دوستىعىمىز بەرىك, تۇراقتىلىعىمىز تۇعىرلى

مەملەكەت باسشىسىنىڭ اتىنا وڭتۇستىك قازاقستان وبلىسى, تولە بي اۋداندىق تۇرىك ەتنومادەني بىرلەستىگىنىڭ توراعاسى مۋحتازيم تايروۆتان حات كەلدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. اۆتور حاتىندا سوناۋ 30­-­ جىل­داردا ساياسي قۋعىن-سۇرگىنگە ۇشىراعان تالاي ۇلتتىڭ با­لا­سىن باۋىرىنا باسىپ, ءبىر ءۇزىم نا­نىن ءبولىپ بەرىپ, ولاردى اجال­دان امان الىپ قالعان, قي­ىن-قىستاۋ كەزەڭدە پانا بولعان كەڭپەيىل قازاق حالقىنا العى­سىن ايتادى. ودان ءارى حاتتا بىلاي دەلىنگەن: «ەشكىمدى جاتسىنبايتىن قا­زاق حالقى ۇلتارالىق قارىم-قاتىناسقا وڭ ىقپال ەتىپ, ادام­داردىڭ ءوزارا سىيلاستىعى مەن ىنتىماعىن جاراستىرا ءتۇستى. مۇ­نىڭ ناتيجەسى ەلىمىزدىڭ بۇگىنگى ومىرىنەن ايقىن سەزىلەدى. ءسىزدىڭ ساليقالى ساياساتىڭىزدىڭ ارقا­سىن­دا بىرلىگى جاراسىم تاپ­قان قازاق ەلىندە قانشاما ەتنوس تاۋەلسىزدىكتىڭ تۋىن جەلبىرەتىپ, ءبىر ءۇيدىڭ بالاسىنداي, بەس ساۋ­ساق­تىڭ سالاسىنداي جاقسى ءومىر سۇرۋدە. ءسىزدىڭ باستاماڭىزبەن قۇ­رىلعان قازاقستان حالقى اس­سام­بلەياسى وتانداستارىمىز ارا­سىن­داعى تاتۋلىقتى نىعايتۋعا, قا­زاق­ستاندىق قوعامدى ورتاق ماق­سات­قا ۇيىستىرۋعا, ۇلتارالىق كەلىسىمدى بەكەمدەۋگە باعىت­تال­عان ينستيتۋتقا اينالدى. اسسام­بلەيا­نىڭ جەمىستى جۇمىسىنىڭ ءناتي­جە­سىندە دوستىعىمىز بەرىك, تۇ­راقتىلىعىمىز تۇعىرلى, ىن­تى­ماعىمىز جاراستى ەلگە اي­نالدىق. ءوزىم تۇراتىن وڭتۇستىك قا­زاقستان وبلىسىنىڭ, تولە بي اۋدانىندا 40-تان استام ەتنوس بەيبىت ءومىر ءسۇرىپ كەلەدى. اۋداندا تۇرىك, سلاۆيان, نەمىس, وزبەك, كورەي, كۇرد ەتنومادەني بىرلەستىكتەرى جۇمىس ىستەيدى. ولاردىڭ انا ءتىلىن, مادەنيەتىن ساقتاۋعا جانە جاڭعىرتۋعا بارلىق جاع­داي جاسالعان». حات يەسى ودان ءارى پرە­زي­دەنت­تىڭ باسشىلىعىمەن ەلىمىز زور جەتىستىكتەرگە جەتكەنىن ايتا كەلىپ, ەلباسىنا زور دەنساۋلىق, تو­لايىم تابىس جانە باق-بەرەكە تىلەيدى.