كەزدەسۋ بارىسىندا ساۋدا-ەكونوميكالىق, قۇقىقتىق, مادەني-گۋمانيتارلىق سالالاردا, سونداي-اق كولىك, ترانزيت جانە ازاماتتىق اۆياتسيا سالالارىنداعى ەكىجاقتى ىنتىماقتاستىقتى نىعايتۋ ماسەلەلەرى تالقىلاندى.
ايتا كەتۋ كەرەك, ۇلىبريتانيا قازاقستانعا سالىنعان تىكەلەي ينۆەستيتسيالار كولەمى بويىنشا 6-ورىندا (12,27 ملرد دوللار) جانە ءوزارا ساۋدا كولەمى بويىنشا 14-ورىندا تۇر.
2017 جىلدىڭ ءبىرىنشى جارتىجىلدىعىندا ءوزارا ساۋدا كولەمى 647,4 ملن اقش دوللارىن قۇراعان, بۇل وتكەن جىلدىڭ كورسەتكىشىنەن 16%-عا جوعارى (543,6 ملن دوللار). 2016 جىلدىڭ قورىتىندىسى بويىنشا ءوزارا ساۋدا كولەمى 1,26 ملرد دوللارعا جەتكەن.
قازاقستاندا بريتاندىق ۇلەستىڭ قاتىسۋىمەن 800-دەن استام زاڭدى تۇلعا, بولىمشەلەر مەن وكىلدىكتەر تىركەلگەن. 2005 جىلدان باستاپ 2017 جىلدىڭ 1-توقسانى ارالىعىندا ۇلىبريتانيادان قازاقستانعا كەلىپ تۇسكەن تىكەلەي ينۆەستيتسيالاردىڭ جالپى ءتۇسىمى 12 278,2 ملرد اقش دوللارىن قۇرادى.
