ءان الەمىنىڭ قوس ارۋى

ەگىز قوزىداي ەكەۋى جامبىل جە­رىنە ەڭ العاش كەلگەندە, ونەرى­نە تامسانعان اۋداندىق پارتيا كومي­تەتىنىڭ سول كەزدەگى ءبىرىنشى حاتشى­سى مادەنيەت سالاسىنداعى جاۋاپ­تى جىگىتتەرگە ارنايى تاپ­سىرما بەرىپ, «مىنا قىزداردان ايىرى­لىپ قالماڭدار. جاعدايىن جاساپ, قامقورلىققا الساڭدار, ءتۇبى وسى­لار ساحنانىڭ ءسانى بولا­دى», دەگەن ەكەن. بۇل شىندىققا اينالدى. قاسكەلەڭ قالاسىنداعى مادە­ني-اعارتۋ ۋچيليششەسىنىڭ ەڭ سوڭ­عى كۋرسىندا وقىپ جۇرگەن ايمان مەن شولپان داۋىدوۆالار وسىلايشا 1981 جىلى جامبىل اۋدانىنا وندىرىستىك ماشىقتا­نۋ­دان وتۋگە كەلگەندە-اق جۇرتقا تا­نىلىپتى. سودان بەرى تالاي سۋ اقتى. ارادا وتىز جىل دا زى­مى­راپ وتە شىقتى. ەكەۋى جامبىل اۋداندىق مادەنيەت ءۇيىنىڭ ساح­نا­سىنىڭ سانىنە اينالدى. ولاردىڭ ۇلگىسىمەن تالاي ۇرپاق ءانشى بو­لۋعا ۇمتىلدى. ولاردىڭ سىڭعىر ءۇنى تالاي كەۋدەگە شۋاق قۇيدى. قوس ونەرپازدىڭ اياۋلى اناسى قاتيپا حالىق اندەرىن تامىل­جى­تا ايتاتىن ءانشى, اۋىل وتىرى­سىندا ولەڭمەن ءسوز قاعىستىرسا, ەشكىمگە ەسەسىن جىبەرمەيتىن اق­ىن­دىعى بار. ەگىز قىزعا ونەر وسى كىسىدەن دارىعان. تاعى ءبىر اي­تا­تىنى – وتباسىنداعى قىزعال­داق­تاي سەگىز قىز بەن ءبىر ۇل شەتىنەن ونەرلى. «اينام-اۋ», «بۇلدىرگەن», «بەۋ, اي­داي», «گۇلداريعا», «جىل­­قى ءىشىن­دە الا ءجۇر», «بەكزاتىم-اي», «ءاياي, بوپەم», ت.ب. حالىق ءان­دەرى بۇلاردىڭ رەپەرتۋارىن ەس­تىگەن قۇ­لاققا ەتەنە جاقىن ەتسە, نۇرعيسا تىلەنديەۆ پەن اسەت بەيسەۋوۆتىڭ, جولداسحان قۇرا­مى­سوۆ پەن نىشان تولەگەنوۆتىڭ اندەرى, بۇگىنگى ەسترا­دا­لىق اۋەن­دەردى دە بارىنشا بايى­تىپ, ءتۇر­لەندىردى. ءاربىر ءاندى وزىندىك ناقىش-رەڭ­­كىمەن سالاتىن ايمان مەن شولپان قا­زىر مادەنيەت ءبولىمى ۇي­ىم­داستى­را­تىن «قىز سىنى», «جەتىسۋ جۇل­دىز­دارى», «جەتىسۋ ارۋى», «اسەت­­تىڭ اسەم اندەرى-اي», «كەلىندەر سى­نى» سياقتى بايقاۋ­لاردا جاس ونەرپازداردىڭ قاناتىن قا­تاي­تۋعا ۇلەس قوسىپ, ادىسكەرلىك قىز­مەتپەن اينالىسىپ جۇرگەن ءتا­جى­ريبەسى مول ۇستازدار سانالادى. ەكەۋى ەكى شاڭىراققا كەلىن, ۇل-قىز وسىرگەن اياۋلى انا اتان­دى. شولپاننىڭ ايدوسى مەن ايجانى, ايماننىڭ داۋرەنى مەن مانشۇگى, ءالياسى ەسەيىپ, بىرەۋلەرى ەرجەتسە, ەكىنشىلەرى بوي جەتتى. قالاعان ماماندىقتارىن مەڭگەرىپ, كەلەشەككە سەنىمدى قۇلاش سەرمەدى. ايماننىڭ قىزى ءاليا سەمەتاەۆا دا ءانشى. قازاقتىڭ قىزدار پەدا­گوگي­­كالىق ۋنيۆەرسيتەتىنىڭ مۋزىكا فاكۋلتەتىن بىتىرگەن قوس ونەرپاز قازىر بىلىكتى ۇستاز, اۋداندىق ءما­دەنيەت ءۇيىنىڭ انسامبلىندە شەرتەر اسپابىن شەبەر مەڭگەرگەن مۋزىكانت. قاسيەتتى دومبىرانىڭ قوڭىر ۇنىنە قوسىلىپ, ءان اسپا­نىندا اي مەن شولپانداي جار­قى­راعان كۇمىس كومەي قوس ءانشى­لە­رى­مىزگە, انشىلىكتىڭ تۋىن بيىك ۇس­تاعان ەگىز قىزعا قاشاندا شىعا­ر­ماشىلىق شابىت تىلەيمىز. كۇمىسجان بايجان. الماتى وبلىسى, جامبىل اۋدانى. –––––––––––––– سۋرەتتە: ايمان مەن شولپان اناسى قاتيپامەن بىرگە.