«سامۇرىق-قازىنا» اق 2017 جىلى 24 تامىزدا استانا قالاسىندا وتكەن «جاس وركەن» تاعىلىمداما باعدارلاماسىنىڭ اقتىق سايىسىنىڭ قورىتىندىسىن شىعاردى. الدىڭعى ءۇش ىرىكتەۋ كەزەڭىنەن ءساتتى وتكەن 28 ۇمىتكەردىڭ جيىرماسى باعدارلاماعا قاتىساتىن بولدى. جەڭىمپازداردىڭ ەسىمى بايقاۋ كوميسسياسىنىڭ ۇمىتكەرلەرمەن وتكەن پانەلدىك سۇحباتى ناتيجەسىندە انىقتالدى.
كوميسسيا قۇرامىنا «سامۇرىق-قازىنا» اق مەن قوردىڭ كومپانيالار توبىن باسقارۋشى ديرەكتورلار, «جاس وركەن» باعدارلاماسىنىڭ جوبالىق كومانداسىنىڭ قىزمەتكەرلەرى جانە تاۋەلسىز باقىلاۋشىلار كىردى. باعدارلامانىڭ https://www.skcu.kz/zhasorken/ سايتى مەن الەۋمەتتىك جەلىلەردە بايقاۋدىڭ سوڭعى كەزەڭىنىڭ ونلاين-كورسەتىلىمى بولدى.
«جاس وركەن» تاعىلىمداما باعدارلاماسىنىڭ ماقساتى – جاستاردى ىنتالاندىرۋ. وسى جوبانىڭ ارقاسىندا ءبىز جەكە دامۋ جوسپارى بويىنشا باعدارلامانىڭ ءار قاتىسۋشىسىنىڭ قىزمەت جولىندا وسۋىنە جاعداي جاسايمىز. اقتىق بايقاۋعا ەڭ مىقتى ۇمىتكەرلەر ىرىكتەلدى. ولار بۇعان دەيىن ءىرى بايقاۋلارعا, قازاقستاندىق جانە شەتەلدىك جوعارى وقۋ ورىندارىنداعى ءساتتى اكادەميالىق جوبالاردى ىسكە اسىرۋعا قاتىسقان. سونداي-اق, ولار وليمپيادا جەڭىمپازدارى جانە بۇدان باسقا دا جەتىستىكتەرى جەتەرلىك. ءبىز قاتىسۋشىلاردى ءبىلىمىن عانا ەمەس, جان-جاقتى باعالادىق. سوڭعى كەزەڭدە قاتىسۋشىلاردىڭ ۋاجدەمەسى مەن قۇندىلىقتارىن سىناپ, ولاردىڭ توپ باستاۋعا قانشالىقتى لايىقتى بولاشاق كوشباسشى جانە شەبەر ەكەنى, جاڭا دۇنيەنى ەنگىزۋگە جانە دارىنى مەن ءبىلىمىن قوعام پايداسى ءۇشىن قولدانۋعا قانشالىقتى قابىلەتتى ەكەنىن انىقتادىق», - دەپ اتاپ ءوتتى «سامۇرىق-قازىنا» اق ادام رەسۋرستارى مەن كوممۋنيكاتسيالاردى باسقارۋ جونىندەگى باسقارۋشى ديرەكتورى ۇلان تاجىباەۆ.
