانىس­تى بيۋدجەتتىك ينۆەستي­تسيا­لاردى ءجۇ­زەگە اسىرۋ راسىمدەرىن وڭتاي­لان­دىرۋ ءجونىن­دە­گى نورما­لار­دى زاڭ­نا­مالىق تۇرعىدان بەكىتۋدى كوزدەيدى. زاڭ جوباسى بوي­ىن­شا دەپۋتات­تار­دىڭ ساۋالدارىنا ەكو­نوميكالىق دامۋ جانە ساۋدا ءمينيسترى قايرات كەلىمبەتوۆ جاۋاپ بەردى. وتىرىستا, سونىمەن بىرگە, ق.ايتاحانوۆ, ب.جىلقىشيەۆ, ۆ.رەد­كوكاشين, ا.ساۆچەنكو, و.راحمانبەرديەۆ, م.بورتنيك, ج.تورە­گەل­دي­نوۆ وزدەرىن تولعاندىرعان ءما­سە­لەلەرگە وراي دەپۋتاتتىق ساۋال­دارىن جاريا ەتتى. اسقار تۇراپباي ۇلى.