شومىلۋ, بۋ قابىلداۋ, دەم الۋ ورىندارى بارلىق تالاپتارعا ساي جاسالعان. مۇگەدەكتەر ءۇشىن پاندۋس ۇلگىسىندەگى ارنايى باسقىش ورناتىلعان. اعاش وتىنمەن جاعىلاتىن جىلجىمالى الەۋمەتتىك مونشانىڭ يەسى ءۋاليحان ىبىراەۆ بۇل يدەيانى كوپتەن بەرى ويلاستىرىپ جۇرگەن. وسىدان بىرنەشە جىل بۇرىن زەينەپ اپا ءۇش رەت ينسۋلت الىپ, قولارباعا تاڭىلىپ قالعان. سۇيىكتى اناسىنىڭ جاعدايىن بارىنشا جەڭىلدەتۋدىڭ جولدارىن قاراستىرعان كەنجە ۇل وسى جوبانى ويلاپ تاپقان.
مونشانى قىزمەتىن ءجۇرىپ-تۇرۋى قيىن كەمباعال جاندارمەن قاتار كوپشىلىك تە كەڭىنەن پايدالانادى. بۇگىنگە دەيىن بەس مىڭعا جۋىق ادام يگىلىگىن كورىپتى.
– كەمباعال جاندار ءۇشىن الەۋمەتتىك قىزمەتكەرلەر تاعايىندالعان. از قامتىلعان, كوپ بالالى وتباسىلاردىڭ دا قاتارى از ەمەس. ءوتىنىش-تىلەكتەر تەلەفون ارقىلى قابىلدانادى. وبلىس ورتالىعىنان سىرتقارى جەرلەرگە دە بارىپ ءجۇرمىز,– دەيدى ءۋاليحان.
ءۋاليحاننىڭ ەندىگى ماقساتى – باعدارلاما اياسىن ودان ءارى كەڭەيتىپ, جىلجىمالى الەۋمەتتىك مونشا كەشەنىن قۇرۋ.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
