ەڭسەلى ءبىلىم ورداسىندا اسكەري كافەدرا جيىرما جىلدان بەرى جۇمىس ىستەيدى. بيىل ونىڭ قابىرعاسىنان وفيتسەر قىزدار ءبىرىنشى رەت تۇلەپ ۇشتى.
«وسىدان ەكى جىل بۇرىن اسكەري كافەدراعا قىزدار دا قابىلدانعان بولاتىن. وسى ۋاقىت بەدەرىندە ولار وزدەرىن پسيحولوگيالىق, تاكتيكالىق شەبەرلىگى, اتىس قارۋلارىن مەڭگەرۋ جاعىنان جوعارى دايىندىقتارىن كورسەتە ءبىلدى. مەملەكەتتىك سىناق ەمتيحاندارىنان مۇدىرمەي ءوتتى», – دەدى انت قابىلداۋ راسىمىندە سويلەگەن سوزىندە اسكەري كافەدرانىڭ مەڭگەرۋشىسى, پولكوۆنيك سوۆەت ءالجاپاروۆ.
لەيتەنەت شەنىن الىپ شىققانداردىڭ ءبىرى ديانا جەتپىسوۆانىڭ ايتۋىنشا, انت قابىلداۋ, وتانعا قىزمەت ەتۋ ول ءۇشىن باستى مۇرات بولىپ تابىلادى. كارينا ايتماعانبەتوۆا جاس كەزىنەن اسكەري قىزمەتكەر بولۋدى ارمانداپتى. اسكەري ازىرلىكتىڭ تالاپتارىنان ويداعىداي وتكەن ول اسكەري پسيحولوگ بولۋدى ماقسات ەتىپ وتىر.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
