ۇلتارالىق كەلىسىمدى جوعارى باعالادى

قازاقستان رەسپۋب­لي­كاسى پارلامەنتى ءماج­ى­لىسىنىڭ حالىقارالىق ىستەر, قورعانىس جانە قاۋىپ­سىزدىك كوميتەتىنىڭ توراعاسى امزەبەك جول­شىبەكوۆ ەۋروپاداعى قاۋىپسىزدىك جانە ىنتى­ماقتاستىق ۇيىمى قاق­تىعىسۋلاردان ساقتاۋ ور­تالىعىنىڭ ديرەك­تو­رى ادام كوبەراتسكيمەن  كەز­دەستى, دەپ حابارلادى ءماجىلىستىڭ ءباسپاسوز قىزمەتى. امزەبەك جولشىبەكوۆ مەيمان­نىڭ سۇراقتارىنا وراي قازاق­ستان­نىڭ سىرتقى ساياساتى, مەملەكەت باسشىسى ن.نازارباەۆتىڭ بەيبىتشىلىكتى قورعاۋ ماقساتىنداعى باس­تا­مالارى, ەل پارلامەنتىنىڭ قۇرى­لىمى تۋرالى ايتىپ بەردى. كەزدەسۋدە استانادا اياقتالعان يادرولىق قارۋسىز الەم ءۇشىن حا­لىق­ارالىق فورۋمى تۋرالى جان-جاقتى اڭگىمە ءوربىدى. ادام كوبەراتسكي اتالعان جيىننىڭ ماڭىز­دى­لىعىن ايتا كەلىپ, وسى شاراعا قا­تىس­قانىنا قۋانىشتى ەكەنىن جەتكىزدى. ويتكەنى, يادورلىق قارۋدى تاراتپاۋ الەم بويىنشا اسا ماڭىزدى ماسەلەگە اينالىپ تۇرعانى انىق. مەيمان قازاقستانداعى ۇلتارا­لىق كەلىسىمگە جوعارى باعا بەردى, بۇل تاۋەلسىز ەلدىڭ ۇلكەن جەتىستىك­تەرىنىڭ ءبىرى ەكەنىن ايتتى. كوپ ۇلتتى قازاق جەرىندە 50 مىڭداي پولياكتىڭ تۇرىپ جاتقانىن تىلگە تيەك ەتتى. تاراپتار ەقىۇ-نىڭ بارلىق ينستيتۋتتارىمەن بايلانىستى نىعاي­تۋ تۋرالى پىكىر ءبىلدىردى, سونىڭ ىشىندە پارلامەنتتىك ۇيىمدارمەن باي­لا­نىس­تى جانداندىرۋ جايى ءسوز بولدى. كەزدەسۋگە ەقىۇ-نىڭ استانا­داعى ورتالىعىنىڭ جەتەكشىسى الەك­ساندر كەلچەۆسكي, سونداي-اق قازاقستان پارلامەنتى ءماجىلىسىنىڭ دەپۋتاتتارى, ەقىۇ پارلامەنتتىك اسسامبلەياسىنىڭ مۇشەلەرى  سۆەتلانا بىچكوۆا مەن ەربولات ءاپ­سالياموۆ قاتىستى.