وسىدان 60 جىلدان اسا ۋاقىت بۇرىن وسى جەردەن تەمىر كەنى تابىلىپ, سوعان وراي سوكولوۆ-سارىباي كەن وندىرىستىك بىرلەستىگى العاشقى كەندى قازا باستاعاندا, قالانىڭ دا ىرگەسى قالانعان بولاتىن. العاشقى كەزدە كومسومولدىق جولدامامەن الىپ قۇرىلىسقا كەلگەن جاستار, شاتىرلاردا تۇردى. قالا اعا ۇرپاق وكىلدەرىنىڭ كوز الدىندا ءوستى, گۇلدەندى. قازىر قالانىڭ 130 مىڭ تۇرعىنى بار. ءبىر كەن الىبى كاسىپورنىندا عانا 18 مىڭ ادام جۇمىس ىستەيدى.
قالانىڭ مەرەيتويلىق مەرەكەسىنە وبلىس اكىمى ارحيمەد مۇحامبەتوۆ قاتىسىپ, رۋدنىيلىقتاردى مەرەكەمەن قۇتتىقتادى. «قالا قۇراۋشى سوكولوۆ-سارىباي كەن ءوندىرۋ بىرلەستىگىنىڭ ىرعاقتى جۇمىسىنىڭ ارقاسىندا ونى قازىر تەك ەلىمىز عانا ەمەس, ودان تىسقارى جەرلەر دە جاقسى بىلەدى. ەلباسى نۇرسۇلتان نازارباەۆ كەن كاسىپورنىنا, ونداعى ەڭبەك ادامدارىنىڭ ومىرىنە ىلعي نازار سالىپ وتىرادى, جاقسىلىقتارىنا, تابىسىنا قۋانادى. قازىر كاسىپورىن ەلىمىزدى يننوۆاتسيالىق دامىتۋ باعدارلاماسىنا قاتىسىپ وتىر, ميلليونداعان توننا كەن وندىرۋدە. قالادا ءتۇرلى ەكونوميكالىق, الەۋمەتتىك جوبالار جۇزەگە اسىپ جاتىر, جولدار سالىنىپ, ۇيلەر تۇرعىزىلدى. وسىنىڭ بارلىعى دا كەنشىلەر قالاسىنىڭ ەلىمىزدىڭ گۇلدەنۋىنە قوسىپ وتىرعان ۇلەسى دەپ بىلەمىز», – دەدى ارحيمەد بەگەجان ۇلى.
بۇدان كەيىن وبلىس اكىمى رۋدنىي قالاسىنىڭ وسۋىنە, گۇلدەنۋىنە ۇلەس قوسىپ كەلە جاتقان مايتالماندارعا «رۋدنىي قالاسىنىڭ 60 جىلدىعى» مەدالىن تابىس ەتتى. قالا مەرەكەسى كونتسەرتكە, رۋدنىيلىقتار مەن قوناقتاردىڭ جاپپاي قىدىرۋىنا, دەمالىسىنا ۇلاستى.
ءنازيرا جارىمبەت,
«ەگەمەن قازاقستان»
رۋدنىي
