يۋسكو: لوگيستيكالىق جاڭا ورتالىق ساپالى ءارى ءتيىمدى قىزمەت كورسەتپەك

قانداي سالادا بولسىن كاسىبي شەبەرلىك پەن ىسكەرلىك جانە جي­ناقتالعان مول تاجىريبە اۋقىمدى تابىستارعا ءسوزسىز قول جەتكىزەتىندىگى كوپشىلىككە بەلگىلى. وسى ورايدا «يۋسكو لوگيستيكس ينتەرنەشنل» كومپانياسىنىڭ بۇل با­­عىتتاعى ءساتتى قادامدارى تۋرالى ەرەكشە اتاپ ايتۋ قاجەت. ەڭ الدىمەن, «يۋسكو لوگيستيكس ينتەرنەشنل» كومپانياسى قازاقستان رەسپۋبليكاسى اۋماعىنداعى لو­گيس­­­­تيكالىق قىزمەت كورسەتەتىن تاجىريبەلى وپەراتور بولىپ ەسەپتەلەتىندىگى كوپ نارسەدەن حابار بەرسە كەرەك. جاقىندا «يۋسكو لوگيستيكس ينتەرنەشنل» كوپشىلىككە وتە ءتيىمدى جوبانىڭ تۇساۋكەسەرىن وتكىز­دى. انىعىراق ايتقاندا, وتكەن اپ­تانىڭ جۇما كۇنى الماتى وبلى­سىنىڭ تالعار اۋدانىنداعى «جا­ڭا­لىق» اۋىلىندا جاڭا لوگيس­تيكالىق ورتالىقتىڭ اشىلۋى سال­تاناتتى تۇردە ءوتتى. جاڭا كەشەن قۇرىلىسىنىڭ اشىلۋ سال­تاناتىندا ءسوز العان «يۋسكو لوگيستيكس ينتەرنەشنل» كومپانيا­سى باسقارماسىنىڭ توراعاسى, دوكتور چان يان بەنگ «بۇگىنگى كۇننىڭ جوعارى تالابىنا ساي, ساپالى جاب­دىقتارمەن جابدىقتالعان لو­گيستيكالىق كەشەننىڭ ەل ەكونو­ميكاسىن ودان ءارى ارتتىرۋعا ىق­پال ەتەتىندىگىن» اتاپ ايتتى. قا­زاقستان نارىعىنداعى العاشقى لوگيستيكالىق وپەراتور «يۋسكو-نىڭ» بۇل جوباسى وڭتۇستىك كورەيا­داعى «مماا» اتتى ءىرى حالىق­ارالىق ينۆەستور, اسكەري ءوزارا كومەك اسسوتسياتسياسىمەن بىرلەسىپ جۇزەگە اسىرىلىپ وتىر. لوگيستيكا جانە قويما سالا­سىنىڭ باسشىلارىنىڭ پىكىرىنشە, حالىقارالىق ينۆەستوردىڭ بۇل جوباعا مۇددەلىلىك تانىتۋىنىڭ ەڭ باستى سەبەبى, قازاقستاندا لو­گيستيكالىق يندۋستريانىڭ دا­مۋى­نىڭ كەلەشەگىنە تىكەلەي قا­تىستى. سونىمەن قاتار, رەسپۋب­لي­كانىڭ گەوگرافيالىق جاعىنان ورنالاسۋ قولايلىلىعى, كولىكتىك-ترانزيتتىك مول قۋاتى, مەملە­كەت­تىڭ كەدەن وداعىنا ەنۋى مەن بو­لاشاقتا بۇكىلالەمدىك ساۋدا ۇيى­مىنا مۇشەلىككە وتۋىنە دە تىعىز بايلانىستى. الماتى وبلىسىندا ءوز تۇتىنۋشىلارىنا ەسىگىن ايقارا اشقان جاڭا لوگيستيكالىق كەشەن­نىڭ ەڭ باستى ەرەكشەلىگى – ورتالىق ءوز تۇتىنۋشىلارىنا لوگيستيكا­لىق جانە قويما قىزمەتتەرىنىڭ بارلىق تۇرلەرىن, اتاپ ايتقاندا, «يۋسكو ينتەرنەشنل» قويماعا جەتكىزىلگەن تاۋاردى قابىلداۋدان باستاپ, ۋاقىتشا قويمادا ساقتاۋ ونى كەدەندىك راسىمدەۋ, ەسەپكە الۋ جانە تۇگەندەۋ سياقتى باسقا دا لوگيس­تيكالىق