سۋرەتتى تۇسىرگەن ەرلان ومار,
بۇگىن, ياعني 4 قىركۇيەك كۇنى كورمە قالاشىعىنداعى ۇلتتىق ساحنادا ءتورت بىردەي كونتسەرت ۇيىمداستىرىلادى. ساعات 10.00-دە مۇناي ساراپشى-ەلدەرى ۇيىمدارىنىڭ (وپەك), 12.00-دە تۋۆالۋ مەملەكەتىنىڭ, 15.00-دە يتاليانىڭ, ال 18.00-دە قازاقستاندىق «دارا» توبىنىڭ مادەني باعدارلامالارى قويىلادى. ال 21.30-دا امفيتەاتردا «استانا» راديوسى ازىرلەگەن كونتسەرت بەرىلەدى.
5 قىركۇيەك كۇنى ساعات 10.00-دە سفەرا جانىنداعى ساحنادا الەمدىك مۇناي كەڭەسى كۇنىنە ارنالعان كونتسەرت وتەدى. ءدال وسى جەردە ساعات 15.00-دە وزبەكستاننىڭ ۇلتتىق كۇنى مەرەكەلەنەدى. ساعات 14.00-دەن 16.00-گە دەيىن ارگەنتينالىقتار وزدەرىنىڭ بيلەرى جانە مۋزىكاسىمەن كورمەنىڭ ماف-2 ارت-نىسانىندا كورەرمەندەرىنىڭ كوزايىمىنا اينالادى.
6 قىركۇيەك كۇنگى وقيعالار ساعات 11.00-دە بىرىككەن اراب امىرلىكتەرىنىڭ ۇلتتىق كۇنى مەرەكەسىمەن باستالادى. كەشكى ساعات 21.30-دا قاراعاندى وبلىسىنىڭ مادەني كۇندەرى اياسىندا كونتسەرتتىك باعدارلاما كورسەتىلەدى.
7 قىركۇيەك كۇنى ساعات 11.00-دە پولشانىڭ ۇلتتىق كۇنىنە وراي وسى ەلدىڭ ۇلتتىق شەرۋى ۇيىمداستىرىلماق. ال ساعات 17.00-دەن باستاپ 18.00-گە دەيىن شىعارماشىلىق ەنەرگيا اۋماعىندا ءۇندىستان پاۆيلونىنىڭ ۇيىمداستىرۋىمەن يوگا ساباقتارى وتەدى.
8 قىركۇيەك كۇنى ساعات 11.00-دە رەسەي فەدەراتسياسى ۇلتتىق شەرۋىن جۇرتشىلىق نازارىنا ۇسىنادى. ساعات 16.00-دەن 19.00-گە دەيىن سۋ اۋماعىندا پلاز ەلدەرىنىڭ (جىبەك جولى, افريكا, تىنىق مۇحيتى, لاتىن امەريكاسى, مىسىر) شىعارماشىلىق ۇجىمدارى ونەر كورسەتەدى.
9 قىركۇيەك كۇنى ۇلتتىق كۇن ساحناسىندا سوڭعى كونتسەرتتىك باعدارلامالاردىڭ ءبىرىن كورمەنىڭ حالىقارالىق بيۋروسى ۇيىمداستىرادى. 10 قىركۇيەك كۇنى كونگرەسس-ورتالىقتا كورمەنىڭ رەسمي جابىلۋ سالتاناتى ءوتىپ, كونتسەرتتىك ءبولىمى امفيتەاتردا جالعاسادى.
اسحات رايقۇل,
"ەگەمەن قازاقستان"
