اقپارات ناقتىلىعىنىڭ كۇماندىلىگى ءوز الدىنا, حابار قاس قاعىم ساتتە قولدان قولعا ءوتتى, الپىس شاھار استى. الايدا, الگى جەرگە ءبىر ماشينا «ەكىنشى نان» – كارتوپ توگىلسە, سايتتار بۇلاي شۋلاماس ەدى. نەگە؟ بۇل – ءبىرىنشى ءوز جازىلۋشىلارىنىڭ دەلەبەلەرىن قوزدىرىپ, «كۇلدىرىپ» قويۋ ءۇشىن جاساعان حارەكەتى-ءتىن. اقپاراتقا تاقىرىپ لاتىنشا Saebiz ء(سابىز) دەپ قويىلدى. اتالعان سايتتىڭ مەملەكەتىمىزگە لاتىن الىپبيىنە كوشۋگە قادام جاساپ جاتقان تۇستاعى قولداۋى شىعار!؟ ايتپەسە ورىس تىلىندەگى «اناليز» ءسوزىنىڭ اعىلشىنشا اتاۋى و باستا «اnاlysis» ەمەس پە ەدى؟ ونى ەشكىم بۋىنعا ءبولىپ وقىعان جوق, كۇلگەن جوق؟! ال... «saebiz-ءسابىز» كۇلكىلى ەكەن؟! بۇگىنگى قازاقستاننىڭ التى جاسار بالاسى ء«بىر, ەكى, ءۇش» ساندارىن «ونە, تۆو, تھرەە» دەمەي-اق, ء«ۋاان, ءتۇۋ, فري...» دەپ تاقىلداپ تۇر.
ول از دەسەڭىز «توعىز» دەگەندى تسيفردى «نينە (nine)» دەمەي «ناين» دەيدى. اڭگىمە ەندى سول «نينە»-دەن شىعادى عوي, ەستەرىڭىزدە بولسا, الەم فۋتبولشىلارىنىڭ ەڭ ۇزدىك كومانداسىنا بەرىلەتىن التىن كۋبوكتى كەڭەس زامانىندا قانشاما جىل بويى « ۇلى تىلمەن» التىن نيكە (nike) دەپ كەلدىك. نەبىر اۋزىمەن قۇس تىستەگەن سپورت كومەنتاتورلارى, نەبىر ءدىلمار مەملەكەت, قوعام قايراتكەرلەرىنىڭ ءوزى دە سولاي دەدى. ەشكىم كۇلگەن جوق. قازىر عوي «التىن نايك» كۋبوگى دەپ جۇرگەنىمىز... كۇندەلىكتى الەمدىك جەلىگە كىرىپ تۇراتىن كەز كەلگەن كوزى اشىق جان «Google» ءسوزىن ءبىر-اق اۋىزبەن «گۋگل» دەيدى ەمەس پە؟ ەندەشە ءبىز نەگە سونشاما «saebiz»-گە شۇيلىگىپ قالدىق؟ ءارى بۇل ءبىر ەمەس!..
قازىر قانداي ورتادا باس قوسا قالساق تا ەلدەگى ەڭ باستى وقيعا – لاتىن الىپبيىنە كوشۋ تۋرالى اڭگىمەگە توقتاماي, ارالاسپاي وتپەيتىن حالگە جەتتىك. ول زاڭدى دا. «يا بەل كەتەدى, يا بەلبەۋ كەتەدى» دەگەن عالىم-تىلشىلەرىمىز كۇندىز كۇلكى, تۇندە ۇيقى كورمەي, جاڭا قارىپتى قىزمەتكە قوسۋ ءۇشىن كوز مايىن تاۋىسۋدا. ەل گازەتى – «ەگەمەندە» بارشا قوعام وكىلدەرىنىڭ كۇن سايىن جاريالاپ جاتقان پىكىرلەرى سان-الۋان بولعانىمەن مۇددەنىڭ ءبىر ەكەنى دە ەرەكشە بايقالادى. سوعان قاراماستان كەيبىر اعايىندارىمىزدىڭ اراسىندا لاتىن ەملەسىن جەڭىل كۇلكىگە سالىپ, قىلجاققا اينالدىرىپ جاتقاندارىن وزدەرى دە تۇسىنبەي جۇرگەندەرى بار. وكىنىشتى!
