2017 جىلدىڭ 22 قىركۇيەگىندە قازاقستان رەسپۋبليكاسى مەن رەسەي فەدەراتسياسى سىرتقى ىستەر مينيسترلىكتەرىنىڭ وكىلدەرى اراسىندا راتيفيكاتسيالاۋ تۋرالى گراموتالارمەن الماسۋ ءراسىمىنىڭ قورىتىندىسى بويىنشا 2016 جىلعى 4 قازاندا استانا قالاسىندا قول قويىلعان قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى 1996 جىلعى 18 قازانداعى تەمىرجول كولىگىنىڭ كاسىپورىندارى, مەكەمەلەرى مەن ۇيىمدارىنىڭ قىزمەتىن قۇقىقتىق رەتتەۋدىڭ ەرەكشەلىكتەرى تۋرالى كەلىسىمگە وزگەرتۋلەر ەنگىزۋ جونڭندەگى حاتتاما كۇشىنە ەنگىزىلدى.
وسىعان وراي, قازاقستاندىق جولاۋشىلار پويىزى رەسەي فەدەراتسياسى اۋماعىندا توقتاۋسىز جۇرگەن جاعدايدا جايساڭ – يلەتسك – شىڭعىرلاۋ شەكارا ماڭى ۋچاسكەسىندە شەكارالىق تەكسەرۋدىڭ بارلىق تۇرلەرىنەن بوساتىلادى. بۇل جول ءجۇرۋدىڭ ۋاقىتىن ەداۋىر قىسقارتادى.
2017 جىلعى 26 قىركۇيەكتە استانا-ورال جانە الماتى-ورال باعىتى بويىنشا «تۇلپار-تالگو» جولاۋشى تاسىمالداۋشى پويىزى ىسكە قوسىلاتىن بولادى.
№ 49/50 «الماتى-ورال» جانە № 95/96 «استانا-ورال» باعىتىنداعى «تۇلپار-تالگو» جولاۋشى تاسىمالداۋشى پويىزىنىڭ جول ءجۇرۋ ۋاقىتى وسى باعىتتا جۇرەتىن باسقا پويىزدارمەن سالىستىرعاندا 22 جانە 13 ساعاتقا از.
پويىز قۇرامىندا جولاۋشىلارعا بارلىق قولايلى جاعدايلار جاسالعان جانە مۇمكىندىگى شەكتەۋلى ازاماتتارعا ارنايى ۆاگوندار قاراستىرىلعان.
