قاراعاندى وبلىسىنىڭ تىلدەردى دامىتۋ باسقارماسى بيىل يگى شارانى وبلىس ورتالىعىنداعى قاسىم ەسكەرتكىشىنىڭ الدىندا ۇيىمداستىردى. ءداستۇرلى بايگەدە وبلىستىڭ قازاق جانە ورىس تىلدەرىندە جىر جازاتىن اقىندارى باق سىنادى. مۇشايراعا 18 بەن 40 جاس ارالىعىنداعى بارلىعى 23 ۇمىتكەر ولەڭ ۇسىنعان بولاتىن. ونىڭ ىشىندە ەكى شىعارما ورىس تىلىندە جازىلعان. بايقاۋ شارتى بويىنشا ۇمىتكەرلەر قاسىم امانجولوۆقا جانە ەركىن تاقىرىپقا ارنالعان ەكى ولەڭنەن تاپسىردى. ءمۇشايرا قورىتىندىسىندا باس جۇلدە وبلىستىق «ورتالىق قازاقستان» گازەتىنىڭ ءبولىم مەڭگەرۋشىسى, «سەرت» كىتابىنىڭ اۆتورى, جاس اقىن جانىبەك اليمانعا بۇيىردى. ءبىرىنشى ورىندى دا وبلىستىق «ورتالىق قازاقستان» گازەتىنىڭ اعا ءتىلشىسى ر.قابيدولدين السا, ەكىنشى جۇلدە ج.شالقار مەن ن.كرامەرعا ءبولىنىپ بەرىلدى. ال ءۇشىنشى ورىنعا ا.قۇماي, ا.وراي, ب.نوعايباي ۇلى لايىقتى دەپ تانىلدى. ءمۇشايرا جەڭىمپازدارى ديپلومدار جانە اقشالاي سىيلىقتارمەن ماراپاتتالدى.
ءىس-شارا «رۋحاني جاڭعىرۋ» باعدارلاماسىنىڭ «تۋعان جەر» جوباسىنىڭ اياسىندا جانە الاش قوزعالىسىنىڭ 100 جىلدىعىنا وراي ءوتتى.
ميراس اسان,
«ەگەمەن قازاقستان»
قاراعاندى وبلىسى
