ىقپالداستىق تۇرعىسىنداعى تىڭ قادامدار

قازاقستان پرەمەر-ءمينيسترى كارىم ءماسىموۆ رەسەي فە­دە­راتسياسىنىڭ سانكت-پەتەربۋرگ قالاسىنا جۇمىس ساپارىمەن باردى. ساپار بارىسىندا پرەمەر-مينيستر تاۋەلسىز مەملەكەتتەر دوستاستىعى ۇكىمەت باسشىلارى كەڭەسى, ەۋرازيا­لىق ەكو­نوميكالىق قوعامداستىقتىڭ مەملەكەتارالىق كە­ڭە­سى جانە كەدەن وداعى جوعارى ورگانىنىڭ وتىرىستارىنا قاتىسادى. تمد ۇبك وتىرىستارىندا ەركىن ساۋدا اۋماعى تۋرالى جاڭا كەلىسىم-شارتتى, 2020 جىلعا دەيىنگى تمد ەكونو­مي­كالىق دامۋ ستراتەگياسىنىڭ ەكىنشى كەزەڭىن (2012-2015 جىلدار) ىسكە اسىرۋ بويىنشا ءىس-شارالار جوسپارىن ازىرلەۋ ماسەلەلەرى تالقىلانادى. ۇكىمەت باسشىلارى رەسەي, قازاقستان جانە بەلارۋس ەلدەرى اراسىندا ءبىرتۇتاس ەكونوميكالىق كەڭىستىك قالىپ­تاس­تىراتىن حالىقارالىق كەلىسىم-شارتتاردىڭ كۇشىنە ەنۋى ماسەلەلەرىن, سونداي-اق ەۋرازيالىق ەكونوميكالىق وداقتى قالىپتاستىرۋ تۋرالى دەكلاراتسيا جوباسىن جانە كەدەن وداعىنىڭ كوميسسياسى تۋرالى كەلىسىم-شارتتىڭ جاڭا رەداكتسياسىن تالقىلايدى. قازاقستاننىڭ پرەمەر-ءمينيسترى كارىم ءماسىموۆ رەسەي فەدەراتسياسىنا جۇمىس ساپارى شەڭبەرىندە سانكت-پەتەربۋرگ­تە بەلارۋس رەسپۋبليكاسىنىڭ ۇكىمەت باسشىسى ميحايل مياسنيكوۆيچپەن كەزدەستى. اڭگىمە بارىسىندا تاراپتار تمد جانە كەدەن وداعى اياسىنداعى ەكىجاقتى ىنتىماقتاستىق ماسەلەلەرىن قوزعادى. سونداي-اق كارىم ءماسىموۆ قىرعىزستان پرەمەر-مينيس­ترى­نىڭ مىندەتىن اتقارۋشى ومىربەك بابانوۆپەن دە كەزدەستى. اڭگىمە بارىسىندا تاۋەلسىز مەملەكەتتەر دوستاستىعى اياسىندا ساۋدا-ەكونوميكالىق ىنتىماقتاستىق سالاسىنداعى ەكىجاقتى قارىم-قاتىناستى دامىتۋ ماسەلەلەرى تالقىلاندى.