امەريكاعا ءتيىمدى جاۋاپ قايتارادى

رەسەي اقش-تىڭ ەۋروپادا زىمىرانعا قارسى قور­عا­نىس جۇيەسىن قۇرۋىنا جاۋاپ رەتىندە اسكەري-تەحنيك­ا­لىق شارالار قابىلداي باستادى. كرەملدەگى جوعارى ءدا­رەجەلى دەرەك كوزىنىڭ سوزىنە قاراعاندا, رەسەي بيلىگى قا­­زىردىڭ وزىندە نە ىستەۋ كەرەك ەكەنىن ايقىن ۇعىنىپ وتىر. ءبىزدىڭ جاۋابىمىز, دەيدى ول, ارزان بولادى, بىراق اسا تيىمدىلىگىمەن ەرەكشەلەنەدى. جوعارىداعى لاۋازىم يەسىنىڭ ايتۋ­­ىنشا, امەريكالىقتار ەۋروپاداعى جۇيەسىن رەسەي پىكىرىمەن ەسەپتەسپەي قۇرعىلارى كەلەدى. ال مۇنداي بىرجاقتى شەشىممەن ەش كەلىسۋگە بولمايدى. اقش تاراپى وزدەرىنىڭ نى­سان­دا­رى رەسەيگە قارسى باعىتتالمايتىنىن كولدەنەڭ تارتىپ وتىر. ليۆيانىڭ اۋە كەڭىستىگى اشىلادى ليۆيانىڭ ۇلتتىق وتپەلى كەڭەسى ناتو-مەن كوممەرتسيالىق اۆياتسيا ءۇشىن ءوزىنىڭ اۋە كەڭىستىگىن ءىشىنارا بولسا دا اشۋ تۋرالى ۋاعدالاستىققا قول جەتكىزدى. رەيستەرگە ليۆيانىڭ ازاماتتىق اۆياتسيا باسقارماسى قىزمەت كورسەتپەك. بۇل ەلگە گۋمانيتارلىق كومەك جەتكىزۋگە دە قولايلى جاعداي تۋعىزعالى وتىر. ۇلتتىق وتپەلى كەڭەس پەن ناتو اراسىنداعى ۋاعدالاستىق جاقىن ارادا كۇشىنە ەنبەك. بۇل 1973 جىلعى ليۆيانىڭ اۋە كەڭىستىگىندە ۇشۋعا رۇقسات بەرمەيتىن بۇۇ قاۋىپسىزدىك كە­ڭە­سىنىڭ قارارى كۇشىندە تۇرعانىنا قاراماستان, جۇزەگە اسپاق­شى. كەيىنىرەك بىرتىندەپ قاراردىڭ كۇشىن جويۋ كوزدەلگەن. ءبى­راق, ول ۇلتتىق وتپەلى كەڭەستىڭ ەلدە قانشالىقتى جىلدام ءتارتىپ ورناتاتىنىنا تىكەلەي بايلانىستى بولماق. وباما يراندى جاۋاپقا ماجبۇرلەمەك اقش پرەزيدەنتى باراك وباما يران باسشىلىعى ساۋد ارابياسىنىڭ اقش-تاعى ەلشىسىن ءولتىرۋدى جوس­پارلاعانى ءۇشىن جازا تارتۋى ءتيىس دەپ مالىمدەدى. بىراق ول يراننىڭ رۋحاني كوسەمى ءالي حامەنەي مەن ەل پرەزيدەنتى ماحمۇد احمادينەجادتى تىكەلەي ايىپتاعان جوق. ءسويتىپ, ب.وباما تەھرانعا قاتىستى ەڭ قاتال شارا قا­بىل­داۋعا شاقىردى. ۆاشينگتون ساۋديا ەلشىسى ادەل ءال-جۋ­بەي­راعا قاستاندىق ۇيىمداستىرۋعا قاتىستى 11 قازان كۇنى اي­ىپتاعان مالىمدەمە جاساعان ەدى. فەدەرالدى تەرگەۋ بيۋرو­سىنىڭ نۇس­قاسى بويىنشا, ەلشى اقش اۋماعىنداعى مەيرام­حا­نا­لاردىڭ بىرىندە جارىپ جىبەرىلمەك ەكەن. قاقتىعىستا 36 ادام وپات بولدى سيريادا وپپوزيتسيا وكىلدەرى مەن پرەزيدەنت باشار اسادتىڭ جاق­تاس­­­تا­رى اراسىنداعى قاقتىعىس بارى­سىن­دا 36 ادام كوز جۇمدى. قازا تاپقان­­دار­­­­دىڭ 25-ءى اسكەري قىزمەتشىلەر كورىنەدى. قاندى قاساپ اسادتىڭ اسكەرلەرى سي­­­ريانىڭ سولتۇستىگىندەگى باناش قالا­­سى­نا شابۋىل جاساعان كەزدە ورىن العان. «ءال-جازيرا» تەلەارناسىنىڭ حابارلارىنا قاراعاندا, پرەزيدەنتكە قارسىلار وزدەرىنىڭ نارازىلىقتارىن كوپ جاع­­­دايدا بەيبىت دەمونستراتسيالار ارقىلى بىلدىرۋگە ۇمتىلادى ەكەن. ال بيلىك بولسا, وپپوزيتسيانى بەيبىت تۇرعىندارعا وق اتىپ جۇرگەن قارۋلى باندالاردى