تىزىمدە ەڭ سۇرانىسقا يە بوس جۇمىس ورىندارىنىڭ ىشىندە – جۋشىلار, جيناۋشىلار, مۇعالىمدەر, مەدبيكەلەر, ەلەكتريكتەر, سلەسار-سانتەحنيكتەر, ساتۋشىلار, اسپازشىلار بار.
ەلوردانىڭ مىڭداعان جۇمىس بەرۋشىلەرى وزدەرىنە ەڭبەككەرلەر ىزدەۋدە. استانا اكىمدىگىنىڭ مالىمەتىنشە, قاڭتار-تامىز قورتىندىسى بويىنشا جۇمىسپەن قامتۋ ورتالىعىنا جۇگىنگەندەردىڭ ىشىندە جۇمىسقا ورنالاسقاندار 71,1% قۇرايدى. جۇمىس ىزدەۋشىلەر سانى 11536 ادام, ەڭبەكپەن قامتىلدى – 8204 ادام (8072 تۇراقتى جۇمىسقا, 512 ۋاقىتشا, 695 جاستار تاجىريبەسى بويىنشا, 186 ادام الەۋمەتتىك جۇمىس ورىندارىنا جانە 1739 قوعامدىق جۇمىسقا).
جالپى ەلوردا جۇمىسىزدىق دەڭگەيىنىڭ تومەندىگى جاعىنان الدىڭعى ورىنداردا بولۋدى جالعاستىرۋدا. بۇل كورسەتكىش رەسپۋبليكالىقتان 0,4%-عا تومەن. 2017 جىلدىڭ ەكىنشى توقسانىندا قالادا جۇمىسسىزدىق دەڭگەيى 4,5%-دى قۇرايدى (جوسپار بويىنشا - 4,7%). جاستار اراسىنداعى جۇمىسسىزدىق (15-28 جاس ارالىعىندا) – 4,5% (جوسپار بويىنشا – 4,7%), ايەلدەر جۇمىسسىزدىعى – 4,6%, (جوسپار بويىنشا 4,9%)
بۇدان بولەك, وسى جىلى جۇمىسسىزداردى ەڭبەكپەن قامتۋ ماقساتىندا توعىز بوس جۇمىس ورىندارىنىڭ جارمەڭكەسى ۇيىمداستىرىلدى. سونىمەن قاتار تۇرعىندارمەن الەۋمەتتىك جەلىلەر ارقىلى جۇمىستار جۇرگىزىلۋدە (Facebook, Twitter, ۆكونتاكتە, Instagram), «CZ Astana» موبيلدىك قوسىمشاسى قۇراستىرىلىپ, جۇمىس ىستەۋدە. وندا بوس جۇمىس ورىندارىن ىزدەۋ, كاسىبي بىلىكتىلىكتى تەستىلەۋ قولجەتىمدى.
