قارنىمنىڭ اشقانى ەمەس, قادىرىمنىڭ قاشقانى قينايدى

اڭگىمەنى ءسال ارىدەن قوزعاسام, ماسەلە وسىدان 6 جىل بۇرىن, 8 جىلعا تارتا قاراعاندى وبلىسى شەت اۋدانى اكىمى قىز­مەتىن ات­قارىپ جۇرگەن كەزىمدە سول كەزدەگى وبلىس اكىمى ك.مۇ­حامەدجانوۆ­تىڭ: «كاكىمجان, بۇل جاقتا از ۋا­قىت قىزمەت ىستەگەن جوقسىڭ, قا­را­عاندىعا كەل, پاتەر, ءبىر وبلىس­تىق باسقارماعا باسشى­لىق قىز­مەت بەرەمىن», دەگەنىنەن باستال­دى. وب­لىس اكىمى ۇسىنى­سىن قا­بىل العا­نىممەن, وكىنىشكە وراي, ول ءسو­زىن­دە تۇرمادى, ءۇش ايدان اسا جۇمىس­سىز ءجۇرىپ, ارەڭ دەگەندە, وبلىس­تىق جەر قاتىناس­تارى باسقارماسى باستىعى ور­ىنبا­سا­رى قىزمەتىنە ورنالاس­تىم. وسى مەكەمەدە 6 جىل­عا تارتا ەڭبەك ەتكەندە, 2010 جىلعى 8 قاراشادا باسقارما قىز­مەتكەر­لەرى سانى­نىڭ وزگەرۋىنە, قازاق­ستان ۇكىمە­تىنىڭ «جەرگىلىكتى ات­قارۋشى ورگاندار شتات سانىن بەكىتۋدەگى كەيبىر ماسەلەلەر تۋرا­لى» 2004 جىلعى 15 جەلتوق­سان­داعى №1324 قاۋلىسىنا سايكەس قىزمەتىم قىس­قارتىلدى. وسىعان بايلانىستى 2010 جىلعى 10 قا­راشادا وبلىس اكىمى س.احمەتوۆكە كەلەشەك قىز­مەتىمدى انىق­تاۋعا ىق­پال ەتۋىن سۇراپ, جازباشا ءوتى­نىش جاسادىم. جاۋاپ بولماعان سوڭ, 2011 جىل­دىڭ 11 قاڭتارىندا قابىلداۋىن­دا بولدىم. اكىم مە­نىڭ قىزمە­­­تىمنىڭ قىسقارعانىن ءبىل­­مەگەنىن ايتىپ, قابىلداۋعا قا­تىسىپ وت­ىر­عان اپپارات قىز­مەت­كەرلەرىنە رەنىش ءبىلدىردى, ما­عان دا وسى ۋا­قىتقا دەيىن نەگە كەل­مە­دىڭىز دەدى. شارۋامنىڭ شەشىلەتىنىنە تولىق سەنگەندەي, ءارى قاراي ەش ءسوز ايت­پادىم. بىراق ماسەلە ونىمەن دە شەشىلمەگەندىكتەن, وب­لىس اكى­مى­نە جازباشا حات جولداپ, قابىل­داۋىن ءوتىندىم, تاعى جاۋاپ بول­ما­دى. ودان سوڭ اۋىل شارۋا­شى­لىعى مينيسترلىگىنە قاراستى ءون­دىرىستىك, عىلىمي قۇرىلىمدار باسشىلارىنىڭ قىز­مەتكە ورنالاسۋ ماسەلەسى بويىن­شا ۇستىمىزدەگى جىلدىڭ 13 شىلدەسىندە مينيستر ا.