جول ءجىتى باقىلانادى

بيىل 9 ايدا  وبلىس اۋماعىندا 228 جول-كولىك وقيعا­سى ورىن العان. سونىڭ سالدارىنان 41 ادام ءجانتاسىلىم ەتىپ, 283 ادام ءتۇرلى دەنە جاراقاتىن العان.  ولاردىڭ اراسىندا ىشىمدىك ءىشىپ الىپ, شامادان تىس جىلدام­دىقپەن كولىك ايداۋشىلار بارشىلىق. مىنە, وسىنداي  كەلەڭسىزدىكتەردى بولدىرماۋ ماقساتىمەن  وبلىس ورتالى­عىندا  اۆتوكولىكتەردىڭ ءجۇرۋ  جىلدام­دىعى مولشەرىن انىقتاۋعا ارنالعان ءۇش قۇرىلعى ورناتىلدى. ولار جەرگىلىكتى بيۋدجەت قاراجاتىنا ساتىپ الىندى. مير-پيونەر, جامبىل-ءتاشتيتوۆ كوشەلەرىنىڭ قيىلىسى مەن ياۆلەنكا تاس جولى بويىندا قويىلعان قوندىر­عىلاردىڭ جۇمى­سىمەن وبلىس اكىمى سەرىك ءبىلالوۆ تانىستى. جاڭا جوبانىڭ ەنگىزىلۋى جول قوزعالىسىن ءجىتى باقىلاۋدى دا, جول پوليتسەيلەرىنىڭ جۇمىسىن دا ەداۋىر جەڭىلدەتتى. ەندى  قوندىرعىنىڭ «كوزىنە تۇسكەن» كولىك يەسى ايىپپۇل تولەۋگە, بولماسا قۇجاتىنان ايرىلۋعا ءماجبۇر.  كولىك  سۋرەتكە ءتۇسىرىلىپ,  كومپيۋتەر ارقىلى وڭدەلىپ, جول پوليتسياسىنىڭ ورتالى­عىنا جولدانادى. وندا كولىكتىڭ ءنومىرى, يەسى, جول ەرە­جە­سىنىڭ  بۇزىلۋ سەبەبى, ايىپپۇل مولشەرى زاماتتا انىق­تا­لا­­دى.  قوندىر­عىلار قوندىرىلعاننان بەرى 780 جول ءجۇ­رۋ ەرەجەسى تىركەلىپ, 5 ميلليون تەڭگە ايىپپۇل سالىنعان. ءومىر ەسقالي. سولتۇستىك قازاقستان وبلىسى.