وبلىستىق اۋىل شارۋاشىلىعى باسقارماسىنىڭ مالىمەتىنشە, ەكسپو-عا ارنالعان مەرەكەلىك جارمەڭكەگە 100-دەن استام كاسىپورىن مەن شارۋا قوجالىعى قاتىسۋدا. ولاردىڭ ىشىندە, حالىققا ساپالى ونىمدەرىمەن تانىلىپ ۇلگەرگەن «رۋبيكوم» جشس, «جانا روسا» اق, «كەممي» جشس, «اقجار – ءوندىرىس» جشس, «رەگتايم» شق, «كرەندەل» شق, «زەرنوگراد» جشس, «گاليتسكوە» جشس, «شارباقتى قۇس» جشس, «پوبەدا» جشس, «اقتوعاي اگرو» جشس جانە باسقالارى بار. استاناعا 45 توننا ەت جانە ەت ونىمدەرى, 200 توننا كارتوپ, 90 توننا كوكونىس جانە 100 توننادان اسا اۋىلشارۋاشىلىعى ءونىمى جەتكىزىلىپ, ساۋدالانۋدا.
19 تامىز كۇنى ساعات 18:00-دە جانە 20 تامىز ساعات 11:00-دە «قازانات» يپپودرومىندا اۋدارىسپاق, تەڭگە الۋ, قازاقشا كۇرەس, كوكپار, توعىزقۇمالاق, جامبى اتۋ, تاس كوتەرۋ سىندى ۇلتتىق سپورت تۇرلەرى بويىنشا سپورتتىق-بۇقارالىق شارالار, سونداي-اق قۇسبەگى جانە تازى كورمەلەرى, سونىمەن قاتار پاۆلودار وبلىسىنىڭ شىعارماشىلىق ۇجىمدارىنىڭ كونتسەرتتىك باعدارلاماسى وتەدى.
فاريدا بىقاي,
«ەگەمەن قازاقستان»
فوتو: ۆالەري بۋگاەۆ