وپەراتسيالاردى ۇق­ىپ­تى ءارى تياناقتى تۇردە اتقارادى. كومپانيانىڭ نەگىزگى تۇتى­نۋ­شىلارى بولىپ ەسەپتەلىنەتىن «Nes­tle», «Kimberly-Clark» پەن «Proc­ter&Gamble» جانە دە باسقا حالىق­ارالىق كومپانيالارمەن ءبىر­نەشە جىل جۇمىس ىستەي وتىرا «يۋسكو ينتەرنەشل» ءوز قىزمە­تىندە قويما­لاردا تاۋاردى ساقتاۋ­دىڭ حالىق­ارا­لىق ستاندارتتارىن ەنگىزىپ قانا قويعان جوق. سونىمەن قاتار, بۇل كومپانيا, حالىقارالىق اۋديت ءناتي­جەلەرى بويىنشا جوعا­رى دەڭگەيگە قول جەتكىزىپ, مەملەكەتتىك ورگان­دار­دىڭ كەپىلدىك سىي­لىعىن دا يەلەندى. قاينار اۋىلدىق وكرۋگىنە قا­رايتىن «جاڭالىق» اۋىلىنداعى جاڭا لوگيستيكالىق كەشەن جيىر­ما گەكتار الاڭعا ورنالاسقان. ال, جۇك­تەردى قابىلدايتىن قويما­لار­دىڭ جالپى كولەمى 32000 شارشى مەتردى قۇرايدى. قويماداعى ورىن­دار ار­نا­يى تەمپەراتۋرادا جىلى­تى­­لاتىن ءۇش ءتۇرلى بلوك­تان تۇرا­دى. وعان جۇك­تەردى ار­نايى ساق­تايتىن نەگىزگى اۋماق­تان باسقا تاۋار­لاردى ۋا­قىت­شا ساق­تايتىن قويما (3200 شار­شى مەتر) مەن اشىق الاڭ (7920 شار­شى مەتر) جانە كەدەندىك قوي­ما دا (1000 شارشى مەتر) ەنەدى. ارينە, مۇنىڭ بارلىعى ورتالىق­تىڭ ءوز تۇتىنۋشىلارىنا كورسە­تە­تىن قىز­مەت­تەرىنىڭ ساپالى ءارى ءتيىمدى بولا­تىندىعىنىڭ ايقىن اي­عاعى ەكەندىگى ايتپاسا دا تۇسىنىكتى. لوگيستيكالىق ورتالىقتىڭ تۇ­ساۋكەسەرىندە ءسوز العان ءوڭتۇس­تىك­كورەيالىق ينۆەستور «مماا» وكى­لى مۋن دجوم سۋ, كەشەننىڭ قۇ­رىلىس جۇمىستارىن جۇرگىزگەن باس مەردىگەر «Samsung Enineering» كومپا­نياسىنىڭ باسقارۋشى دي­رەك­تورى لي حان سوپ, الماتى وبلىسى اكى­مىنىڭ ورىنباسارى ساكەن جىلقاي­داروۆ جانە «يۋسكو لوگيستيك ينتەرنەشنل»-ءدىڭ پرەزيدەنتى ناز­گۇل وسپانوۆا جاڭا جوبانىڭ مەملەكەتىمىزدە كولىكتىك-لوگيستيكالىق كلاستەرىنىڭ ودان ءارى دامۋىنا جول اشاتىندىعىن تىلگە تيەك ەتتى. تاعى ءبىر ايتا كەتەتىن ءجايت, كومپا­نيا­نىڭ جاقسى جابدىقتالعان قويما عيماراتتارى الماتى قالاسىندا عانا ەمەس, استانا مەن اتىراۋ قا­لالارىندا دا بار. جالپى اۋماعى 60 مىڭ شار­شى مەترگە جەتەتىن بۇل كەشەندەر تۇتىنۋشىلاردىڭ جوعا­رى تالا­بى­نان شىعۋدا. ولاردىڭ ارا­­سىندا وتاندىق كومپانيالارمەن قاتار, حالىقارالىق كومپانيالار دا بار. 250-دەي جۇمىس ور­نى­مەن قامتاماسىز ەتەتىن بۇل جو­با­نىڭ بولاشاقتا تالعار اۋدانىنىڭ الەۋ­مەتتىك سالاسىنا دا قوسار ۇلەسى زور دەسەك بولادى. باقىت بالعارينا, الماتى.