«زاريا» دەگەن ساۋدا بەلگىسىمەن ءونىم شىعاراتىن تسەح ەرلەر, ايەلدەر جانە بالالارعا ارنالعان قىستىق, جازدىق جانە سپورتتىق سەكىلدى 27 ءتۇرلى اياق كيىم شىعارادى. قازىرگى زامانعا لايىقتى 180 مودەل تىگىلەدى.
وتاندىق ءونىم شىعارىپ وتىرعان كاسىپكەر شيكىزاتتىڭ باسىم كوپشىلىگىن شىمكەنتتەگى قاراكول زاۋىتىنان جانە الماتى مەن سەمەي قالالارىنان الىپ وتىر.
ءونىمىن ەكسپورتقا شىعارۋدى كوزدەپ وتىرعان تسەح باسشىسى بۇگىندە رەسەي كاسىپكەرلەرىمەن كەلىسسوزدەر جۇرگىزگەن. كەلىسىم وڭ ناتيجەسىن بەرسە, ولار ايىنا 1000 جۇپتان استام ءونىم الماق.
سونداي-اق, تسەح ونىمىنە استانا مەن اقتوبە قالالارىنىڭ كاسىپكەرلەرى دە قىزىعۋشىلىق تانىتىپ وتىر. ولار ءوز قالالارىندا «زاريا» اياق كيىم دۇكەنىن اشۋدى كوزدەۋدە.
بۇگىندە 30-40 جۇپ اياق كيىم شىعارىپ وتىرعان تسەح ونىمدەرىن وقو مەن جامبىل, قىزىلوردا وبلىستارىندا جانە الماتى قالاسىنىڭ نارىعىنا شىعارىپ كەلەدى.
ايتا كەتەيىك, ءونىمنىڭ باعاسى دا قالتاعا قونىمدى. ماسەلەن, ەرلەرگە ارنالعان اياق كيىم 5-10 مىڭ تەڭگە ارالىعىندا بولسا, ايەلدەر اياق كيىمى 5-15 مىڭ تەڭگە توڭىرەگىندە. ال, بالالار اياق كيىمىن 4000-8000 تەڭگەگە ساتىپ الۋعا بولادى.
