ءوڭىردىڭ وندىرىستىك سەكتورىن جانە ەكونوميكاسىن دامىتۋدى ماقسات ەتكەن اتالمىش ايماق الىپ ءوندىرىس الاڭىنا اينالىپ كەلەدى. بۇگىندە مۇندا 16 جوبا ىسكە اسىپ, 1144 جۇمىس ورنى اشىلعان. ارنايى ەكونوميكالىق ايماق ينۆەستيتسيالىق جوبالاردى جۇزەگە اسىرۋ ءۇشىن ينۆەستورلارعا كوپتەگەن پرەفەرەنتسيالار كوزدەلگەندىكتەن كاسىپتى وركەندەتۋگە ەڭ تارتىمدى ورىن ەكەندىگىن دالەلدەۋدە.
قازاقستان رەسپۋبليكاسىنىڭ كونستيتۋتسياسى كۇنىنە وراي ايماقتا تاعى ءبىر جاڭالىقتىڭ تۇساۋى كەسىلدى. بۇل جولعى ىسكە قوسىلعان نىسان – مەملەكەتتىك ۇدەمەلى يندۋستريالىق-يننوۆاتسيالىق دامۋ باعدارلاماسىن ىسكە اسىرۋ ماقساتىندا جۇزەگە اسىرىلعان تەمىر-بەتون ونىمدەرىن شىعاراتىن زاۋىت.
جوبا قازىرگى تاڭدا قۇرىق پورتىنا قاجەتتى ءونىمدى دايىنداۋمەن اينالىساتىن جانە پورتتىڭ باس مەردىگەرى بولىپ تابىلاتىن «QSM Precast Concrete Aktau» كومپانياسى مەن «نايزا قۇرىلىس» جشس-مەن جاساسقان شارت نەگىزىندە جۇزەگە اسىرىلىپ وتىر.
– «قازاقسەلماش كورپوراتسياسى» كومپانياسىن زاۋىتتىڭ اشىلۋىمەن شىن جۇرەكتەن قۇتتىقتايمىن. بۇگىنگى تاڭدا باستى ماسەلە جاڭا جۇمىس ورىندارىن اشۋ جانە حالىقتى جۇمىسپەن قامتۋ. زاۋىت اۋماعىندا 200 جۇمىس ورنىن اشۋ كوزدەلگەن. جوبانىڭ قۋاتتىلىعى تاۋلىگىنە 150 دانا تەتراپود شىعارۋ. ءونىمدى دايىنداۋعا نەگىزگى شيكىزات رەتىندە ايماقتاعى وتە كوپ قۇم, تسەمەنت, قيىرشاق تاس جانە ارماتۋرا پايدالانىلادى. جوباعا 768 ملن تەڭگە ينۆەستيتسيا تارتىلادى. ولكەمىزدە وسىنداي كاسىپورىندار اشىلىپ جاتقانى قۋانتادى. زاۋىتتىڭ ۇجىمىنا تابىس تىلەيمىن, – دەدى زاۋىتتىڭ اشىلۋ سالتاناتىندا ماڭعىستاۋ وبلىسىنىڭ اكىمى ەرالى توعجانوۆ.
QSM كورپوراتسياسى باسقارماسى توراعاسىنىڭ ورىنباسارى ع.وسپانقۇلوۆتىڭ ايتۋىنشا, كومپانيا وندىرىستە بەتوننىڭ باعاسىن ارزانداتاتىن جاڭا تەحنولوگيا قولدانادى. بۇل باسەكەلەستىك الاڭىنداعى كومپانيانىڭ وزىندىك ەرەكشەلىگىنىڭ ءبىرى بولىپ تابىلادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