ەندى ەڭ الدىمەن لاتىن ءالفاۆيتىنىڭ الەمدىك ۇستەمدىگىنە وراي ءىستى مەيلىنشە بۇرا تارتىپ, مەملەكەتتىك, ۇلتتىق ناۋقاندى مىسقىلداپ كۇلكىگە اينالدىرعىسى كەلەتىندەردىڭ سۇيكىمسىز ارەكەتتەرىن ساراپتاپ (اnاlysis) الايىقشى. كەيبىر باق-تار اراسىندا باقاداي شۋلاپ جوقتان وزگەنى كەلەمەجدەۋ قازاقستان تاۋەلسىزدىك العان تۇستا, ەلىمىزدىڭ ۇلتتىق رامىزدەرى مەن ءتول تەڭگەسى تۋعاندا, قارۋلى كۇشتەرىمىزدى قۇرعاندا, استانا اۋىسقاندا, قالا اتتارىن وزگەرتكەندە بوي كورسەتكەن! دەمەك, كيريللدەن لاتىنشاعا كوشۋدىڭ ساياسي ءمانى سولاردىڭ قاي-قايسىسىنان دا وسال ءتۇسىپ تۇرعان جوق! كورشى مەملەكەتتەر «سابىزىمىزگە» ءتىل تيگىزسە, ءسوز جوق, سىرتقى ىستەر مينيسترلىگىمىزدەن رەنىش نوتاسىن قابىلدارى داۋسىز. ال ءوزىمىزدىڭ كۇلكىقۇمارلارعا «جەڭىلدىك» بەرىلىپ تۇر. بالكىم, «باس جارىلسا – بورىك ىشىندە, قول سىنسا – جەڭ ىشىندە» شىعار...
ورىس ءتىلدى ەكى ارىپتەسىمنىڭ قىلىقتارى مەن قىزىقتارى ەسىمدە قالىپتى. عالىمجان – قانداي دا ءبىر جاڭالىقتىڭ ناقتىلىعىن انىقتاۋ ءۇشىن جاس جۋرناليستەرگە «وبس ەمەس پە, كوزدەرىڭ جەتىپ تۇر ما؟» دەپ تالاپ قوياتىن. «وبس دەگەن نە؟» دەگەن ساۋالعا ول «ودنا بابا سكازالا...» دەپ سالماقتى عانا جىمياتىن. ناعىز مەكتەپ. ەكىنشىسى – سەرگەي. سول اقكوڭىل جىگىت بىردە «سوعىس تۋرالى وزبەك فيلمىندە سولداتتاردىڭ «اسسالاۋمالەيكۋم, گيتلەر اكا!» دەگەنىن ءوز كوزىممەن كوردىم, ەكى كۇن كۇلدىم دەپ مەنى سەندىرگىسى كەلدى. «مۇمكىن ەمەس, بۇل دەگەن مەنىڭشە – «سالاماتسىز با, گيتلەر اعا!», سەنىڭشە – «زدراۆستۆۋيتە, برات گيتلەر!» دەۋ عوي. سەن ەكەۋمىز كەڭەس مەكتەبىندە وقىدىق, تاربيەسىن الدىق, كەڭەستىك فيلمدە سولاي بولۋى مۇمكىن بە ەدى, ءوزىڭ ايتشى؟» دەيمىن. بىرەۋدەن ەستىگەن انەكدوتى ەكەنى انىق! مويىندامايدى, ءىشىن باسىپ ك ۇلىپ ءجۇردى. كۇلەگەش جىگىت!..
سول ايتقانداي, لاتىن الىپپەسىنە كوشۋ ۇستىندە ءۇيىرىلىپ ءالى تالاي جەلدىڭ سوعاتىنى, تالاي سىبىستىڭ شىعاتىنى داۋسىز! عالىمجان ايتقانداي, «وبس»-عا سەنىپ قالماعاندارىڭىز ابزال! ويتكەنى, «سارى» پاراقتى سايتتىڭ وقىلىمىن ارتتىراتىن ء«سابىز» تەكتەس جاڭالىقتى قازىرگى بۋىن اۆتوبۋستىڭ ىشىندە وتىرىپ-اق, سۋرەتىن قيىپ, وقيعاسىن كەلىستىرىپ, ءانونيمنىڭ (anonymous-اعىلش.) اتىنان «لاقتىرىپ» جىبەرە الادى, سەنىڭىز! ءىت مەن سمارتفوننىڭ ارقاسىندا, ارينە!..
