ءونىم الماسۋ مۇمكىندىگى

تاياۋدا وبلىس ورتالىعىندا ەلى­مىزدىڭ جانە رەسەيلىك كومپانيا­لار­دىڭ قا­تىسۋىمەن «قازاقستان-ءسى­بىر- 2011» حالىقارالىق كورمەسى ءوت­تى. كور­­مەنىڭ وتۋىنە وبلىس اكىم­دى­گى, يندۋستريا جانە جاڭا تەحنولوگيالار مينيسترلىگى قولداۋ كورسەتتى. كورمەگە پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ, ەلىمىزدەگى رەسەي ەلشىلىگىنىڭ كەڭەسشىسى سەرگەي اننەنكوۆ قاتىستى. كورمەدە ەكى ەل كاسىپورىندارى شىعارعان قازىرگى دامۋ كەزەڭدەرىن قامتيتىن جوعارى تەحنولوگيا­لىق ونىمدەر ۇسىنىلدى. بۇل ماڭىزدى شارانىڭ ەكى ەلدىڭ ساۋدا-ەكونو­مي­كالىق بايلانىستارىن نىعايتۋدا الاتىن ورنى زور. اسىرەسە, بۇل پاۆ­لودار سياقتى شەكارالىق وب­لىس ءۇشىن كاسىپورىنداردىڭ بىرلەسىپ جۇمىس جاساۋى ءۇشىن بارلىق جاعىنان ءتيىمدى بولىپ تابىلادى. كاسىپورىندار باسشىلارى كور­مە وتكىزۋ ارقىلى ءوندىرىس سالاسىن دامىتۋعا وراي ءوزارا تاجىريبە الماسۋعا مۇمكىندىك الدى. وسى ءىس-شارا شەڭبەرىندە وتكەن دوڭگەلەك ۇستەلدە پرەمەر-ءمينيستردىڭ ور­ىن­باسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ كورشى ەلدەن تارتىلعان ينۆەستيتسيالار جايىنا توقتالدى. كەدەن وداعىنىڭ قۇرىلۋى ەكى ەلدىڭ قاي سالادا بولماسىن قا­رىم-قاتىناسىن ارتتىرا تۇسكەن. وتكەن جىلى اراداعى تاۋار اينا­لىمى 28 پايىزعا وسكەن كورىنەدى. مۇ­نىڭ ىشىندە جالپى, تاۋار الماسۋ كورسەتكىشتەرىنىڭ تەڭ جار­تى­سى شەك­ارا ماڭىنداعى وڭىرلەرگە تيەسىلى بولىپ وتىر. جىل سوڭىنا دەيىن ەكى ەل اراسىنداعى تاۋار اي­نالىمى 20 ملرد. دوللاردى قۇرا­ماقشى. سو­نى­مەن قاتار, ەرتىس وزە­نى بويى­نداعى وزەن پورتىن دا­مى­تۋ مەن شەكاراعا تاياۋ ورنالاس­قان قازاق­ستاندىق جانە رەسەيلىك ايماق­تار­عا اۋە بايلانىسىن ورناتۋ ءجونىن­دە وبلىس اكىمى باقىتجان سا­عىن­تاەۆ ۇسىنىس جاسادى. كور­مە با­رىسىندا ەكىباستۇز كومىرىن التاي ولكەسىنە جەتكىزۋ تۋرالى ماسەلە دە ءوز شەشىمىن تاپتى. فاريدا بىقاي. پاۆلودار وبلىسى.