جاڭعىرتۋ باعدارلاماسى جايباراقاتتىقتى كوتەرمەيدى

كەشە وبلىسقا   پرەمەر-ءمينيستردىڭ ءبىرىنشى ورىنباسارى ومىرزاق شوكەەۆ  جۇمىس بابىمەن كەلدى. ول ساپار بارىسىندا قالالىقتاردىڭ تۇرعىن ءۇي جاعدايىن جاقسارتۋ ماقساتىندا سالىنىپ جاتقان جانە پايدالانۋعا بەرىلگەن نىسانداردا بولدى. وبلىس ورتالىعىنداعى  تۇرعىن ءۇي-كوممۋنالدىق شارۋاشىلىعىن جاڭعىرتۋ باعدارلاماسىنىڭ جۇزەگە اسۋ بارىسىمەن تانىستى. ۇكىمەتتىك دەلەگاتسيا الدىمەن  تۇرعىن ءۇي قۇرىلىس جيناق  ءجۇي­ە­س­ى ارقىلى رەسپۋبليكالىق بيۋد­جەت قارجىسىنا «بولاشاق» شا­عىن اۋدانىندا سالىنىپ جاتقان  ۇيلەرمەن تانىستى. 168 پاتەرلى تۇرعىن ءۇيدىڭ ءبىر شارشى مەترى 90 مىڭ تەڭگە تۇرادى. قۇرىلىستى ارالاپ كورگەن ءو.شوكەەۆتىڭ جۇ­مىس­تىڭ قارقىنى مەن ساپاسىنا كوڭىلى تولدى. وسى جەردە وڭىردەگى تۇرعىن ءۇي قۇرىلىسى جايىندا وبلىس اكىمىنىڭ ورىنباسارى ەرحان وماروۆ تولىق مالىمەت بەردى. پرەمەر-ءمينيستردىڭ ءبىرىنشى ورىن­باسارى جاقىندا عانا پاي­دالانۋعا بەرىلگەن 72 پاتەرلى كوممۋنالدىق  تۇرعىن ۇيگە دە كىرىپ, قانشالىقتى ساپالى سالىن­عانىنا كوز جەتكىزدى. ءو.شوكەەۆ وسى جەردە  كوممۋ­نال­دىق شارۋاشىلىقتا قولدانى­لاتىن يننوۆاتسيالىق تەحنولوگيالار كورمەسىمەن تانىستى. وبلىس اكىمى ارحيمەد مۇحامبەتوۆ وسى سالادا تابىستى جۇمىس ىستەپ جۇرگەن كورمەگە قاتىسۋشىلاردى تانىستىردى.  كورمەدە «اكۆاتوريا اقتوبە» جشس ونەركاسىپتىك جانە سۋ جۇيەسىنىڭ قىسىمىن ارت­تىرۋعا ارنالعان «گريۋنلفۋس» ناسوس ستانساسىنىڭ,  جىلۋ جۇيەسىن رەتتەيتىن «بلوۆەر-اۋديت»  قون­دىر­عىسىنىڭ تۇساۋى كەسىلدى. ءبىرىنشى ۆيتسە-پرەمەر سونداي-اق, تۇر­عىن ءۇي-كوممۋنالدىق شارۋا­شى­لىعىن جاڭعىرتۋ باعدارلاما­سى اياسىندا قايتا جاراقتان­دا­رىل­عان       ۇيلەردە دە بولدى. جۇ­مىس ساپاسىنا ريزا بولعان ءو.ءشو­كەەۆ تۇرعىندارمەن كەزدەسىپ, باع­دارلاماعا قاتىستى وي-پىكىر­لە­رىمەن ءبولىستى. جاڭعىرتۋدىڭ يگىلىگىن كورگەن تۇرعىندار وسى باع­دارلامانىڭ باستاماشىسى ەلبا­سى نۇرسۇلتان نازارباەۆقا شەكسىز العىستارىن ءبىلدىردى. «نۇر وتان» حدپ وبلىستىق في­ليالىندا وبلىستار مەن قا­لا­لار اكىمدەرىنىڭ ورىنباسار­لا­رىنىڭ قاتىسۋىمەن وتكەن كەڭەستى  ومىرزاق شوكەەۆ ءوزى اشىپ,  بۇدان بىلاي قاناتقاقتى باعدارلامانى جۇزەگە اسىرۋدا جايباراقاتتىققا سالىنۋعا جول بەرىلمەيتىنىن قا­داپ ايتتى. اسىرەسە, باعدارلا­ما­نى جۇزەگە اسىرۋدا سىلبىرلىققا جول بەرىپ وتىرعان وڭىرلەر سىنعا الىندى. باعدارلامانى جۇزەگە اسىرۋدا  اقتوبە وبلىسىنىڭ كوش باستاپ كەلە جاتقانى ايتىلدى. كەڭەستە سول سياقتى  قۇرىلىس جانە تۇرعىن ءۇي-كوممۋنالدىق شا­رۋاشىلىعى  اگەنتتىگىنىڭ ءتور­اعا­سى سەرىك نوكين 2012-2020 جىلدارعا ارنالعان تۇرعىن ءۇي-كوممۋنالدىق شارۋاشىلىعى باع­دار­لاماسىن جۇزەگە اسىرۋ بارىسى تۋرالى باياندادى. ساتىبالدى ءساۋىرباي, اقتوبە وبلىسى.