«جاس وركەن» باعدارلاماسىنىڭ تاعىلىمگەرلەرى «سامۇرىق-قازىنا» كورپوراتيۆتىك ۋنيۆەرسيتەتىندە جانە ماسكەۋ قالاسىنداعى Deloitte ءبىلىم ورتالىعىندا وقۋ وقىپ, سودان سوڭ قازاقستاننىڭ ۇلتتىق كومپانيالارى - «قازمۇنايگاز» ۇك اق, «قازاقستان تەمىر جولى» ۇك اق, «قازاتومپروم» ۇاك» اق, «تاۋ-كەن سامۇرىق» ۇتكك اق, «قازاقتەلەكوم» اق, «قازاقستان ينجينيرينگ» ۇك» اق, «بىرىككەن حيميالىق كومپانيا» جشس, «ەير استانا» اق, «قازپوشتا» اق جانە «سامۇرىق-ەنەرگو» اق كومپانيالارىندا تاعىلىمدامادان وتۋگە جولداما الادى. وقۋ باعدارلاماسى 3 اپتاعا, تاعىلىمداما 20 ايعا جالعاسادى, تاعىلىمگەرلەر 5 اي سايىن «سامۇرىق-قازىنا» كومپانيالار توبىنىڭ ءارتۇرلى كاسىپورنىنا اۋىسىپ وتىرادى. تاعىلىمدامانىڭ باسىنان اياعىنا دەيىن ولارعا شاكىرتاقى, جولاقى جانە كۇن كورىس شىعىندارى تولەنەدى.
2017 جىلى ساۋىردە «سامۇرىق-قازىنا» اق جوعارى وقۋ ورىندارىنىڭ تۇلەكتەرى اراسىندا ەكى جىلدىق «جاس وركەن» باعدارلاماسىنا قاتىسۋعا بايقاۋ جاريالاعانىن ەستەرىڭىزگە سالامىز, قوردىڭ باستاماسىمەن اشىلعان بۇل باعدارلاما دارىندى جاستاردى تارتۋ, ىرىكتەۋ, تاعىلىمدامادان وتكىزۋ, وقىتۋ جانە جەتىلدىرۋگە ارنالادى. بايقاۋعا باكالاۆريات جانە ماگيستراتۋرا باعدارلامالارى بويىنشا 2017 جىلى جوعارى وقۋ ورنىن بىتىرەتىن تۇلەكتەر شاقىرىلدى.
«جاس وركەن» تاعىلىمداما باعدارلاماسىنا قاتىسۋعا جوعارى وقۋ ورىندارى تۇلەكتەرىنەن وتىنىشتەردى قابىلداۋ 2017 جىلعى 3 ءساۋىر مەن 3 شىلدە ارالىعىندا ءوتتى. ءتورت كەزەڭنەن تۇراتىن بايقاۋعا قازاقستاندىق جانە شەتەلدىك 55 جوعارى وقۋ ورنىنان - قازاقستاندىق 21 ۋنيۆەرسيتەتتەن, تمد ەلدەرىنىڭ 11 ۋنيۆەرسيتەتىنەن, ەۋروپانىڭ 13 (سونىڭ ىشىندە التاۋى ۇلىبريتانيادان), ازيانىڭ 9, اقش پەن اۆستراليانىڭ ءبىر-ءبىر ۋنيۆەرسيتەتىنەن تۇلەكتەر ءوتىنىش بەردى.
العاشقى ءۇش ىرىكتەۋ كەزەڭى 5 شىلدەدەن 18 تامىزعا دەيىن الماتى, استانا, اقتوبە, وسكەمەن جانە شىمكەنت قالالارىندا ءوتتى. ىرىكتەۋ كەزەڭدەرىنە ۋاجدەمەلىك ەسسە جازۋ, ىسكەرلىك داعدىلاردى باعالاۋعا ارنالعان تاپسىرمالاردى ورىنداۋ, ۆەربالدى جانە ساندىق سىناقتامالاردى شەشۋ, بيزنەس-كەيستەردى ورىنداۋ بويىنشا توپتىق تاپسىرمالار, بيزنەس-تاپسىرمالاردى قاتىسۋشىلاردىڭ دەربەس شەشۋى جانە قۇزىرەتتىلىكتەر بويىنشا جەكە سۇحباتتار كىردى. ۇمىتكەرلەردى ارنايى شاقىرتىلعان باقىلاۋشىلار - «قازمۇنايگاز» ۇك اق, «قازاقتەلەكوم» اق, «قازپوشتا» اق, «سامۇرىق-ەنەرگو» اق, «قتج» اق جانە «ەير استانا» اق كومپانيالارىنىڭ وكىلدەرى باعالادى.
