فوتو: ەرلان وماروۆ
«يسلام الەمىندەگى ماڭىزدى عىلىمي-ەكونوميكالىق ماسەلەلەردى شەشۋ ءۇشىن G20 فورۋمى سياقتى بىزگە دە بەيرەسمي توپ قۇراتىن كەز كەلدى دەپ ويلايمىن. يسلام ۇيىمىنىڭ الدىڭعى قاتارلى ون بەس مەملەكەتى بىرىگىپ, ونى OIC15 دەپ اتاساق دۇرىس بولار ەدى. يسلام ۇممەتىنە عىلىم مەن تەحنيكالار سالاسىن دا دامىتۋ ماسەلەسى وتە ماڭىزدى بولىپ وتىر. وسىعان وراي الدىڭعى قاتارلى باتىس ەلدەرىمەن تۇراقتى ءارى جەمىستى بايلانىستار ورناتۋ قاجەت. ولارمەن ءوزارا بايلانىستا بولۋىمىز ءتۇبى يسلام ەلدەرىنىڭ ىلگەرىلەۋىنە پايداسىن تيگىزەتىنى انىق», - دەدى پرەزيدەنت.
نۇرسۇلتان نازارباەۆ يسلام الەمى مەن باتىستىڭ اشىق ديالوگىنا جول اشاتىن باسقوسۋلاردىڭ ءجيى وتكەنىن ءجون دەپ سانايتىنىن اتاپ ءوتتى.
«مەنىڭشە, عاسىرلار بويى قالىپتاسقان تۇسىنبەستىك تۋدىراتىن ستەرەوتيپتىك كوزقاراستاردان باس تارتۋىمىز كەرەك. ءبىز كوپ ۇلتتى جانە كونفەسسيالى قوعامدا دىنارالىق كەلىسىمدى ساقتاۋدىڭ قازاقستاندىق تاجىريبەسىمەن بولىسۋگە ءازىرمىز», - دەدى مەملەكەت باسشىسى.
