زەينەتاقى اننۋيتەتى تالاپتارىن جاقسارتۋعا باعىتتالعان زاڭ جوباسى تانىستىرىلدى

پارلامەنت ءماجىلىسىنىڭ الە­ۋ­مەت­تىك-مادەني دامۋ كوميتەتىنىڭ ۇيىمداس­تى­رۋىمەن «زەينەتاقى اننۋيتەتتەرى: ءمۇم­كىندىكتەرى مەن تاۋەكەلى» دەگەن تاقى­رىپتا «قازاقستان رەسپۋبلي­كا­سىنىڭ كەي­بىر زاڭنامالىق اكتىلەرىنە الەۋمەت­تىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋ­لار ەنگىزۋ تۋ­رالى» زاڭ جوباسىنىڭ تانىس­تى­رىلىمى ءوتتى. زاڭ جوباسى بويىنشا مەملەكەتتىك اننۋيتەتتىك كومپانيا توراعاسى نۇرجان اليمۇحانبەتوۆ بايانداما جاسادى. مەملەكەتتىك اننۋيتەتتىك كومپانيا (ماك) 2004 جىلى ۇكىمەت قاۋلىسىمەن ساقتاندىرۋ رى­نو­گىن دا­مىتۋ جانە رەسپۋبليكاداعى الەۋمەتتىك رەفورما­لار­دى ودان ءارى تەرەڭدەتۋ باعدار­لا­ما­لارىن ناتيجەلى جۇزەگە اسىرۋ ماقساتىندا قۇ­رىلعان ەدى. اكتسيا پاكەتتەرىن تولىقتاي باسقارۋ ەڭبەك جانە حالىقتى الەۋمەتتىك قورعاۋ مينيستر­لىگىنىڭ قۇزىرەتىندە. كوم­پانيانىڭ ساقتاندىرۋ اگەنتتىكتەرىنىڭ جەلىسى كوپ, قازاقستاننىڭ 25 قالاسىندا كەڭسەلەرى بار. قازىر ماك قازاق­ستاندا ءومىردى ساقتاندىرۋ بويىنشا كومپانيالار اراسىندا بىرنەشە قارجىلىق كورسەت­كىش­تەرى بويىنشا كوشباسشى بولىپ كەلەدى. «مەملەكەتتىك اننۋيتەتتىك كومپانيا» ءومىردى ساقتاندىرۋ كومپانياسى» زەينەتاقى اننۋيتەتى تا­لاپتارىن جاقسارتۋعا باعىتتالعان بىرنەشە ءوز­گەرتۋ­لەر ەنگىزۋدى ۇسىنعان. اسىرەسە, زەينەتكەرلىككە شىعۋ كەزىندە جىنىستىق جاس ەرەكشەلىگىن ەسكەرە وتىرىپ, ايەلدەر ءۇشىن زەينەتاقى اننۋيتەتىن الۋعا جاس ەرەكشەلىك شەكتەۋىن 5 جىلعا تومەندەتۋ, تابال­دىرىعىن 50 جاس دەپ بەلگىلەۋ جۇرتشىلىق نازارىن اۋدارۋدا. سونىمەن قاتار, ازاماتتارعا بىرنەشە ساق­تاندىرۋ ۇيىمدارىمەن زەينەتاقى اننۋيتەت كەلى­سىم-شارتىن جاساسۋ جانە زەينەتاقى جيناعى جەتكىلىكسىز بولعان جاعدايدا, اننۋيتەتتى ساتىپ الۋعا جەتپەي تۇرعان قارجىنى وزگە قارجى كوزدەرىنەن قوسىمشا تولەۋ مۇمكىندىگى قاراستىرىلعان. ەندى ماك جاڭا ءونىم – بىرلەسكەن (ەرلى-زايىپتى) زەي­نەت­اقى اننۋيتەتىن ازىرلەۋ ۇستىندە. زەينەتاقى اننۋيتەتى – قازاقستاندىقتاردىڭ زەي­نەتاقى جيناقتارىنىڭ الۋ جولىن تاڭداۋ قۇقىعىن جۇزەگە اسىراتىن جيناقتاۋشى زەينەت­اقى جۇيەسىنىڭ بولىگى. زەينەتاقى اننۋيتەتi شارتى بو­يىنشا جيناقتاۋشى زەينەتاقى قور­لارى­نىڭ سا­لىم­شىلارى ساقتاندىرۋ كومپا­نيا­سىنا مىندەتتى زەينەتاقى جيناقتارىن اۋدارۋ جولىمەن 55 جاس­تان زەينەتاقى تولەمدەرىن ءومiر بويى الا الادى. «ەگەر قاراستىرىلىپ وتىرعان وزگەرتۋلەردى پار­لامەنتشىلەر قولداسا, وندا زەينەتاقى اننۋيتەتتەرى حالىقتىڭ كوپتەگەن بولىگىنە قولايلى بولادى», – دەيدى ماك توراعاسى. وسى ۇسى­نىس­تار زاڭ جوباسىنىڭ تانىستىرىلىمى كەزىندە ور­تاعا تاستالدى. بايانداماشىنى مۇقيات تىڭدا­عان ءما­جىلىس دەپۋتاتتارى گ.سەيىتماعانبەتوۆا, م.ايسينا, ءو.بەكتورەەۆ, گ.يسىمباەۆا, ۆ.كيانسكي, و.كيكولەنكو, ە.تاراسەنكو زاڭ جوباسىنا ۇسىنىس ەنگىزۋشىلەرگە حالىقتىڭ كوكەيىندە جۇرگەن سۇ­راق­تاردى قويدى, دەپ حابارلادى ءماجىلىستىڭ ءباسپاسوز قىزمەتى.