ەلىمىز وركەندەۋىنە تىلەكتەستىك ءبىلدىردى

جاقىندا چەحيا پارلامەنتى اۋىل شارۋاشىلىعى كوميتەتىنىڭ مۇشەلەرى ءماجىلىس ۇيىنە كەلدى. ولار قازاقستان پارلامەنتى ءماجىلىسىنىڭ دەپۋتاتتارىمەن جۇزدەستى, دەپ حابارلادى وسى پالاتانىڭ ءباسپاسوز قىزمەتى. قازاقستان پارلامەنتى ءماجىلىسىنىڭ ا­­گ­رارلىق ماسەلەلەر كوميتەتىنىڭ توراعاسى رومين ءمادينوۆ مەيماندارعا ەلىمىز تۋرالى اڭگىمەلەپ بەردى. قازاقستاننىڭ اگروونەر­كا­سىبى – ەل ەكونوميكاسىنىڭ نەگىزگى سالاسىنىڭ ءبىرى. اتا-بابالارىمىز ەجەلدەن اۋىل شارۋا­شىلىعىمەن اينالىسقان. بۇگىنگى تاڭدا جەر بەتىندە ادام سانىنىڭ وسۋىنە وراي حالىقتى ازىق-ت ۇلىكپەن قامتۋ وزەكتى ماسەلەلەردىڭ بىرىنە اينالىپ كەلە جاتقانى انىق. «قازاق­ستان نەگىزىنەن بيداي وسىرەدى. ەلىمىز استىقتى ەكس­پورتتاۋدا الەم بويىنشا الدىڭعى ون­دىق­­قا كىرەدى. جىل سايىن 20 ملن. تونناداي استىق وندىرىلەدى, ىشكى سۇرانىستىڭ كولەمى 8 ملن. تونناداي. سونداي-اق قازاقستان مال وسىرۋ­دە ۇل­كەن الەۋەتكە يە. اسىل تۇقىمدى مال باسىن ءوسىرۋ ماقساتى العا قويىلدى. ءبىزدىڭ كوميتەت اگرارلىق سالانى دامىتۋعا باعىتتال­عان زاڭ­داردى شىعارۋمەن جانە جەتىلدىرۋمەن اي­­نا­لىسادى», – دەدى ر.ءمادينوۆ. ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ حاتشىسى ۆيكتور روگالەۆ ءوز سوزىندە ەكى ەلدىڭ قارىم-قاتىناسى جاقسى دامىپ كەلە جاتقانىن تىلگە تيەك ەتتى. ايتالىق, قوس مەملەكەتتىڭ پارلامەنتتەرى ارا­سىندا ىنتىماقتاستىق توبى بار. قازاقستان پارلامەنتشىلەرىنىڭ 32-ءسى اتالعان توپقا مۇشە بولىپ وتىر. زاڭ شىعارۋ ىسىندە تاجىريبە الماسۋ ءۇشىن وسىنداي كەزدەسۋلەردىڭ ماڭىزى زور. «سىزدەر ءبىز ءۇشىن ايرىقشا كەزەڭدە – قا­زاق­ستان تاۋەلسىزدىگىنىڭ 20 جىلدىعى قار­سا­ڭىن­دا كەلىپ وتىرسىزدار. بۇگىنگى تاڭدا ەلى­مىز­دىڭ بارلىق ءوڭىرى استاناعا كەلىپ, وز­دەرى­نىڭ الەۋمەتتىك-ەكونوميكالىق جانە مادەني جەتىستىكتەرىن كورسەتىپ جاتىر. ۋاقىت­تارى­ڭىز بولسا, وزدەرىڭىز دە كورە الاسىزدار», – دەدى ۆ.روگالەۆ. مەيماندار تاراپىنان ءسوز العان چەحيا پارلامەنتىنىڭ اۋىل شارۋاشىلىعى كومي­تەتى­نىڭ توراعاسى پاۆەل لۋكشا قازاقستان مەن بۇرىنعى چەحوسلوۆاكيا اراسىندا قا­لىپ­تاسقان دوستىق بايلانىس بار ەكەنىن ايت­تى. وسى ءداستۇردىڭ جالعاساتىنىنا سەنىم ءبىلدىردى. چەح رەسپۋبليكاسى – ونەركاسىپتىك الەۋەتى جوعارى ەل. سوعان قاراماستان, ەلدىڭ ەكونوميكالىق دامۋىندا اۋىل شارۋا­شى­لىعى قاي كەزدە دە باستى ءرول اتقارىپ كەلەدى. اۋىل شارۋاشىلىعى ءىجو-ءنىڭ 10-12 پايىزىن قۇرايدى. مەيماندار قازاق ەلىنىڭ وركەندەۋىنە تىلەكتەستىكتەرىن ءبىلدىردى. كەزدەسۋگە ءماجىلىس دەپۋتاتتارى روزاقۇل حالمۇرادوۆ, ۇزاققالي ەلەۋباەۆ جانە ازامات تۇرسىنوۆ قاتىستى.