حالىق سەنىمى قاناتتاندىرعان

تاۋەلسىزدىكپەن بىرگە قاناتىن قا­تايتقان, بۇكىل ءبىر ۇجىمنىڭ ەرتەڭگە دەگەن كوزقاراسىن قالىپتاستىرۋعا ەڭبەگى مەن قاجىر-قايراتىن جۇم­سا­عان ازاماتتار قاتارى بارشىلىق. نارىق اكەلگەن وزگەرىستەرگە وراي سوناۋ جىلدارى ىرگەسى بەرىك ۇجىم­داردىڭ باسىنا دا قيىندىق كەلگەنى بەلگىلى. ىسىنە مىعىم, حالقىنا قام­قور جاندار سول كەزدىڭ وزىندە تۇتاس ۇجىمدى ساقتاپ, بارىن ۇقىپتاۋعا تىرىستى. سولاردىڭ قاتارىندا الا­كول اۋدانىنداعى «توقجايلاۋ» ءون­دىرىستىك كووپەراتيۆى بار ەدى. تىنىم­سىز تىرلىكپەن ءبىردى ەكى ەتىپ, ۇجىم­داعىلاردى قينالتپاعان كووپەراتيۆ توراعاسى الەكسەي ياكوۆلەۆيچ بابي­چەۆ ول كەزدەردى بىلايشا ەسكە تۇسىرەدى. – ول قيىن ۋاقىت ەدى. قولداعى تەحنيكا ەسكى, قارجى تاپشى. بىراق, ەگىستىك جەرىمىز, مالىمىز بار بولاتىن. وعان قوسا ۋاقىتتىڭ تالابىمەن ءون­دىر­گەن ءونىمىمىزدى قايتا وڭدەپ, حالىق­تىڭ يگى­لىگىنە جاراتۋ قاجەت بولدى. مال­دىڭ ءبىرازىن ساتىپ, قۋاتتى ديىرمەن ورناتتىق. ۇن  شىعاردىق. اس اتاسى – نانعا دەگەن سۇرانىستىڭ وسكەندىگىنەن كورشىلەس اۋدان تۇرعىندارى بيدايىن جەتكىزىپ, تارتقىزىپ جاتتى. وسىلاي­شا ءبىز تابىس تاپتىق. سول ساتتە قولداعى سارى مايدى بارناۋىل, پاۆلودار قالالارىنا اپاردىق. قوسالقى بولشەكتەرگە ايىرباستادىق. باردىڭ باعاسىن بىلۋگە ۇيرەندىك. بىرتە-بىرتە ەل ەكونوميكاسى كوتەرىلدى, مەملەكەت تاراپىنان كومەك كەلە باستادى. بۇگىن دە «توقجايلاۋ» كووپەراتيۆى ەگىنى دە, مالى دا جەتكىلىكتى ىرگەلى شارۋاشى­لىق. جايقالعان ەگىنى مەن ءتورت ءتۇ­لىگىن قاتار ءوسىرىپ, جىلدىڭ قاي ماۋ­سى­مىندا بولماسىن ەسەلى ەڭبەك­تەرىمەن تانىلعان. بيىلدىڭ وزىندە 4,5 مىڭ گەكتارعا بيداي, 150 گەكتارعا جۇگەرى, 500 گەكتارعا جوڭىشقا ەگىپ, ونى توكپەي-شاشپاي جيناعان. ماشينا-تراكتور شەبەرحاناسىندا 32 دوڭ­عالاقتى, 13 شىنجىر تاباندى تراكتورلار, 12 كومباين, 25 اۆتوماشي­نانىڭ جارتىسىنا جۋىعى جاڭا. ايتا كەتەرلىگى, مەحانيزاتورلار مەن جۇرگىزۋشىلەر قاتارى جاستاردان جاساقتالعان. جىل سايىن جاستاردى وسى ماماندىقتارعا وقىتىپ, بىلىكتىلىكتەرىن ارتتىرۋعا دەن قويىلعان. كووپەراتيۆ ەسەبىنەن تەحنيكالىق ما­مان­دىق يەلەرى عانا ەمەس, مال ءدارى­گەرى, اگرونوم, تاعى باسقا مامان­داردى وقىتۋ قولعا الىنسا, جوعارى وقۋ ورنىن بىتىرگەننەن كەيىن ولار اۋىلعا ورالىپ, جۇمىسقا  كىرىسەدى. ماماندار باسپانامەن قامتىلادى. كاسىپ­وداق ۇيىمىنىڭ شەشىمىمەن ۇجىم مۇشەلەرى «سارىاعاش», «كە­رىم­اعاش», «كوكتەم» تاعى باسقا ەمدەۋ-ساۋىق­تىرۋ ورىندارىنا تەگىن جولدامامەن جىبەرىلەدى. ەڭبەك وزات­تارىنا ون ءۇشىنشى ەڭبەكاقى تولەۋ, سىياقى بەرۋ ماسەلەسى شەشىلگەن. كووپەراتيۆ جىل سايىن ءوز مۇشەلەرى مەن ەڭبەك ارداگەرلەرىنە 700 توننا استىقتى, مالى­نا ءشوپتى تەگىن ۇلەستىرەدى. مەكتەپ ۇجىمىنا دا قارجىلاي كومەك قول­دارىن سوزادى. جۇمىسشىلارعا قىس­قى كومىر الۋ ءۇشىن جەڭىلدىك جا­سالادى. قازاقتىڭ سالت-ءداستۇرىن,  ءتىلىن بىلەتىن الەكسەي ياكوۆلەۆيچ قاناعات­شىل باسشى. سودان بولار ۇجىمنىڭ تابىسى شالقىپ, جۇمىسى جاندان­عانى. ول عالىمدارمەن بايلانىس ورناتىپ, بيدايدىڭ «كازاحستانسكايا 4», ارپانىڭ «اگرو» جوعارى سورتتى تۇقىمدارىن ءوسىرىپ, ونى دا تابىس كوزىنە اينالدىرىپ وتىر. ارپانى وزگە وڭىرلەردەگى سىرا زاۋىتتارىنا ساۋدالاسا, سورتتى تۇقىمدى كورشىلەس اۋداندارداعى شارۋاشىلىقتار تاپ­سى­رىسپەن الادى. كووپەراتيۆتە 25 مىڭ قوي, 850 باس ءىرى قارا, 800 جىلقى ءوز ءتول ەسەبىنەن ءوسىرىلىپ, ونىمدىلىگى ارتقان. قوي مەن سيىر قولدان ۇرىقتاندىرىلادى. ۇجىمداعى 300 ساۋىن سيىردىڭ ءسۇتىن تالدىقورعانداعى زاۋىتتار جاقسى باعاعا الادى. جىلقى مالىن اسىل­دان­دىرۋ باعىتىندا دا جاقسى جۇ­مىستار جالعاسۋدا. ماسەلەن, قامبار اتانىڭ «نايمان» جىلقىسىنا قى­زىعۋشىلىق باسىم. وتكەن جىلى وسى ت ۇلىكتەن 6 ملن. تەڭگە تازا پايدا ءتۇسىپتى. ال, كووپەراتيۆ بىلتىر ءونىم وندىرۋدەن 241 ملن. تەڭگەدەن استام پايداعا قول جەتكىزگەن. ءيا, اتىنا ىرگەلى ىستەرى ساي ۇجىم­داعى بىرلىك پەن بەرەكە وسىعان نەگىز بولعانداي. كۇمىسجان بايجان. الماتى وبلىسى.