ەلىمىزدىڭ ينۆەستيتسيا جانە دامۋ مينيسترلىگى, «اتامەكەن» قر ۇلتتىق كاسىپكەرلەر پالاتاسى, سونىمەن قاتار ۇلتتىق پالاتانىڭ ەنشىلەس ۇيىمى قازاقستاننىڭ سىتقى ساۋدا پالاتاسى مۇرىندىق بولعان القالى جيىنعا شاراعا ەكى مەملەكەتتىڭ ءىرى كومپانيالارىنىڭ باسشىلارى, بيزنەستىڭ 450-گە تارتا وكىلى قاتىسقانىن اتاپ وتكەن ءجون.
حالىقارالىق بيزنەس-فورۋمدا ءسوز سويلەگەن قازاقستان پرەزيدەنتى بۇل شارانىڭ پولشا پرەزيدەنتىنىڭ ەلىمىزگە ساپارىنىڭ اياسىندا وتكىزىلىپ وتىرعانىن ايتتى. سونىمەن قاتار, ەلباسى قازاقستاندا پولشا كاسىپكەرلەرىنە جۇمىس ىستەۋگە بارىنشا قولايلى جاعداي جاسالىپ وتىرعانىنا توقتالدى.
– قازاقستانداعى پولشا ازاماتتارى ۆيزالىق تالاپتاردان بوساتىلعان. پولشا تاراپى دا وسىنداي شەشىم قابىلداعانىن قالايمىز. وزدەرىڭىز بىلەتىندەي, قازاقستان ەۋرازيانىڭ جۇرەگىندە ورنالاسقان, ۇلى جىبەك جولىنىڭ ماڭىزدى بولىگى بولىپ تابىلادى. سول سەبەپتى قىتاي حالىق رەسپۋبليكاسىنىڭ يدەياسىن ء(«بىر جول - ءبىر بەلدەۋ» - اۆت.) قولدادىق. وعان قوسىلىپ قانا قويماي, ۇلى جىبەك جولىن كەڭىنەن دامىتۋعا ات سالىستىق. قىتاي شەكاراسىنان كاسپي تەڭىزىنە دەيىن اۆتوبان سالدىق. رەسەي ارقىلى ەۋروپاعا شىعاتىن تەمىرجول جەلىسى تاعى بار. بۇدان بولەك, وڭتۇستىككە قاراي باراتىن تەمىرجول توسەلدى. ونىمەن يران ارقىلى پارسى شىعاناعىنا شىعۋعا مۇمكىندىك بار. اتالعان باعىتتاردى قىتايلىق ارىپتەستەرىمىز دە ەمىن-ەركىن پايدالانا الادى. ال پولشا بولسا ەۋروپانىڭ كىندىگىندە ورنالاسقان. ياعني, ءبىزدىڭ گەوگرافيالىق ورنالاسۋ جاعدايىمىز بىردەي. ءبىز ءوزارا ىنتىماقتاستىقتى دامىتۋىمىز كەرەك,– دەدى ەلباسى.
ارنۇر اسقار,
«ەگەمەن قازاقستان»