بۇركەمەلەپ وتىر دەپ اي­­ىپتايدى. ءسويتىپ, ۇستىمىزدەگى جىلدىڭ ناۋرىز ايىنىڭ سوڭىندا باستالعان بيلىككە قارسى شەرۋلەر توقتالار ەمەس. ءۇش ايدا 70 ميلليون دوللار جينادى اقش پرەزيدەنتى باراك وباما مەن دەموكراتيالىق پارتيا شىلدە مەن قىركۇيەك ايلارى ىشىندە پرەزيدەنتتىك سايلاۋ ناۋقانى ءۇشىن 70 ميلليون دوللار جيناپ ۇلگەرگەن. ماسە­­لەن, وباما شتابى 42,8 ميلليون دوللار تاپسا, دەموكراتيالىق پارتيا­­نىڭ ۇلتتىق كوميتەتى 27,3 ميلليون دوللار شوعىرلاندىرعان. ءساۋىر مەن ماۋسىم ايلارىن قوسا ەسەپتەگەندەگى سول ارالىقتا جيناقتالعان سوما 86 ميلليون دوللاردى قۇراعان ەدى. ال پرەزيدەنتتىككە رەسپۋبليكالىق پارتيادان ىقتيمال كانديداتتار ايتارلىقتاي از قارجى جيناعان. مىسالى, تەحاس گۋبەرناتورى ريك پەرري سول مەرزىم ىشىندە بار بولعانى 17 ميلليون دوللاردىڭ عانا باسىن قۇراي العان. سايلاۋالدى باعدارلاماسىن جاريالادى رەسەي فەدەراتسياسىنىڭ كوممۋنيستىك پارتياسى سايلاۋالدى باع­دارل­ا­ماسىن جاريالادى. ونىڭ تولىق ءما­تىنى پارتيانىڭ سايتىنا ورنالاستى­رىلدى. كوممۋنيستەر وزدەرىنىڭ باع­دار­لاماسىندا ەل الدىندا تۇرعان 5 باستى سىناقتى اتاپ كورسەتەدى. ولار: وراسان الەۋمەتتىك تەڭسىزدىك, دەموگرافيالىق اپات, ەكونوميكانىڭ قۇلدىراۋى, قورعانىس قابىلەتىنىڭ جوعالۋى جانە رۋحاني-ادامگەرشىلىك ازعىنداۋ. وسىعان بايلانىستى كوم­مۋنيستەر ءوز باعدارلاماسىن مىنا جۇيە بويىنشا قۇرىپ وتىر. ولار: جاڭا ءۇش سىرتقى ساياسي باعىت, بەس الەۋمەتتىك با­سىمدىق جانە جەتى جاڭا ەكونوميكالىق ساياسات. قىسقا قايىرىپ ايتقاندا:  باعدادتا ەكى جارىلىس جاسالدى. ونىڭ سالدارىنان كەم دەگەندە 16 ادام وپات بولعان. سوڭعى كەزدەرى يراكتا لاڭكەستىك ارەكەتتەر جيىلەي ءتۇستى. ماسەلەن, ۇستىمىزدەگى جىلدىڭ تامىز-قىركۇيەك ايلارىندا عانا ەل اۋماعىندا 424 ادام كوز جۇمدى. اقش گرەكيالىق انارحيستەردى دۇنيە جۇزىندەگى قاتەرلى توپ­تاردىڭ قاتارىنا قوستى. ويتكەنى, انارحيستەر 2009 جىلدان بەرى گرەكيا اۋماعىنداعى ءتۇرلى ەلدەردىڭ مەملەكەتتىك مەكەمەلەرىندە جارىلىستار ۇيىمداستىرىپ ءجۇر. كۋبا باسشىلىعى اقش-پەن تۇتقىندار الماسۋدان باس تارت­تى. امەريكالىقتار اقش-تا جانسىزدىق جاساعانى ءۇشىن سوت­تال­عان كۋبالىق رەنە گونسالەستى كۋبادا 15 جىلعا تۇرمەگە قا­مالعان ءوز ازاماتى الان گروسسقا ايىرباستاماق بولعان ەدى. رەسەيدىڭ «ترانسنەفت» كومپانياسى قىتايعا كومىرسۋتەگى شيكىزاتىن جىبەرۋدى ۋاقىتشا توقتاتتى. بۇعان امۋر وب­لى­سىندا ورىن العان جەر سىلكىنىسى سەبەپ بولدى. كەيبىر دەرەك كوز­دەرىنە قاراعاندا, ونىڭ قۋاتى 5,6 بالل مەن 6,4 بالل ارالىعىن قۇراعان. ۋكراينانىڭ ەكس-پرەزيدەنتى لەونيد كۋچمانىڭ بۇرىنعى كۇ­­زەت­­­شىسى, وتستاۆكاداعى مايور نيكولاي مەلنيچەنكو اقش-قا قاشىپ كەتكەن. ونىڭ سوزىنە قاراعاندا, ەل بيلىگى تاراپىنان قىسىم كورگەن سەكىلدى. ينتەرنەت ماتەريالدارى نەگىزىندە ازىرلەندى.