ايتۋلى شاراعا جوعارى وقۋ ورىندارى رەكتورلارى, كورنەكتى عالىمدار قاتىسىپ, «قوزىباەۆ وقۋلارى–2017: قازاقستان جانە ۋاقىتتىڭ زاماناۋي ۇندەسۋلەرى» دەگەن حالىقارالىق عىلىمي-تاجىريبەلىك كونفەرەنتسيا وتكىزدى. ودان ءارى «دەربەس اكادەميالىق جانە باسقارۋشىلىق جاعدايىنداعى زاماناۋي وقۋ ورنىنىڭ سىندارلى ساياساتى» اتتى سەمينارعا, پلەنارلىق وتىرىسقا جالعاستى.
سقمۋ رەكتورىنىڭ مىندەتىن اتقارۋشى سەرىك ومىرباەۆ وز سوزىندە ماناش قوزىباەۆتىڭ ەڭبەكتەرى مەن زەرتتەۋلەرىنە توقتالىپ, قازاق تاريحىنىڭ بەيمالىم سىرلارىن, «اقتاقداقتار بەتتەرىن» اشۋعا قوسقان زور ۇلەسىن, جاس ۇرپاقتى وتانشىلدىققا تاربيەلەيتىن ونەگە-تاعىلىمىن جوعارى باعالادى. تاريح عىلىمىنىڭ دوكتورلارى حانكەلدى ءابجانوۆ, قادىرجان ءابۋوۆ جانە باسقالارى «قوزىباەۆ وقۋلارىنىڭ» تانىمدىق ءرولىن, دارىندى تۇلعانىڭ تاۋەلسىزدىك جىلدارى قازاقستان تاريحىن جاڭاشا زەردەلەۋدە ء ونىمدى ەڭبەك ەتكەنىن اتاپ ءوتتى. جوعارى وقۋ ورىندارىنىڭ دامۋىنا, عىلىمنىڭ وركەندەۋىنە ەلەۋلى ۇلەس قوسقان عالىمدار مەن پروفەسسورلارعا «اكادەميك ماناش قوزىباەۆ» مەدالى تابىس ەتىلدى.
شارا اياسىندا ءبىلىم جانە عىلىم مينيسترلىگىنىڭ وكىلدەرى ءوڭىر پەداگوگتارىمەن كەزدەسىپ, ءبىلىم بەرۋدىڭ جاڭارتىلعان باعدارلاماسىن ءتۇسىندىردى.
پوگودين اتىنداعى ورىس دراما تەاترىندا وتكەن سالتاناتتى مەرەيتويعا ءبىلىم جانە عىلىم ءمينيسترى ەرلان ساعاديەۆ قاتىسىپ, پرەمەر-مينيستر باقىتجان ساعىنتاەۆتىڭ قۇتتىقتاۋ حاتىن وقىپ بەردى. جاڭارۋ مەن جاڭعىرۋ جولىندا بيىك بەلەستەردى باعىندىرعان ۋنيۆەرسيتەت ۇجىمىنا شىعارماشىلىق تابىستار تىلەي كەلىپ, ستۋدەنتتەرگە ساپالى ءبىلىم, سانالى تاربيە بەرۋدە ەرەكشەلەنگەن ءبىر توپ پروفەسسور-وقىتۋشىلاردى «ەڭبەك ارداگەرى» مەدالىمەن, «ى. التىنسارين اتىنداعى», «قازاقستان رەسپۋبليكاسىنىڭ ءبىلىم بەرۋ ءىسىنىڭ قۇرمەتتى قىزمەتكەرى» توسبەلگىلەرىمەن ماراپاتتادى.
جينالعاندارعا ايماق باسشىسى قۇمار اقساقالوۆ جىلى لەبىزىن ارناپ, ەڭسەلى وقۋ ورنىنىڭ ماتەريالدىق-تەحنيكالىق بازاسى نىعايعانىن, بولون پروتسەسىنە, ۋنيۆەرسيتەتتەردىڭ ۇلى حارتياسىنا قوسىلعالى ساپالىق كورسەتكىشتەردىڭ مولايا تۇسكەنىن, الەمدىك ءبىلىم كەڭىستىگىنىڭ ينتەگراتسيالاۋ ۇدەرىسىنە بەت تۇزەگەنىن اتاپ ءوتتى. ۋنيۆەرسيتەت قىزمەتكەرلەرىنە قۇرمەت گراموتالار مەن العىس حاتتار تابىس ەتىلدى. ء بىر كەزدەرى وسىندا بىلگىرلىكپەن باسشىلىق ەتكەن ء ال-فارابي اتىنداعى قازاق ۇلتتىق ۋنيۆەرسيتەنىنىڭ رەكتورى عالىمقايىر مۇتانوۆقا «سولتۇستىك قازاقستان وبلىسىنىڭ قۇرمەتتى ازاماتى» اتاعى بەرىلدى. ءبىر توپ وقىتۋشى احمەت بايتۇرسىنوۆ اتىنداعى وردەنگە, التىن, كۇمىس, قولا مەدالدارعا, جوعارى مەكتەپ ۇلتتىق عىلىم اكادەمياسىنىڭ ماراپاتتارىنا يە بولدى.
عالىمنىڭ جارى سارا قوزىباەۆا ستۋدەنتتەرگە ارنايى شاكىرتاقى تاعايىندادى.
ءومىر ەسقالي.
«ەگەمەن قازاقستان».
سولتۇستىك قازاقستان وبلىسى.
