كەدەندىك كوميسسيا مەن نوتاريات جۇمىسى زاڭنامالىق تۇرعىدان جەتىلدىرىلدى

كەشە سەنات توراعاسى قايرات ءماميدىڭ توراعالىق ەتۋىمەن پالاتانىڭ كەزەكتى جالپى وتىرىسى بولىپ ءوتتى. بۇل جولعى وتىرىستىڭ كۇن تارتىبىندە دەپۋتاتتار كەدەن وداعى كوميسسياسى مەن نوتاريات ماسەلەلەرىنە قاتىستى زاڭدىق قۇجاتتاردى قارادى. الدىمەن دەپۋتاتتارعا «2007 جىلعى 6 قازانداعى كەدەن وداعى­نىڭ كوميسسياسى تۋرالى شارتقا وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسىن سىرت­قى ىستەر ءمينيسترىنىڭ ورىن­با­سارى قايرات سارىباي تانىس­تىر­دى. 2007 جىلى دۋشانبە قا­لاسىندا ەۋرازيالىق ەكونو­مي­كا­لىق قوعامداستىقتىڭ (ەۋرازەق) مەملەكەتارالىق كەڭەسىنىڭ وتى­رى­سى بارىسىندا ەۋرازەق-قا ءمۇ­شە مەملەكەتتەر باسشىلارى كەدەن وداعى كوميسسياسى تۋرالى شارتقا قول قويسا, اراعا ءۇش جىل سالىپ, كوميسسيا جۇ­مى­سىنىڭ  تيىمدىلىگىن ارتتىرۋ ماق­سا­تىندا اتال­عان شارتقا وزگە­رىس­تەر مەن تو­لىقتىرۋلاردى قاراس­تى­راتىن حاتتاما  ومىرگە كەلگەن ەدى. حاتتامادا كەدەن وداعى كو­ميس­سياسىنىڭ شەشىمى  30 كۇن ءىشىن­دە كۇشىنە ەنەتىنى كوزدەلگەن-ءتىن. سونىمەن بىرگە, كەزەك كۇتتىر­مەي­تىن جاعدايلار ءۇشىن باسقا مەر­زىمگە اۋىستىرۋ دا قاراس­تى­رىلعان ەدى. كوميسسياعا جەكەلەگەن ماسەلەلەر بويىنشا كەدەن وداعىنا مۇشە مەملەكەتتەردىڭ ۇسى­نىستارىن قاراۋ جانە ۇستا­نىمدارىمەن كەلىسۋ, سونداي-اق كوميسسياعا ءتيىستى ۇسىنىستاردى ازىرلەۋ ءۇشىن ۇيلەستىرۋشى جانە كەڭەسۋشى ورگاندار قۇرۋدا  كومەك بەرۋ دە كوزدەلگەن. بۇگىنگى تاڭدا كەدەن وداعى اياسىندا  كەڭەسۋشى جانە كومەك بەرۋشى ورگاندار جۇ­مىس اتقارۋدا. سىرتقى ساۋدانى رەتتەۋ ماسەلەسى بويىنشا تەح­ني­كا­لىق رەتتەۋ, سانيتارلىق, ۆەتە­ري­نارلىق, فيتوسانيتارلىق شا­را­لاردى قولدانۋ جونىندەگى ءۇي­لەس­تىرۋشى كوميتەت قىزمەت جا­سايدى. سەنات دەپۋتاتتارى زاڭ جو­باسىن ءبىراۋىزدان قولداپ, قا­بىلدادى. كۇن تارتىبىندە ەكىنشى قارال­عان ماسەلە «نوتاريات تۋرالى» قا­زاقستان رەسپۋبليكاسىنىڭ زا­ڭى­نا وزگەرىستەر مەن تولىق­تى­رۋ­لار ەنگىزۋ تۋرالى» زاڭ جوباسى بولدى. ول بويىنشا باياندامانى ادىلەت ءمينيسترى راشيد ءتۇسىپ­بە­كوۆ جاسادى. مينيستر زاڭ جوباسى نوتاريات سالاسىنداعى مەملەكەتتىك رەتتەۋدى جەتىلدىرۋ جانە دە سىبايلاس جەمقورلىق جاعداي تۋعىزاتىن نورمالاردى الىپ تاستاۋ ماقساتىندا ازىرلەنگەندىگىن جەتكىزدى. نوتارياتتاردىڭ سانىنا شەكتەۋ قويۋ جويىلادى. ال بۇل ليتسەنزياسى جانە مول تاجىريبەسى بار 2 مىڭنان استام ادامدى جۇ­مىسقا الدىرىپ وتىر. قازىرگى ۋاقىتتا نوتارياتتىققا كانديدات ادامعا كىرۋ جارناسى 1-دەن 3 ميلليون تەڭگەگە دەيىنگى كولەمدە بەلگىلەنىپ وتىر.  سونداي-اق, كادرلىق رەزەرۆ تۋرالى ەرەجەنى جانە بوس تۇرعان نوتاريۋس قىزمەتىنە ورنا­لا­سۋعا كونكۋرس وتكىزۋدى جويۋ, نو­تا­رياتتىق قىزمەتتىڭ ۇيىمداس­تى­رى­لۋىن, نوتارياتتىق كەڭسەلەر­دىڭ ءۇي-جايلارىنا قويىلاتىن تالاپتار بەلگىلەنۋىن رەگلامەنتتەۋ جانە دە قۇقىقتىق جانە تەحني­كا­لىق سيپاتتا كورسەتىلگەن قىزمەت­تەر اقىسىن ناقتى بەلگىلەۋ قاراس­تىرىلعان. جوبا بويىنشا دەپۋتاتتار قوي­عان ساۋالدارعا ر.تۇسىپبەكوۆ پەن ونىڭ ورىنباسارى ءا.امانباەۆ جاۋاپ بەردى. ءمينيستردىڭ ورىن­با­سا­رى سەناتور ق.بايماحانوۆتىڭ سۇ­را­عىنا وراي جاۋابىندا نوتا­ريات­تىق كەڭسەلەردىڭ قۇجاتتارى قازىرگى كەزدە كەلىسىم-شارت نەگىزىندە مەملەكەتتىك مۇراعاتقا تا­بىستالىپ جاتقاندىعىن جەتكىزدى. قازىرگى تاڭدا مۇنداي شارالار ال­ماتى, قىزىلوردا جانە سول­تۇستىك قازاقستان وبلىستارىندا جۇزەگە اسا باستاعان. ال س.جال­ما­عامبەتوۆا ساۋالىنا قاتىستى مينيستر جەكە نوتارياتتىق كەڭ­سە­لەرگە ەلتاڭبانى قولدانۋ بوي­ىن­شا رۇقسات ەتىلگەندىگىن العا تارتتى. وسىلايشا تالقىلاۋ با­رىسىندا زاڭ جوباسىنا 30-دان استام وزگە­رىس­تەر ەنگىزىلدى. سوڭىنان «نوتاريات تۋرالى» قازاقستان رەسپۋبليكاسى­نىڭ زاڭىنا ءوز­گەرىس­تەر مەن تو­لىق­تىرۋلار ەنگىزۋ تۋرالى» زاڭ جوباسى  ماجىلىسكە جىبەرىلدى. اسقار تۇراپباي ۇلى.