كەزدەسۋ بارىسىندا ساۋدا-ەكونوميكالىق ىنتىماقتاستىقتى ودان ءارى دامىتۋ ماسەلەلەرى جانە 2015 جىلعى قاراشادا اۋعانستان پرەزيدەنتى ا. گانيدىڭ استاناعا ساپارى بارىسىندا ەكى مەملەكەتتىڭ باسشىلارى جاساسقان كەلىسىمدەردىڭ ىسكە اسىرىلۋ بارىسى تالقىلاندى.
سونداي-اق, ءوڭىردىڭ ترانزيتتىك الەۋەتىن جاقسارتۋ شارالارى مەن تەمىر جولدار سالۋ سالاسىنداعى ەكىجاقتى ىنتىماقتاستىق پەرسپەكتيۆالارى قارالدى. بۇدان وزگە, ەكى ەلدىڭ ءبىلىم بەرۋ سالاسىنداعى ءوزارا ءىس-قيمىلىن جالعاستىرۋ ماسەلەسى كوتەرىلدى.
باقىتجان ساعىنتاەۆ ابدۋللا ابدۋللانى ۇلتتىق مەرەكەسى – اۋعانستان يسلام رەسپۋبليكاسىنىڭ تاۋەلسىزدىك كۇنىمەن قۇتتىقتادى. وعان قوسا, تاراپتار استانادا ءوتىپ جاتقان ەكسپو-2017-دەگى اۋعانستاننىڭ ۇلتتىق كۇنىن تالقىلادى.
