بۇگىن استانادا قر مادەنيەت جانە سپورت مينيسترلىگىنىڭ ۇيىمداستىرۋىمەن وتكەن باق وكىلدەرى اراسىنداعى شاعىن فۋتبولدان سەيداحمەت بەردىقۇلوۆتى ەسكە الۋعا ارنالعان تۋرنير ءوز مارەسىنە جەتتى.
وسىمەن 20-شى رەت وتكىزىلىپ وتىرعان سپورت دوداسىنا بيىل 22 كوماندا قاتىستى.
«پروسپورت» كومانداسىنا 1:2 ەسەبىمەن ەسە جىبەرگەن «ەگەمەندىكتەر», «قىزىلجار» كومانداسىن 4:2 جانە «كازسپورت» قۇراماسىن 7:0 ەسەبىمەن تىزە بۇكتىرىپ, توپتىق كەزەڭنەن ءوتتى.
بۇدان كەيىن 1/4 فينالدا 2:1 ەسەبىمەن وقو-2 كومانداسىنان باسىم ءتۇسىپ, جارتىلاي فينالدا «حابار» تەلەارناسىن دا ءدال وسىنداي ەسەپپەن ۇتتى (2:1).
فينالدىق كەزدەسۋدە «ەگەمەن قازاقستاننىڭ» جىگىتتەرى وڭتۇستىك قازاقستان وبلىسىنىڭ باق وكىلدەرىنەن قۇرالعان وقو-1 كومانداسىمەن كەزدەستى. تارتىستى ماتچتا «ەگەمەندىكتەر» قارسىلاستارىن وزدەرىنە ۇيرەنشىكتى 2:1 ەسەبىمەن تىزە بۇكتىرىپ, ءتۋرنيردىڭ جەڭىمپازى اتاندى.
