– قۇرمەتتى ارداگەرلەر, سىزدەر مەملەكەتىمىز بەن پرەزيدەنتىمىز نۇرسۇلتان ءابىش ۇلى نازارباەۆتىڭ ساياساتى ەڭ الدىمەن الەۋمەتتىك سۇراقتاردى شەشۋگە باعىتتالعانىن جاقسى بىلەسىزدەر. قازاقستاندى دامىتۋعا, تاۋەلسىز مەملەكەتتىڭ قالىپتاسۋى ءۇشىن تەر توككەن ارداگەرلەرگە قامقور بولۋ – باستى باسىمدىقتاردىڭ ءبىرى بولىپ ەسەپتەلەدى. قازاقستاننىڭ بۇگىندە جەمىستى دامۋى – اعا ۇرپاقتىڭ قالاعان مىقتى ىرگەتاسىنىڭ ناتيجەسى. ءبىز سىزدەردىڭ الدارىڭىزدا بورىشتارمىز. مەملەكەت باسشىسى ايتقانداي سىزدەر – قازاقستاننىڭ التىن قورىسىزدار. سىزدەردىڭ اقىلدارىڭىز, دانالىقتارىڭىز بەن ومىرلىك تاجىريبەلەرىڭىز جاس ۇرپاقتى تاربيەلەۋگە جۇمسالۋى قاجەت. وبلىس باسشىلىعى اتىنان قولداۋلارىڭىز بەن ۇلكەن قوعامدىق جۇمىستارىڭىز ءۇشىن العىس ايتامىن, سىزدەرگە دەنساۋلىق, ۇزاق عۇمىر تىلەيمىن! وتباستارىڭىز امان بولسىن! – دەدى بەردىبەك ساپارباەۆ.
سالتاناتتى شاراعا جۇزگە تارتا اقتوبەلىك قاريا شاقىرىلدى. ولار ءۇشىن كونتسەرتتىك باعدارلاما ازىرلەنىپ, ارداگەرلەر مەن زەينەتكەرلەر وزدەرىنىڭ سۇيىكتى اندەرىن كاسىبي شىعارماشىلىق ۇجىم مەن ارتىستەردىڭ ورىنداۋىندا تىڭداي الدى.
مەرەكەلىك شارادا وبلىستىق ارداگەرلەر كەڭەسىنىڭ توراعاسى ءبىرمانوۆ كەڭەس بايمۇحان ۇلى, ەڭبەك ارداگەرلەرى, اقتوبە وبلىسىنىڭ قۇرمەتتى ازاماتتارى – بەركىمباەۆ سماتوللا مولداش ۇلى مەن ساپار ساعىنتاەۆ, سونىمەن قاتار, ەڭبەك ارداگەرى دۋليا نيكولاي ەمەليانوۆيچ تە ءسوز الدى. ولار وبلىس باسشىلىعىنا ءوڭىردىڭ قارت تۇرعىندارىنا كوڭىل ءبولىپ, ۇنەمى كومەك كورسەتىپ وتىراتىندارى ءۇشىن العىستارىن ءبىلدىردى.
اقتوبە وبلىسىندا جاسىنا بايلانىستى 88 مىڭ زەينەتكەر بولسا, ولاردىڭ ىشىندە 90 – ۇلى وتان سوعىسىنىڭ ارداگەرى جانە 7 مىڭنان استامى – تىلدا ەڭبەك ەتكەندەر.
سوعىس ارداگەرلەرىنىڭ بارلىعى باسپانامەن قامتىلعان. وسى جىلى ۇوس جەڭىس كۇنىنە وراي 9 مىڭنان استام سوعىس جانە ەڭبەك ارداگەرلەرىنە 287 ملن تەڭگە كولەمىندە ماتەريالدىق كومەك بەرىلگەن بولاتىن, ال قارتتار كۇنىنە وراي 20 مىڭنان استام قارياعا 110 ملن. تەڭگە كولەمىندە ماتەريالدىق جانە قايىرىمدىلىق كومەك كورسەتىلەدى.
تەمىر قۇسايىن,
«ەگەمەن قازاقستان»