مامىتبەكوۆتىڭ قابىلداۋىندا بولدىم. مينيستر ماعان, ءبىلىم, تاجىريبەمنىڭ مول­دىعىن ايتىپ, بيۋدجەتتىك مەكەمەلەردە جالاقى از, نەگە جەكە شارۋاشىلىق قۇ­رىپ المايسىز دەدى. مەن كۇتپە­گەن جاۋ­اپقا ءىش­تەي رەنىش ءبىلدىرىپ, «ول ءۇشىن مەن ەلىمىزدە جەكەشەلەندىرۋ جۇرگى­زىلگەن جىلداردا اۋىل تۇر­عىن­دا­رى الدىندا رەفورما ما­ڭىز­دى­لىعىن دالەلدەپ, بالالار ءجار­دەم­اقىسى, جالاقى, زەينەت­اقى تولەمدەرىنىڭ كەشىكتىرىلۋىنە باي­لانىستى نارازىلىق بىلدىرۋشىلەر الدىندا جاۋاپكەرشىلىكتى موي­نىما الىپ, ءتۇسىندىرۋ جۇ­مىس­تارىن جۇرگىزىپ باس قاتىر­ماي, قوماقتى مەملەكەت مۇلكىن يەلەنىپ قالۋ جاعىن ويلاۋىم كەرەك ەدى, ەندى كەش, مەنەن كاسىپكەر شىق­­پايدى», دەدىم. اسىلجان سا­رى­باي ۇلى, تۇسىنگەندەي: «ۋادە بەر­­­مەيمىن, ويلانامىن, ءسىز تۋ­را­لى سۇرايمىن, cوسىن قىزمەت ۇسى­نۋىم مۇمكىن», دەدى. بۇل ءاڭ­گى­مە­نىڭ سوڭى دا سوزىلىپ بارادى. ارينە, بۇل جەردە جۇمىس­سىز­دىق بۇگىنگى زاماننىڭ زاڭدى قۇ­بىلىسىنا اينالعالى قاشان, مەم­­­لەكەتتىك قىزمەتكە ورنالا­سۋ­دىڭ ارنايى ءتارتىبى دە بار, بۇل جاعداي جالعىز ءسىزدىڭ باسىڭىزدا عانا ەمەس, سوندىقتان بۇل ءما­سەلەنى وس­ىنشا كۇردەلەندىرۋدىڭ ءمانى نەدە دەگەن سۇراق تۋىنداۋى مۇمكىن. مەملەكەتتىك قىزمەتكە ورنالاسۋ­داعى بۇگىنگى كەلەڭسىز­دىكتەر ولار­دى باستا­رى­نان وتكەر­­گەندەر عانا ەمەس, حا­لىقتىڭ با­سىم بولىگى سەزەتىندەي جاعدايعا جەتتى دەسەك, ەش قا­تە­لەسپەيتىن سياقتىمىز. مەنىڭ جۇ­مىسسىزدىق جاعداي­ىم­دى شەشۋدەگى وسىنداي كوزق­ا­راس­تى دا مەملەكەتتىك قىز­مەت­كەرلەر قۇ­قى­عىن قورعاۋ ءما­سەلەسىندەگى ەن­جار­لىق­قا جاتقىز­عىم كەلەدى. بۇ­عان ءدا­لەل, 20 جىل­دان استام مەملەكەتتىك قىزمەت ءوتى­لىم بار, سونى­مەن قاتار, قىز­مە­تىمنەن ءوز ەركىممەن, زاڭ بۇزۋ­شى­لىق ءىس-ارەكەت­تەر­دەن نەمەسە مىندەتتەرىمدى اتقارا الماۋدان بوسا­تىلعانىم جوق. دەمەك, بۇل جاع­داي مەنىڭ بۇعان دەيىن قىزمەت اتقارعان اكىمشىلىك-ايماقتىق مەم­لەكەتتىك بيلىك ور­گاندارىنان ءتيىستى قىزمەت تالاپ ەتۋىمە دە ءمۇم­كىندىك بەرەتىن سياق­تى. اسىل تۇ­قىمدى مالدى شەتەلدەردەن تا­سىمالدايتىن نەمەسە ەلى­مىزدە ستراتەگيالىق ماڭىزدى بيداي ءون­ىمدىلىگىن ناقتى انىقتاي الماي­تىن جاعدايعا جەتكەن ءبۇ­گىنگىدەي كەزەڭدە ءبىلىمى, قابىلەتى, ءتاجىري­بە­سى مول مامانداردى, ءالى دە با­عىت-باعدارى ناقتىلانا قوي­ما­عان اۋىل شارۋاشىلىعى سالا­سىن­­دا پايدالانۋ مەملەكەتىمىز ءۇشىن دە ءتيىمدى بولماس پا ەدى... كاكىمجان سارحانوۆ, اۋىل شارۋاشىلىعى عىلىمدارىنىڭ كانديداتى. قاراعاندى.